“Дьоллоох түгэн” оонньуу.
занимательные факты по окружающему миру (старшая группа) на тему

“Дьоллоох түгэн” оонньуу.

(Улахан саастаах оҕолорго тулалыыр эйгэҕэ дьарык)

Сыала: Оҕо төрөөбүт дойдутун туһунан билиитин кэҥэтии, тапталы иҥэрии.

Иитээччи төрөөбүт дойду туһунан хоһоон ааҕар. Оҕолор икки тэҥ хамаандаҕа арахсаллар. Музыка тыаһыыр.

Жеребьевка тардыы

Маҥнайгы түһүмэх «Ыраахтан-ыраах»

Ыйытыктар:

• Биһиги олорор дойдубут аата? (Саха сирэ)

• Айылҕа, тыа саамай киэргэлэ? (Мас)

• музыканы ким суруйар? (Композитор.)

• хоһоону ким суруйар? (Поэт.)

• сааскы маҥнайгы көтөр аата? (туллук.)

• тыа эмчитэ диэн ханнык көтөрү ааттыылларый? (тоҥсоҕой.)

• тыатааҕы ханна, хайдах кыстыырый? (арҕахха утуйар)

• Тииттэн тииккэ ойуоккалыыр ханнык кыылый? (тииҥ.)

• ханнык кыыл төбөтүгэр хара тыаны сүгэ сылдьарый? (тайах)

• кыһын, сайын сонун уларытар кыыл аата? (куобах)

Иккис түһүмэх «Дьээбэлээх хоппо»

Сорудахтар:

1. Өс хоһоону салҕаа.

• ойуурдаах куобах...(охтубат)

• сэнээбиккиттэн...(сэттэҕин ылыан)

• отонноотоххо...(оҥоойук туолар)

• норуот күүһэ...(көмүөл күүһэ)

• доҕор доҕорун...(алдьархайга хаалларбат)

2. Ыйытыктарга эппиэттээ:

• Олорор дэриэбинэбит үрэҕин аата? (Танда үрэх)

• Олорор дэриэбинэбитигэр баар музей ким аатын сүгэрий? (Иван Павлович Готовцев)

Дидактическай оонньуу «Сыыһаны көннөр»

Бэриллибит хартыыналартан туох туора, сыыһы киирбитин туорат. Холобур, Танда тэрилтэлэрин хаартыскаларын быыһыгар Ярославскай музей хаартыската...

Үһүс түһүмэх «Түргэн эппиэт»

Ыйытыктар:

• Сахабыт сирин киин куората? (Дьокуускай)

• Дьокуускай куоракка баар киинэ театрдарын ааттара? (“Лена”, “Киин”, “Азия”, “Синема-центр”)

• Светофор өҥнөрүн ааттаталаа уонна быһаар? (күөх-айаннаа, хаамп, араҕас-бэлэмнэн, кыһыл -тохтоо)

• Олорор дэриэбинэн тэрилтэлэрин ааттаталаа? (Медиапроектор көмөтүнэн)

• Нэһилиэкпит аҕа баһылыга кимий? (Егоров С.И.)

Төрдүс түһүмэх

Ыйытыктар, сорудахтар:

• Кыһыл кинигэ диэн тугу этэллэрий, туохха нааданый?

• Саха сирин көтөрдөрүн ааттаталаа.

• Биһиги дойдубут адьырҕа кыылларын ааттаталаа.

• Саха сирин үүнээйилэрин ааттаталаа. (хартыынаҕа)

Иитээччи. Биһиги оонньуубут түмүгэ кэллэ. Олус элбэҕи билэргитин кэпсээтигит. Төрөөбүт түөлбэҕитин таптыыргытын көрдөрдүгүт. Төрөөбүт дойду туһунан ырыата ыллыаххайын эрэ.