Мәктәпкә әзерлек төркемендә күңел ачу конспекты.
материал (подготовительная группа) на тему

                     Сертотмасның маҗаралары.

/Мәктәпкә әзерлек группа балалары өчен күңел ачу/

       Максат:

        Балаларда күңел күтәренкелеге, яхшы кәеф булдыру.

Матур сөйләм күнекмәләрен тәрбияләү. Авыр чакта бер - береңә ярдәм итү теләге уяту.Балаларның иҗади сәләтләрен, рольләрне башкару осталыкларын үстерү.

 Балаларның юл  билгеләре һәм юл йөрү кагыйдәләре турында белемнәрен камилләштерү.

Катнашалар:

Хуҗа,

Актырнак,

Әтәч,

Сертотмас Үрдәк,

Песи,

Керпе,

керпе баласы,

 куяннар,

Аю-Алапай,

 Төлке.

                            Беренче күренеш.

Зал агачлар, чәчәкләр белән бизәлгән. Йорт куела.

Үрдәк:Сертотмас диләр мине, бытбылдык диләр мине.

           Ә мин барлык серләремне дусларга гына сөйлим.

          Хуҗам белән Актырнак, кичә ауга киттеләр.

         Йортны, безне, хуҗалыкны,саксыз калдырып киттеләр.

(Әтәч белән Песи Үрдәк янына киләләр.)

Әтәч: Кикрикүк! Кикрикүк! Дусларым, йортыбызның хуҗасы юк,    Хуҗабызны һәм Актырнакны эзләргә кемне җибәрәбез?

Сертотмас: Дөрес, дөрес, ә кемне җибәрәбез?

Әтәч: Син батыр да, йөзә дә, оча да беләсең.Әйдә син эзләп кайт.

Сертотмас:Авыр эш инде бу, ярый инде барырмын.

Песи: Тик серне сакла һәм юлларда сак бул. Хәерле юл сиңа, Сертотмас..!

(күңелле көйгә Сертотмас юлдан бара.Керпене күреп ала.)

Керпе: Ай-ай-ай, Керпекәем, нәнием син кайда? (баласын эзли)

Керпе баласы “чокырдан кычкыра” Әнием, мин монда, чокырда.(керпе чокыр тирәли йөгереп йөри) Ничек кенә булышыйм инде, мин сиңа?(керпе елый)

Сертотмас: Нәрсә булды, Керпекәем?(керпе куркып агач артына кача)

Дускаем, нигә мине күргәч качасың?

Беркемгә тими торган

Мин, юаш үрдәк.

Бары синнән сорый торган,

Сүзем бар әзрәк.

Керпе: Үрдәккәем, эшләр харап, балакаем төшкән чокырга.

Сертотмас: Әй. Керпе дус, бу билгене әллә сез белмисезме?

                      Юлда ремонт барганын әллә сез күрмисезме?

Я елама, табарбыз җаен. Менә бу тактага басып чык син, әйдә курыкма.

 (Керпе баласы тактага басып чокырдан чыга)

Керпе белән керпе баласы: Рәхмәт, Үрдәк, дустым зур бәладән коткардың.Хәзер юллардагы билгеләргә гел карап йөрербез.Үзең ни йомыш белән безнең якларда?

Сертотмас:Хуҗам белән Актырнак ауга киттеләр, шуларны эзлим, күрмәдәгезме?

Керпе: Күрдем алар әнә теге якка киттеләр.

Сертотмас: Рәхмәт, шул якка барып карыйм әле.(агач артына китә, керпеләр икенче агач артына китәләр.)

(Куяннар биюе)  

1 енче куян: Йомшаккай, әйдә машиналарның тигез юлында туплы уйныйбызмы?

2 нче куян: Әйдә, мин туплы уйнарга яратам.(куяннар туп тибеп уйныйлар.Машина тавышы ишетелә, куяннар куркып юл читенә посалар)

Сертотмас: Сез, куяннар, йомшаккайлар, Юл билгеләрен белмисезме? Бу юлда уйнау түгел, җәяүлеләргә  дә йөрү тыела.

Куяннар: Каян белеп бетерәсең ул билгеләрне?

Сертотмас: Хәзер сез зурлар, юлда йөри белергә, юл кагыйдәләрен дөрес үтәргә тиешсез.

Куяннар: Юл кагыйдәләрен үтәргә сүз бирәбез. Ә үзең ни йомыш белән йөрисең?

Сертотмас: Хуҗам белән Актырнак ауга киттеләр, шуларны эзлим, күрмәдәгезме?

Куяннар: Күрдек, күрдек.Эт тавышы әнә теге якта ишетелде.

Сертотмас: Рәхмәт, шул якка барып карыйм әле.(агач артына китә).

(аю тәпиен тотып елап утыра)у-у-у тәпием авырта...

Сертотмас әкрен генә килә . Нәрсә булды, Алапай?

Аю: Әнием күргәнче машина артына тотынып барган идем, кулым ычкынып китте дә егылып тәпиемне авырттырдым.(елый)

Сертотмас: транспорт артына тагылып барырга ярамый, аңладыңмы? Әйдә ярдәм итәм.Бака яфрагын бәйләп куйсам. Хәзер авыртуы бетәр.

Аю: Рәхмәт, әниемне тыңлармын. Юлларда тәртип бозмам. Ә үзең ничек бу якларга килеп чыктың?

Сертотмас: Хуҗам белән Актырнак ауга киттеләр, шуларны эзлим, күрмәдеңме?

Аю: Әнә теге якта мылтык тавышы ишетелде.

Сертотмас: Рәхмәт.(аю үз юлы белән китә)

                - Хуҗам, Актырнак, сез кайда? Юк, булмас ахры табып. Кайтыйм кире очып.(агач артына китә)

Төлке: (түгәрәктә биеп йөри) Хуҗа белән Актырнакны урманга киткәннәр, дип ишеткән идем.Хуҗаның йортына барып кайтыйм әле. Монда ниндидер сызыклар куелган, юк-юк мин урап йөрмим инде, бик ашыгам, турыга гына кистереп чыгам.(сыбызгы тавышы)

Ай-яй-яй, нинди ачы тавыш бу? (кирегә йөгерә)

Сертотмас: И, Хәйләбай, юлда йөргәндә хәйләкәрлек түгел, ә игътибарлы булу кирәк. Җәяүлеләр бары тик сырлы юлдан, зебрадан чыгарга тиешләр.Аңладыңмы?

Төлке: Аңладым, юлны тиешле урыннан гына чыгармын.(төлке үз юлы белән китә)

Сертотмас ( икенче агач артына китә).

Керпе йорт янына килә.Актырнак өрә башлый.

Хуҗа: Нәрсә булды? Кем йөри анда?

Керпе: Киемем энәле булса да, үрдәкнең серен алсам да, мин начарлык эшләмәм. Минем кызымны Сертотмас бәладан коткарды. Сезгә күчтәнәчкә алмалар алып килдек.

Хуҗа: Рәхмәт күчтәнәчләрегез өчен.

Куяннар керәләр: Сертотмас батыр да, тапкыр да, ул безгә юл йөрү кагыйдәләрен өйрәтте. Без күчтәнәчкә кишерләр плып килдек.

Хуҗа: Рәхмәт, куянкайлар

Аю: Ярый әле Сертотмас килеп чыкты, ул минем тәпиемне дәвалады.

Балны шифалы, диләр

Балны дәвалый, диләр.

Балның тәмен белегез,

Файдасын да күрегез.

Авыр чакта ярдәм иткән,

Дусның кадерен белегез.

Төлке: Дусларым, юлда йөргәндә акыл да кирәк икән, Сертотмас өйрәтте.

Сертотмас башын иеп кайта, аны урман җәнлекләре уратып алалар.

(бергә) Рәхмәт сиңа, Сертотмас!

Сертотмас: Барыбыз да исән-имин, әйдәгез күңел ачып биеп алабыз.

Солтанова Әлфия Нурым кызы- югары квалификацион тәрбияче.