Светофорны күзәтү
план-конспект занятия (младшая группа) по теме

Светофорны  күзәтү.

Максат:  Светофор  сигналларын өйрәнү.

Белем  бирү бурычлары: Балаларны  светофор  белән таныштыру; төп төсләр  турындагы  белемнәрен  ныгыту.

Үстерү  бурычлары: күреп   һәм  ишетеп кабул  итүне  үстерү.

Тәрбияләү  бурычлары: игътибарлылык   тәрбияләү.

Җиһазлау: Төсле  акбурлар,  хәрәкәтле  уен: ,, Светофорның  төсләре” өчен  төсле  флакчыклар.

Дәрес  барышы:

 Тәрбияче: Балалар,  минем   сезгә  бер  табышмак  әйтәсем килә.

Авызы юк, борыны юк,

Тик бар аның өч күзе:

Урамдагы хәрәкәтне

Көйләп торадыр үзе.

Балалар: Светофор.

Тәрбияче: Дөрес әйттегез  балалар. Хәзер  без  сезнең белән киенәбез дә, урамга  чыгабыз.Мин сезгә  светофорны  күрсәтермен. Кайсыгыз  белә:  нәрсә  ул  светофор?

2. Төсле  сигналлар  бирү  җайланмасы.
3. Юл  хәрәкәтен җайга  салучы.
4. Анда төрле- кызыл, сары, яшел  төстәге  утлар яна.

Тәрбияче: Дөрес  әйттегез  балалар. Ә  хәзер  светофорның  тәрәзәчекләрендә  кабынган  утларга   карагыз  әле.  Алар берьюлы  түгел, ә чиратлашып  яналар.

5. Кызыл  ут  янганда, юлны  аркылы  чыгарга  ярамый.
6. Яшел  ут  янганда, юлны  чыгарга ярый. Ләкин, балалар  үзегез  генә  юлны  чыгарга  ярыймы?

Балалар: Әниләр, әтиләр  белән  җитәкләшеп  кенә  юл  аркылы чыгарга   ярый.

7. Светофорның  нинди  уты  янганда, юлны  аркылы  чыгарга  ярый?
8. Светофорның  нинди  уты  янганда,  юлны  чыгарга  ярамый? Ни  өчен?

Уен: ,, Светофорның  төсләре”

Уенлы  бирем: ,, Светофорның   тәрәзәчекләрен  буя”. Балалар  алдан  әзерләнгән светофорның   тәрәзәчекләрен   төсле    акбурлар  белән  буйыйлар .