Конспект
план-конспект занятия по аппликации, лепке (младшая группа) на тему

Татарстан республикасы Сарман муниципаль районы мәктәпкәчә белем бирү муниципаль бюджет учреждениясе гомуми үсеш төрендәге 2-нче санлы "Лилия" балалар бакчасы.

«Кояшка кунакка»

          (Беренче кечкенәләр төркемендә әти-әниләр җыелышы өчен катнаш шөгыль)

Сарман                              2013                                    тәрбияче: Гайнемова С. Р.

Максат: Яңа сүзләр өйрәнү аша сүз байлыгын арттыру, сөйләм телен үстерү. Тәрбияче биргән сорауларга дөрес җавап бирә белергә, пиктограммалар аша 2 – 4 сүздән тора торган җөмлә төзәргә өйрәтү. Предметның билгеләрен дөрес әйтүгә ирешү.Игътибарлык, кызыксынучанлык тәрбияләү.

Җиһазлар: Мольберт, кояш һәм болыт төшкән рәсем, әтәч (бибабо), пиктограмма, пазл, балаларга рәсем ясау өчен ватман, сары төстә гуашь, куллар сөртү өчен салфетка.

Шөгыль барышы:

Тәрбияче: – Балалар, безгә бүген кунаклар килгәннәр, әйдәгез, алар белән исәнләшик.

Балалар: – Исәнмесез!

Тәрбияче: – Алтын алма елмаеп

                      Күк йөзендә яктырта.

                      Бик, бик кайнар нуры белән

                      Тирә якны җылыта.

Тәрбияче: – Нәрсә ул, балалар? Әйе, кояш (мольбертта кояшны күрсәтәм). Ул нинди? Әйе, кояш җылы, түгәрәк, ягымлы. Ул нәрсәгә ошаган?

Балалар: – Алмага, коймакка, тәлинкәгә ошаган.

Тәрбияче: – Кояш нинди төстә?

Балалар: – Сары.

Тәрбияче: – Булдырдыгыз. Балалар, карагыз әле, безнең кояшны, нигә моңсуланган ул?(Мольбертта кояш, болытлар). Әйе, аны болыт каплаган. Балалар, кояшны болыт каплагач нәрсә була?

Балалар: – Салкын, караңгы, яңгыр ява.

Тәрбияче: – Әйдәгез, кояшны коткарыйк, болытны куып җибәрик, кояшка нурлар ясыйк. (Балалар белән эш)

Тәрбияче: – Балалар, карагыз, ничек итеп кояш сөенә! Ул сезгә рәхмәт әйтә, елмая. Без дә елмайик аңа, бер – беребезгә.

Тәрбияче: – Кояшның сезнең белән уйныйсы килә. (“Кояш һәм яңгыр” уен)

- Әйдәгез, шундый матур кояшлы көндә уйнарга чыгыйк! (Балалар бүлмә буйлап биеп, сикереп, уйнап йөриләр. “Яңгыр килә!” диюгә, урыннарына йөгерәләр.

Тәрбияче: – Кем кояш белән тора,

                      Бар кешене уята,

                      Бик нык кычкырып җырлый,

                      Безгә йокларга бирми?

Балалар: – Этәч!

Тәрбияче: – Әйе, әтәч (кулга бибабо этәчне киям). Карагыз әле, балалар, ул сезгә башы белән селки, исәнләшә һәм әтәчебез буш кул белән килмәгән, ул рәсем алып килгән, әйдәгез, бергәләп сөйләп карыйк әле (Пиктограмма куела)

Балалар: – Бу этәч, ул кош, сарайда яши.

Тәрбияче: – Әтәчнең нәрсәсе бар? (Баш, гәүдә, канаты, аяклары).

Тәрбияче: – Әтәч нәрсә ярата ашарга?

Балалар: – Җим, чирәм, су эчә.

Тәрбияче: – Булдырдыгыз, әтәч турында дөрес сөйләдегез. Ә хәзер этәчне өлешләрдән җыеп карагыз.

 “Пазладан этәчне җыю” (дид. уен)

Тәрбияче: – Әйдәгез, әтәч белән бармак уенын уйнап алабыз:

- Син, бармак, кая бардың?

- Бу бармак белән кунакка бардым,

- Бу бармак белән кояшны күрдем,

- Бу бармак белән әтәчне күрдем,

- Бу бармак белән уен уйнадым!

Тәрбияче: – Балалар , әтәчкә ошады бездә кунакта, ләкин аңа китәргә кирәк. Ул безгә рәхмәт әйтә һәм саубуллаша.