"Йәшел тараҡ" әкиәте
материал по художественной литературе

Минең әкиәт

Баймаҡ ҡалаһының “ Әкиәт” балалар баҡсаһы тәрбиәсеһе Йосопова Гөлирә Разаҡ ҡыҙы

Жанр:тылсымлы әкиәт

                                                    Йәшел  тараҡ

 Яңы ғына заводтан сыҡҡан, өр-яңы ,йәшел  генә  төҫтәге, күҙҙең яуын алырлыҡ тараҡты кибет кәштәһенә алып килеп һалдылар.Кәштәгә килеп ятҡас Тараҡтың үҙен тиҙерәк эштә күрһәткеһе килде.Тик уны һатып алырға берәү ҙә ашыҡманы. “Ниңә мине тиҙерәк алмайҙар икән,”- тип ҡайғырған,үҙен һаҡлап,ҡәҙерләп кенә,таҙа ғына итеп тотҡан балаға эләкһәм ине тип хыялланды.Эргәһендә торған Көҙгө уға: “ Ҡайҙа ашығаһың,ҡыуан алмағандарына.Ниндәй балаға эләгереңде белмәйһең бит әле.Берәй әрпеш,сәсен дә тарарға теләмәгән малайға эләкһәң,һиңә унда ла эшһеҙ тик ятырға тура киләсәк. Ә шундай уҡ һәпрә ҡыҙға эләкһәң,майлы,бысраҡ сәстәре һиңә йәбешеп,үҙең дә бер бапаҡҡа әйләнәсәкһең,”- тине , уҫал итеп. Шул саҡ яндарында ятҡан алһыу Таҫма тараҡты йәлләп былай тине: “ Ниңә улай тип әйтәһең,Көҙгө апай, бына күрерһең,барыбыҙ ҙа яҡшы ҡулдарға эләгербеҙ “.Ә Көҙгө һаман да шул уҫал тауышы менән:”Белмәйем,ҡарарбыҙ,кемгә эләгерһегеҙ икән.Миңә барыбер,”-тип мыҫҡыллы йылмайҙы.

Шул саҡ кибеткә әсәһе менән етәкләшеп, сәстәрен матур итеп үргән,аҡ ҡына таҫмалар таҡҡан,матур сәскәләр төшөрөлгән күлдәк кейгән ,Шәүрә исемле ҡыҙ килеп инде.Улар тап тараҡ ятҡан кәштәгә килеп ,Тараҡ менән Таҫманы кәрзиндәренә һалып алды.Тараҡ менән Таҫманың нисек ҡыуаныуын күргән Көҙгө апай үҙенең яңылышыуын күрһәтмәҫ өсөн ҡараштарын ситкә борҙо.