Конспект по конструированию на татарском языке "Домики из сказок"
план-конспект занятия по конструированию, ручному труду (средняя группа) по теме

Тема: Җәнлекләр өчен өйләр.

Максат: Балаларның конструктив осталыкларын үстерү; төзү материалларының исемнәрен ныгыту; биремнәрне төгәл үтәүләренә ирешү; кулларының вак моторикасын ныгыту; әкият геройларына ярдәм итү теләге тудыру; күңел күтәренкелеге булдыру.

Җиһазлау: Төзү материаллары ( шакмаклар, кирпечләр, түбәләр), “Теремкәй” әкиятенең персонаңлары, агачлар, кошлар, гөмбәләр, зәңгәрсу тукыма, чикләвекләр.

 Сүзлек өстендә эш: Төзү материаллары, кирпеч, шакмак, түбә.

Кулланылган әдәбият: Л.Х.Дәүләтшина. Бармакларны уйнатабыз-сәйләм телен үстерәбез.- Казан: РИЦ « Школа», 2009.

Барышы:

• Балалар, мин сезгә табышмак әйтәм, игътибар белән тыңлагыз һәм җавап бирерсез:

                           Үзе кырда тора,

                           Җәнлекләр көтеп тора.

• Теремкәй.
• Карагыз әле, балалар, теремкәй җимерелгән. Әйдәгез, бергәләп аны төзибез: сез миңа материалларын биреп барыгыз, мин төзермен.

Балалар, менә ул өй.Без аны нәрсәдән төзедек?

• Төзү материалларыннан.Шакмаклар һәм түбә кулландык.
• Өй нинди өлешләрдән тора?
• Стена, түбә, ишек, тәрәзә.
• Теремкәйдә кемнәр торган соң?
• Тычкан-чыелдык, Бака-бакылдык, Куян –озынколак, Хәйләкәр төлке, Соры бүре.
• Ә кем теремкәйне җимергән?
• Аю.
• Балалар, Аюның өйне бердә җимерәсе килмәгән. Ул бары тик сыймаган. Ни өчен ул сыймаган?
• Чөнки Аю зур, ә өй кечкенә.
• Ә калган җәнлекләр кая качып беттеләр?
• Урманга.
• Әйдәгез, урманга барып, аларны эзләп кайтабыз.

Монда елга бар икән. Урманга юл елга аша үтә.Елга аша чыгар өчен безгә басма төзергә кирәк. Басманы нәрсәдән төзибез?

• Кирпечләрдән. ( Басма төзү)
• Әйдәгез басманы бармаклар белән дә ясап күрсәтик.

                       Безгә басма аша

                       Тизрәк чыгарга кирәк.

                       Теремкәй җәнлекләрен

                       Эзләп табарга кирәк.

• Юлыбызны дәвам итик.( Физкультминутка)

                      Тигез юл буйлап

                      Балалар бара

                      Ашыкмый атлап.

                      Зур-зур ташларны

                     Сикереп үтәләр

                      Һәм көтмәгәндә

                     Егылып китәләр

                     Бух!!!

• Балалар, менә без урманга да килеп җиттек. Карагыз әле, урманда нәрсәләр бар?
• Агачлар.
• Әйдәгез. Бармаклар белән аларны күрсәтик.

                  Яшь чыршылар киң итәкле

                  Күлмәкләрен кигәннәр.

• Нәрсәләр үсә?
• Гөмбәләр.
• Күрсәтәбез.

               Гөмбә, гөмбә, гөмбәкәй,

               Нигә син бик бәләкәй!?

• Нәрсәләр очып йөри, агач ботакларында да утыралар?
• Кошлар.
• Аларны да күрсәтик.

               Гөрләшәләр, сайрашалар,

               Җырчы кошлар урманда.

• Булдырдыгыз. Әнә бит безнең җәнлекләребез дә! Исәнләшик алар

     белән. Без аларның һәрберсенә аерым өй төзербез. ( балалар мөстәкыйль рәвештә өй төзиләр)

• Инсаф, син өйне нәрсәдән төзедең?
• Гөлия, Бу нәрсә?( Түбә) Түбә нинди төстә?
• Айзат. Бу материал нәрсә дип атала?( Шакмак)
• Гүзәл, синең өең Динәнекенә караганда нинди? ( Зур)
• Динә. ә синеке нинди? ( Кечкенә)
• Булдырдыгыз балалар, матур өйләр төзедегез. Хәзер өйләргә җәнлекләрне генә урнаштырасы калды.Балалар, Гүзәлнең өенә кемне кертәбез?
• Аюны.
• Ни өчен Аюны?
• Чөнки Аю иң зурысы, Гүзәлнең дә өе иң зурысы.
• Иң кечкенә өй кайсысы, анда без кемне кертәбез?
• Динәнеке. Тычканны кертәбез.
• Баканы, Бүрене, Төлкене, Куянны да өйләренә кертик.( Җәнлекләрне өйләргә урнаштыру)
• Безнең җәнлекләргә үз өйләрендә рәхәт инде.Алар тату яшәрләр һәм бер-берсенә кунакка йөрерләр. Сезгә рәхмәт әйтеп күчтәнәч әзерләгәннәр- чикләвекләр. Аларга рәхмәт әйтик тә, без дә урманнан кайтып китәрбез.
• Балалар без сезнең белән бүген занятиедә нишләдек?
• Урманга бардык, басма төзедек, өйләр төзедек. Җәнлекләрне өйләргә урнаштырдык.
• Бүгенге  занятиедә без сезнең белән бик күп файдалы эш эшләдек. Занятиебез бүгенгә тәмам.