Конспект ОД "Тылсымлы түгәрәк"
план-конспект занятия (младшая группа)

МУНИЦИПАЛЬНОЕ БЮДЖЕТНОЕ ДОШКОЛЬНОЕ ОБРАЗОВАТЕЛЬНОЕ УЧРЕЖДЕНИЕ

«ЦЕНТР РАЗВИТИЯ РЕБЕНКА- Д/С №6 «ЖАР–ПТИЦА»

Методическое объединение куста №4

на тему: «Развивающие игры нового поколения в интеллектуальном

развитии детей раннего возраста»

Конспект совместной образовательной деятельности

с детьми первой младшей группы «Звездочки»

на тему: «Тылсымлы түгәрәк»

Подготовила:

воспитатель:

Хайруллина Ригина Валентиновна

________________куратор КМО

Альметьевск, 2020 г.

“Тылсымлы түгәрәк”

(беренче кечкенәләр төркеме)

Максат:

Түгәрәк төшенчәсе һәм аның үзлекләре белән таныштыру

Бурычлар:

• Көндәлектә түгәрәк формасындагы предметларны табарга өйрәтү;
• Фантазия, күз алдына китеү, игътибар, хәтер, иҗади сәләт үстерү;
• Төсләр, зурлык турындагы белемнәрне беркетү;
• Күңелле һәм яхшы халәт тудыру;
• Пөхтәлекне үстерү, тирә-юньгә кызыксыну уяту.

Кирәкле  җиһазлар: компьютер, проектор, беләзекләр, беренче Фребель бүләкләре (бәйләнгән төсле шарлар), түгәрәк сурәте, түгәрәк тартмадан ясалган кояш, камыр-пластилин, төсле каләмнәр, конструктор.

Дәрес барышы

1. Дәресне оештыру

(Тәрбияче балаларга түгәрәккә басып бер-берсенә елмаерга тәкъдим итэ)

Хәерле көн миңа,

Хәерле көн сиңа.

Хәерле көн безгә,

Хәерле көн сезгә!

- Мин сезгә елмаям, ә сез бер-берегезгә. Көне буе безнең күтәренке кәеф булсын (тәрбияче балаларга түгәрәк күрсәтә. Ул нинди рәвеш һәм нинди төстә булуын сорый)

2. Төп өлеш

- Балалар, ә сез беләсезме, түгәрәк тылсымлы фигура. Сезнең аның нәрсәләргә әйләнгәнен беләсегез киләме? Тылсымчы безгә тылсымлы беләзекләрен калдырган. Аларны киеп без серле остаханәгә эләгербез (тәрбияче беләзекләрне балаларга кидерә)

- Сез ничек уйлыйсыз, беләзекләр нинди фигурада?

- Балалар, карагыз әле, түгәрәк нәрсәгә әйләнде? (тәрбияче слайдларны күчерә, ә балалар нәрсә сурәтләнгәнен әйтәләр).

1 слайд: түгәрәк – йомры икмәк

2 слайд: түгәрәк – сәгать

3 слайд: түгәрәк – тәгәрмәч

4 слайд: түгәрәк – туп

5 слайд: түгәрәк – кояш

- Ягез балалар, сезгә түгәрәктән төрле әйберләр барлыкка килүе ошадымы? Телисезме, мини бу ясалган кояшны чынга әйләндерәм? (тәрбияче түгәрәк тартмадан ясалган кояшны күрсәтә)

- Балалар, сез ничек уйлыйсыз, кояш безгә нәрсә алып килгән? Әйдәгез аны ачып карыйбыз. Карагыз эле, безгә кояшның нинди бүләкләре бар! Төрле төстәге шарлар! Тотып карагыз! Алар нинди төстә? Бертөрлеме? Кайсылары зур, кайсылары кечкенә? Әйдәгез, бу шарлардан зур түгәрәк ясыйбыз! (балалар шарлардан идәндә зур түгәрәк ясыйлар). Ә хәзер шарларны кояшка биреп торыйк, алар ял итсеннәр.

- Ә безнең төркемдә түгәрәккә ошаган әйберләр бармы?

- Остаханәдәге тылсымчылар безгә үзләренең тылсымлы түгәрәкләрен калдырганнар. Сез алардан нәрсәләр ясар идегез? Әйдәгез, сез дэ тылсымчылар булыгыз. Түгәрәкләрдән үзегез теләгән әйберләрне ясый аласыз. Минем ярдәмем кирәк булса, чакырырсыз (тәрбияче балаларның эшләрен карый).

3. Йомгаклау өлеше

(Тәрбияче “Син нәрсә ясадың?” – дигән сораулар бирә)

- Бигрәк матур әйберләр килеп чыкты!  Син бик яхшы рәссам булырсың, ә син инженер булырсың ахры!