Белем иленә сәяхәт.
план-конспект занятия по математике (подготовительная группа) по теме

             МБДОУ №11 “Йолдыз”

Тема:    Белем иленә сәяхәт (мәктәпкә хәзерлек                                                                                                                        төркемендә математикадан йомгаклау шөгыле).

                                                                                              Тәрбияче: Каримова Гөлназ Р.

                     ЯР ЧАЛЛЫ 2011ел.

          Тема: Белем иленә сәяхәт.

          Максат: Балаларнын булган белемнәрен баету ; геометрик фигураларны танып белуне, тәртип буенча hәм кирегә санауны ныгыту, эзлекле рәвештә атна көннәренең исемнәрен кабатлау, арифметик мәсьәләләр чишүне дәвам итү, логик фикерләү сәләтләрен, ижади күзаллауны үстерү, итьтибарлыкны арттыру, хәтерне яхшырту, табигатькә сакчыл караш hәм мәхәббәт тәрбияләү.

        Җиhазлау: хат, биремнәр өчен конвертлар, карточкалар, карандашлар, геометрик фигуралар, чишмә, магнитофон.

        Кулланылган әдәбият:

                             1. Программа.

                             2. Мәгариф №5, 2005 ел.

       Индивидуаль эш: Дилия, К. Алинә белем саннарның күршеләрен өйрәнүне дәвам итү.

                                            Дәрес барышы.

        -Исәнмесез балалар! Сезне күрүемә мин бик шат. Сез бүген шундый матур.                                        

       - Әйдәгез сезнең белән яхшы кәефне бүлешәбез.

      Психогимнастика.         Бергәләп без басыйк,

                                                    Бик зур тугәрәк ясыйк.

                                                    Кояшның җылы нурыннан

                                                   Йөрәкләргә көч алыйк,

                                                   Тырышып белем алыр өчен

                                                   Шөгылебезне башлыйк.

         -Ишек шакыйлар, хат биреп китәләр. Бу нинди хат  булыр икән? ( ачып укыйлар).

       … Балалар! Мин белем чишмәсе сездән ярдәм сорыйм.Явыз сихерче мине сихерләп китте. Мин хәзер ага алмыйм, миңа бик авыр. Зинhар өчен мине коткарыгыз. Килгәндә юлда очраган биремнәрне дөрес үтәсәгез генә мине коткара алырсыз. Минем янга шушы юл белән килерсез. Ярдәм көтеп белем чишмәсе.                

         -Балалар, сезнең чишмә янында булганыгыз бармы? Алар ни өчен кирәк? (чишмәне пычратырга, чүпләргә ярамый)

         -Чишмәне коткарырга барабызмы? Карыйк  әле ничек барырга икән.

         -Монда уң якка борылыгыз hәм 5 адым алга атлагыз. 

          1конверт: Eл фасылын санарга, хәзер нинди ел фасылы,”Яз” – ае нинди айлардан тора, апрель ае язныңң кайсы ае (уртасы, башы, ахыры).

          1 атнада ничә көн, көннең исемен, ничә көн без бакчага йөрибез, кайсы коннәрне без ял итәбез? h.б.

          2 конверт: 3 адым алга, аннан тагын уңга борылыгыз. Елга күрерсез. Камышлык янында хат табырсыз. Геометрик фигураларны санарга.

                                                                                             –Нәрсә рәсеме?

                                                                                             -Нәрсәдән тора?

                                                                                            - Нинди геометрик фигуралар күрәсез?

                                                                                             -Ничәу алар?

           -Ә хәзер рәсемне бик яхшылап карагыз hәм өстәл янына барып подностан геометрик фигураларны алып исегездә калганчы сурәтләгез. (рәсем каплана балалар эшлиләр).

           3 конверт: Хәзер борылып басарга hәм алга карарга. 3 адым алга атларга. Нәрсәләр күрәсез? Чокырның икенче ягына чыгарга, ничек чыгабыз? (атлап, сикереп, басма аша, h.б.)                                                                                                                                                                                                  

        (конверт табыла, анда алдагы бирем язылган була).

         2 басма ясала:

       -Алар нәрсә белән аерыла?

       -Кайсы басма аша чыгу уңайлы?(ник).

       -Мәсьәлә бирелә: Урамда йөри керпе

                                           Ашарга гөмбә тапты

                                           Алтыны каен төбеннән

                                           Берне усак төбеннән

                                           Үргән кәрзингә салды

                                          Әйт, ничә гөмбә булды.

       -Рәсемгә карап мәсьәләләр төзиләр.

       -Саннарнын зур hәм кече күршеләрен әйтәләр.

М. 4нең кече күршесе,

      9 белән 7 арасында нинди сан, h.б.                                                                                                      

Физминутка.        Бакалар .

                             Сазлыктагы  бакалар,

                             Бик итрә уяналар

                            Бата – калка, бата – калка,

                            Менә алар канатларын жәеп,

                            Битләрен дә юдылар

                            Аннары соң зарядкага

                            Тезелешеп бастылар

                             Унга – сулга, унга – сулга

                            Алга – артка, алга – артка

                            Утырдылар, тордылар,

                            Сузылып  - киерелделәр,

                           Дәрескә тотондылар.

            4 конверт: Котмәгәндә юлда сазлык барлыкка килә. Идәндә 1 дән 10га кадәр саннар ята, санарга кирәк. hәм сан артында биремнәр бирелгән.

           “<””>” тамгаларын куярга кирәк

           2      4           8      9          1      6          7       8          1        2

           5      7           3      2          5      4          9      10

           (кирегә санау)

           10 – санда бутән бирем бирелә, дәфтәр битендә ориентирофка.

           5 конверт: сулга hәм 3 адым алга. Конветр  ята.  Табышмак әйтәләр.

                                 Келт – келт итә, алга китә. (Сәгать).

-Сәгать нәрсә өчен кирәк? ( Вакытны белер өчен).

          -Сәгать уклары нигә кирәк? ( Саннарны белер өчен)

          -Кыска угы – сәгатьне аңлата, озын угы (теле) – минутны.

                     -Сәгать белән эшләп бетерүгә чишмә акканы ишетелә.

                   - Нинди тавыш бу?

           - Балалар әллә килеп тә җиттекме? Менә кайда икән ул чишмә. (Балалар якын киләләр).

           Чишмә: Балалар рәхмәт сезгә. Сез барлык биремнәрне дә дөрес утәдегез hәм мине явыз сихердән коткардыгыз. Мин тагын челтерәп ага башладым. Сез миңа ярдәм иттегез, ә хәзер мин дә сезгә үземнең шифалы суымны бүләк итәм. Сәләмәт булып үсегез.

        -Балалар! Карагыз әле, суы нинди саф, чиста. Әйдәгез әле, чишмәгә рәхмәт әйтик. Балалар чишмәләрне пычратырга, чүпләргә ярамый, андый чишмәләрне күрсәгез ярдәм итегез, чистартыгыз.