Профессиональ дәрәҗәне күтәрү планы (2016-2020 еллар)
материал по теме

Казан шәһәре Мәскәү районының “Татар телендә тәрбия һәм белем бирүче 126 нчы катнаш төрдәге балалар бакчасы”  мәктәпкәчә белем   бирү муниципаль бюджет учреждениесе

_____________________________________________________________________________

Профессиональ  дәрәҗәне күтәрү планы

(2016-2020 еллар)

Төзеде: югары кв.категорияле тәрбияче Валеева Г.А.

Тема: “Төбәк компонентын кулланып, мәктәпкәчә яшьтәге балаларда экологик культура башлангычы формалаштыру”   (зурлар һәм мәктәпкә әзерлек төркеме)

Максат: Үзеңнең теоретик белем дәрәҗәсен, профессиональ осталыкны һәм компетентлыкны  үстерү.

Бурычлар: 

- Балаларда экологик аң, экологик  культура башлангычы формалаштыру, үзеңне табигатьтә дөрес тотарга: үсемлек, хайваннарны сакларга, аларга карап-тәрбияләргә өйрәтүне дәвам иттерү.  

- Туган якның тере һәм тере булмаган табигатенә сакчыл караш тәрбияләү, табигатьне кирәксезгә кулланмау һәм аны дөрес файдалануның беренчел күнекмәләрен формалаштыру.

-  Табигать белән кешенең үзара бәйләнеше, әйләнә-тирәнең кешенең сәламәтлегенә йогынтысы турында күзаллаулар булдыру.

- Хезмәт эшчәнлеге процессында (табигать почмаганда, яшелчә бакчасында) балаларда эшсөючәнлек, пөхтәлек, мөстәкыйльлек, җаваплылык хисләре тәрбияләү.  

Теманың актуальлеге:

Бүгенге көндә, кызганычка каршы, экология һәм табигать – аның халәте мактанырлык түгел. Тагы да аянычлысы – кешеләрдә экологик культура җитми. Экология проблемасының глобаль проблема булып, аның үзебез яши торган урында да чагылуы тәрбиячедә борчу тудыра hәм төрле педагогик эшчәнлеккә этәрә. Экологик аңлылык, фикерләү дәрәҗәсе, культуралылык – болар килеп туган хәлдән чыгуның бердәнбер юлы булып тора. Ә моңа балаларга кече яшьтән экологик тәрбия биреп кенә ирешергә мөмкин . Бала иң беренче чиратта үзе яшәгән төбәкнең экологик хәлен белергә тиеш. Табигатьне күзәтү, аны өйрәнү, сакларга омтылу – балаларның рухи дөньясын баета, уйларга өйрәтә. Табигатьне саклау – ул үзебезне, киләчәгебезне, өебезне саклау дигән сүз. Һәр кеше кылган гамәлен акыл белән башкарырга тиеш, шул чакта гына без матурлыкны, табигатьне коткарып кала алабыз. Табигать белән элемтәгә керү, күзәтү, хезмәт, уен, сәнгать эшчәнлеге аша балаларның белемнәрен ныгыту – бу экологик белемне күтәрүнең төп ачкычы булып тора.

    Балалар бакчасында гына экологик тәрбия биреп, ата-аналар тарафыннан ярдәм булмаса, уңай нәтиҗәләргә ирешеп булмый. Балаларда экологик культура башлангычы формалаштыру  буенча эшләүдә ата-аналар белән әнгәмәләр, биремнәр, конкурслар,табигатькә экскурсияләр, бәйрәмнәр, табигатьтә файдалы хезмәттә катнашулар, балалар hәм ата-аналар белән бергәләп табигый байлыклардан, гамәлгә яраксыз нәрсәләрдән әйберләр ясау h.б. – болар барысы да бала белән ата-ананы, ата-ана белән тәрбиячене якынайта, үзара аңлашып эшләүдә зур роль уйный. Ата-аналар белән системалы рәвештә эшләгәндә генә уңай нәтиҗәләргә ирешергә  була.

Без – кешеләр, җир йөзендәге барлык тереклек ияләре, кошлар, җәнлекләр, үсемлекләр – табигать балалары. Бер - беребезне саклап, кадерләп яшик!  

Үз  эшемдә төрле технологияләр кулланам:

 - уен, әдәби сүз.

 - проблемалы;

 - проект төзү;

 - консультатив; визуаль;

- тәҗрибәләр; ИКТ

Методик әдәбият:

1. Р.К.Шәехова “Төбәкнең мәктәпкәчә белем бирү программасы”,Казан,2012.
2. М.А.Гуленкова и др. Лекарственные растения, Москва, 2002.
3. Т.М.Бондаренко “Экологические занятия с детьми 6-7 лет”, Москва,2002.
4. В.А.Дрязгунова “Дидактические игры для ознакомления дошкольников с растениями”, Москва.
5. Л.Ф.Павленко “В гармонии с природой”, Ульяновск,  1999.
6. З.М.Зарипова,Р.С.Исаева “Үстерешле уеннар”, Казан,  2013.
7. С.Н.Николаева “Комплексные занятия по экологии для старших дошкольников, Москва, 2005.