Зурлар токемендэ юл билгелэре буенча шогыль.
план-конспект занятия (старшая группа) на тему

Күңелле көй астында балалар залга керәләр.

Тәрбияче:    Балалар, сезнең юл билгеләре белән танышасыгыз, тагын да

кубрәк беләсегез киләме?

Балалар:     Әйе.

Т-че:    Шулай икэн, хәзер без сезнеңбелән юл билгеләре буйлап сәяхәт итәр-без. Сэяхәтне тагын да куңеллерәк итәр өчен, җырлар җырларбыз, уеннар уйнарбыз. Безгэ,юл билгеләрен дөрес итеп әйтергә кирәк. Тукталышта нинди билге күрәсез?

Балалар:      Бу юл билгесе: «АВТОБУС ТУКТАЛЫШЫ» дигәнне аңлата. Ә бераз баргач «КИСКЕН БОРЫЛЫШ»билгесе.

Тәрбияче:          Бик дөрес, балалар.Менә безнең автобусыбыз килеп тә җитте.Ә хәзер урыннарга кереп утырыйк. Саклану каешын беркетеп куябыз. Юлга кузгалыйк. (музыка).

Тәрбияче:            Менә балалар, беренче тукталышка килеп тә җиттек.                                  Ул«МИН БЕЛӘМ»ТУКТАЛЫШЫ. Карагыз әле ,монда нинди рәсемнәр?

Балалар:      Транспортлар.

Тәрбияче:          Ә сез нинди транспорт төрләрен беләсез?

Балалар:           Су, һава, тимер юл, коры җир, җигуле транспорт.

Тәрбияче:          Әйдәгез, хәзер пазллардан транспорт төрләрен төзик әле.  (Уен:«ТРАНСПОРТ ТОРЛЭРЕ БУЕНЧА АЕРУ»)

-Булдырдыгыз, балалар. Ә хәзер сәяхәтебезне дәвам итик. (Автобуска утыралар. Музыка.)

Тәрбияче:         Менә 2нче тукталышка да килеп җиттек. Ул«ЯРДӘМ ИТ» тукталышы.Балалар , карагыз әле, кем ул?

ТӨЛКЕ:           Мин –Төлкебикә булам.

Тәрбияче:         Ә син ни өчен юл уртасында торасың? Юлда йөрү кагыйдәлә-рен  белмисеңме әллә?

Төлке:      Ә нәрсәгә аларны белергә? Мин алардан башка да яши алам.

Тәрбияче:        Ярый ,алайса, әйдә тикшереп карыйк. Менә әйт әле, юл аркылы ничек чыгарга кирәк?

Төлке:          Ничек инде? 4 аяклап.

Тәрбияче:        Балалар, төлке дөрес әйтәме?

Балалар:           Юк.    Юлны аркылы чыгу урынын

                                       Гел истэ тот, җәяүле!

                                      Җир өстеннән, җир астыннан

                                      Урап үт син хәвефне.

 Тәрбияче:               Дөрес. Менә Төлке, ишеттеңме? Хәзер сиңа икенче сорау биреп карыйк әле: син автобустан чыктың ди, һәм сиңа юл аша чыгарга кирәк. Йә, әйт әле, син бу очракта нишләргә тиеш?

Төлке:         Автобусны әйлэнеп узарга кирәк. Көпчәкләр арасыннан чыксаң, бигрәк тә тиз була.

Тәрбияче:       Балалар, әйдәгез,Төлкегә ярдәм итик әле. Алайса, ул бөтенләй буталып бетте.

Балалар:            Автобус киткәнне көтеп торабыз. Аннары 2 якны да игътибар белән карагач, юлаша чыгарга мөмкин. Әгәр якында җәяүленең юлны аркылы чыгу урыны булса, шуның аша чыгабыз.

Тәрбияче:           Ә хәзерТөлке дус, сиңа соңгы сорау биреп карыйк: юлның транспорт йөри торган өлешендә уйнарга ярыймы?

Төлке:         Нинди  уен уйныйсың инде. Мәсәлэн, шахмат уйнарга ярамый.

Тәрбияче:       Ни өчен?

Төлке :           Чөнки машиналар фигураларны бәреп егачаклар. Ә менә туп белән уйнарга ярый. Ничек кенә әле…

Тәрбияче:          Балалар, сезТөлке эйткэннәр белән килешәсезме?

        Юл кагыйдәләрен                              Иң кечкенә билге дә

        Белергә тиеш һәркем.                       Тиктомалдан куелмый.

       Чөнки юлда йөргәндә                       Сак булыгыз! Бозарга

       Кирәге чыга һәр көн.                           Кагыйдәне ярамый!

(Видео ролик: животные тоже знают ПДД)

Төлке:     Рәхмәт сезгә, балалар.      

                        Юл йөру кагыйдәләрен

                        Ятларга вэгъдә бирәм.

                        Юл билгеләрен белү

                        Һәркемгә кирәк икэн.

Тәрбияче:             Булдырдыгыз, балалар. Ә хәзер юлыбызны дәвам итик. (Музыка).  

-   Менә, «Төсле сигналлар» тукталышына да килеп җиттек.    

СВЕТОФОР:       Көн дә, төн дә утларым

                             Сигналлар биреп тора.

                             Минем 3 төрле төсем бар,

                              Йә,әйтегез, кем булам?

Балалар:         Светофор.

                      Җәяүле, син онытма:                     Кызыл төс безгә әйтэ:

                      Светофор тамгаларына                 Тукта! Юл ябык! Хәтәр!          

                       Һәркем һәрчак буйсына!

       Сары төс ул кисәтә,                            Яшел – хәрәкәт ача,              

       Әзерли хәрәкәткэ.                              Балалар юлны чыга.

Тәрбияче:          Ә хәзер светофор сигналлары төсе буенча уен уйныйбыз. (Кызыл төс янгач- тын гына басып торалар, сарытөс – кулларын чәбәклиләр, яшел төс янгач – балалар йөргән кебек таптанып торалар).

-  Рәхмәт сиңа, светофор.Безгә һәрвакыт шулай юл күрсәтеп тор! Ә хәзер «СВЕТОФОР  УТЛАРЫ» җырын җырлыйбыз.

Тәрбияче:           Ә хәзер балалар, автобуска утырып, узебезнең «ШАТЛЫК» балалар бакчасына кайтыйк.  (Музыка).

Менә кайтып та җиттек. Сәяхәт ошадымы? Сез инде хәзер юлда йөру кагый-дәләрен беләсез. Беркайчан да кагыйдәләрне бозмассыз,  дип ышанып  калам. Барыгызга да исән-имин, хәерле юллар телим!

Күңелле көй астында балалар залдан чыга.