Йәй тураһында шиғырҙар
материал по художественной литературе

   Таң атҡас                                                  

Гөлдәр уянып,

Асты күҙҙәрен,

Ел ысыҡ менән

Йыуҙы үҙҙәрен.

Йылмайып ҡына

Шат ҡояш сыҡты,

Һөртөп алды ул

Таңғы ысыҡты.

                    Г.Юнысова.

Еләк йыйҙыҡ

Беҙ урманда

Еләк йыйҙыҡ.

Тәгәс тулды,

Үҙебеҙ туйҙыҡ.

Еләктәрҙең

Иң ҡыҙылын

Әсәйҙәргә

Һайлап ҡуйҙыҡ.

                К.Кинйәбулатова.

        Йәй

Төндәр ҡыҫҡара,                              

Көндәр оҙая,

Ҡояш бик иртә

Сығып, һуң бая.

Ерҙәр йәшәрә,

Үләндәр үҫә,

Иртә,  кис ергә

Ысыҡтар төшә.

Сыға болоттар,

Яуа ямғырҙар.

Үҫә үләндәр.

Йәмләнә ҡырҙар,

Кешеләр менән

Баҫыуҙар тула.

Ҡырҙа эшләүе

Күңелле була.

                      М.Ғафури.

       Ҡояш апай

Беҙҙең менән шаярып,

Йылмайып, Ҡояш апай,

Аҡ болот артына ҡасып,

Бергә йәшенмәк уйнай.

                         А.Йәғәфәрова

           Бәпембә

Ҡарт тирәк көнө буйына

Ап-аҡ мамыҡ осорҙо.

Ҡаршыла бәпембә уны

Ҡыҙығып ҡарап торҙо.

Ә бер көндө ул үҙе лә

Бер серҙе уйлап тапты.

Мамығын елдәргә һибеп,

Ялан буйлап таратты.

                                 Г.Юнысова.