Танып белү. (ЭМКФ) Тема: Зарядка ясыйбыз
план-конспект занятия по математике (средняя группа)

Танып белү. (ЭМКФ)

Тема: Зарядка ясыйбыз

Максат:   1. Хәрәкәтләрне санарга(5 кә кадәр), киңлекләре буенча 4-5 предметны чагыштырырга өйрәтү. Пространстводаориентлашу, үзеңә бәйле

предметларның урнашуынөйрәнүне дәвам итү (өстә, аста, сулда, уңда, алда, артта).

2.Вак бармак мускул эшчәнлекләрен үстерү.

3. Игътибарлылык,  мөстәкыйльлек  тәрбияләү.

Күрсәтмә дидактик материал: түгәрәкле санау карточкалары (1 дән 5 кә хәтле түгәрәкләр), төрле киңлектә капкалар ( 4 данә), төрле зурлыкта 4 туп.

Таратма материал: төрле киңлектә һәм бертөрле озынлыкта тасмалар ( һәр балага 5 әр данә), уенчыклар җыелмасы (матрешка, туп, пирамида).

Шөгыль барышы. 

I өлеш. «Шуның хәтле эшлибез».

Тәрбияче төрле күнегүләр күрсәтә, ә бер бала ничә тапкыр күнегү ясалганын санап, шуның хәтле түгәрәк ясалган карточканы күрсәтергә тиеш.

Тәрбияче балаларга санау карточкалары күрсәтә, түгәрәкләр санын санарга һәм шуның хәтле хәрәкәт күрсәтенргә тәкъдим итә (кул чабарга, сикерергә, аяк белән тыпырдарга). Һәр биремнән соң “Ничә хәрәкәт ясадың? Ни өчен шуның хәтле хәрәкәт ясадың?” дигән сораулар бирә.

II өлеш. “Туплар өчен капкалар”

Тәрбияче балалалрга төрле киңлектәге капкаларны күрсәтә, киңлекләре буенча (тардан алып киңгә таба) тезәргә тәкъдим итә. Моның өчен гел иң киң капканы табарга кирәклеген әйтә. Аннары балаларга һәр капкага туры килә торган тупны җтабып капка астыннан тәгәрәтергә тәкъдим ителә.

III өлеш. «Тасмаларны тез»

Шундый ук биремне балалар тасмалар белән эшлиләр. Иң киңеннән башлап, тарга таба тезәләр, әйтеп баралар: иң киңе, таррак, тагын да таррак, иң тары.

Физкультминут (тасмалар белән).

IV өлеш. “Биремнәр үтә”

Балалар каршына уенчыклар җыелмасы куела. Тәрбияче уенчыкларны билгеле тәртиптә тезәргә дигән биреп бирә: матрешканы алга, машинаны артка, тупны сулга, ә пирамиданы уңга куярга.

Биремне үтәгәннән соң тәрбияче дөреслеген тикшерә.