Конспект: "Дәү әнием" шигырен ятлау
материал (средняя группа) по теме

Конспект: «Дәү әнием» шигырен ятлау»

    4-5   яшьлек балалар өчен

 Бурычлар:

1. Шигырьне сәнгатьле итеп сөйләү күнекмәләре бирү.

2. Балаларның хәтер сәләтен, игътибарлылыгын, диалогик

сөйләмен үстерү.

3. Гаиләңне ярату, дәү әниләргә карата хөрмәт хисләре

тәрбияләү.

Сүзлек: дәү әни, өебезнең нуры.

Җиһазлар: “Яраткан дәү әниләребез” темасына стенд.

Матур әдәбият: Ф.Ю.Юсупов. «Гөлбакча», 109 бит.

Кулланылган әдәбият: “Туган телдә сөйләшәбез” 5-7 яшь методик кулланмасы

Эшчәнлек барышы:

• Исәнмесез балалар !
• )Балалар  әйдәгез бер-беребезгә  хәерле көн телибез.
•  Балалар, менә игътибар белән карагыз әле, әлеге  проектор эранга  кемнәрне күрәсез? (Дәү әниләрне, әбиләрне
• Алар нишлиләр ?(Балаларның җаваплары тыңлана .)
• Ә сезнең барыгызның да әбиләрегез, дәү әниләрегез бармы соң?
• Бар.
• Ә сез дәү әниләрегезне яратасызмы соң?
• Әйе, яратабыз.
• Ни өчен?
• Чөнки ул безгә тәмле ашлар пешереп ашата, җылы оекбашлар бәйли, тегә, матур гөлләр үстерә, мине теләкләр әйтеп озатып кала, каршы ала.
• Ә менә үзенең яраткан дәү әнисе турында берәрегез сөйләргә теләмиме соң? Алдан конкурс оештырыла “Безнең яраткан әбилребез “ Я, кайсыгыз?

(2-3 бала сөйли)

• Безнең яраткан дәү әниләребез турында Әминә апагыз Бикчәнтәева бик матур шигырь язган. Ул “Дәү әнием” дип атала.
• Тыңлап карагыз әле, кем турында икән ул?

(Сәнгатьле итеп шигырь укыла)

• Сезгә шигырь ошадымы? (Әйе)
• Шигырьне кем язган? (Шагыйрә Ә.Бикчәнтәева)
• Шигырьдә сүз кем турында бара? (Дәү әни турында)
• Кем ул дәү әни?? (Әнинең әнисе – әби)
• Ә дәү әни нәрсәләр эшли? (Аш пешерә, гөлләр үстерә, бәйли-тегә)
• Ул безне нәрсәләргә өйрәтә? (Чисталыкка, пөхтәлеккә, тәмле телле булырга)
• Балалар, Ә.Бикчәнтәева дәү әниләр турында шундый матур сүзләр белән әйткән – өебезнең нуры ул дигән. Сез моны ничек аңлыйсыз?
• Чөнки ул иң өлкән, олы кеше. Сез моны беркайчан да онытмагыз, аларны хөрмәтлик.
• Дәү әни сүзен нинди сүзләр белән алыштырып була? (Әби, әбием, әбекәй, алтыным, яратканым һ.б.)
• Рәхмәт, балалар, матур җавапларыгыз өчен. Мин сезгә шигырьне тагын бер кат укып чыгам, тыңлагыз.
• Безгә әлеге шигырьне яттан өйрәнергә кирәк. Хәзер минем арттан кабатлыйбыз.

Әниемнең әнисе

Әбием була минем.

Әби генә түгел әле

Ул минем дәү әнием.

– Өйрәнгән өлешне яттан сөйләү (2-3 бала яттан сөйли).

Уен оештырыла “Киресен әйт “

(Дәү әни керә: кулында “Чәк-чәк”)

– Исәнмесез, балакайларым. Менә оныгым сезнең турыда сөйләшәчәкбез, шигырь өйрәнәчәкбез, дип әйткәч, туктале, мин әйтәм, кереп чыгыйм әле, хәлләрен белеп, дидем. И-и-и, балалар, үземнең дә сезнең кебек яшь чакларым искә төшеп китте бит әле. Ә беләсезме, без бәләкәй чакта бик матур бер уен уйный идек. “Чума үрдәк –чума каз ” дип атала ул. Әйдәгез бераз ял итеп уйнап алабыз.

(Дәү әни белән уен уйнала)

• Дәү әни, без син кергәнче бик матур шигырь өйрәндек. Сиңа да сөйләп күрсәтик әле. (1 бала сәнгатьле итеп сөйли)
• (Дәү әни күчтәнәчләрен бирә дә саубуллашып чыгып китә)
• Балалар, чыннан да, өебезнең нуры булган дәү әниләребезне яратыйк, аларны хөрмәт итик, булышыйк
• .Шөгыльгә анализ.
• Балалар  шөгыльдән  нинди я ңалыклар алдыгыз?
• Кемнәрләргә булыштык?
• Кемнәрләргә сөйләрсез?
• Балаларның җаваплары тыңлана .
• Шөгыль тәмам.Бик зур рәхмәт .