Мастер - класс «Этно - круг» - балдарды темиктирер «Куучынчы стене» технологиянын бир бÿдÿми.
методическая разработка

Мастер-класс
«Этно - круг» - балдарды темиктирер «Куучынчы стене» технологиянын бир бÿдÿми.

Амадузы: таскадаачыларды «Этно-круг» технологияла таныштырары

Кош амадулар:

- «Этно – круг» технологияны тузаланар эп – аргаларды кöргÿзери.

- «Этно – кругтын» анылузын темдектери, методикалык иштерле ÿлежери;

Jепсели: белетелген кöргÿзÿ эдимдер: картотекалар, jуруктар;

Ичкери öзÿп барарга, билгирле ÿлежер керек...

Бÿгÿн бу сöстöр бистин ишке келижип jат деп сананадым.

Калганчы jылдарда текши ÿредÿде jаан кубулталар болуп jат. Ол кубулталарла колбой  jаны методикаларла, технологияларла ишти улалтар деп неклте туруп jат.

Эмдиги öйдин анылу тузаланып турган технологиялардын бирÿзи «Куучынчы стене». Бу технологияда балдар таскадаачыла кожо нени эдер кÿÿни бар (jууранатан ба, эмезе пластилинле тудунатан ба), кандый ойын ойнойтонын кöргÿзерге jараар. Эткен эдимдерин илип толтырат.

Бу технологияда мен «Этно - круг» деп бир бÿдÿмин анылайдым. «Этно – круг» ажыра баланын санаа – сагыжы, кöрÿми,  јӱрӱмди сезип, оҥдооры элбейт. Бала телекей, Тӧрӧлим, калыгым, ар-бӱткен деген оҥдомолдор алынат.

Балдар бойынын кÿÿниле талдап, белетелген jепселдерле, дидактикалык эдимдерле тузаланып, бойына jараганын анылап, jилбиркеп jаан таскамал алат. Мындый эп-арганын  болужыла балдардын инициативазы баштапкы jерде турат.

«Этно - круг» технологияны кандый öйдö тузаланарга jараар?

- Эртен тура балдар келип, бойынын кÿÿн саназын кöргÿзет;

- Занятие öйинде тузаланарга эптÿ (Рефлексия темдектезе, эмезе öдöтöн аайын);

- куучын, чöрчöк кычырган öйдö, jуруктар илип тузаланар эп – арга бар;

- бир баланы таскаадып иштенетен öйдö база тузалу;

Эмезе «Этно-кругты» бир темага учурлай, дидактикалык  эдимдердин кöрÿÿзин эдип тургузадыс. Темдектезе: айак-казаан, кеп-кийим, алтай jылтоолош.

«Этно-кругты» jазаайтан эдимдер: полимерный труба, кийис, учуктар, чачактар. Нениле толтыртар, ол теманан камаанду.

Бÿгÿн бис слерле кожо «Этно - круг» толтырарыс.

Бери чыгып эки öмöликке бöлÿнип ийели. Кажы ла öмöликтин ижи бой-бойынан аныланып турар. Бир öмöлик балдарла кожо иштегедий «Этно- круг» толтыраар, экинчизи таскаадаачыларла.

Баштапкы öмöликке берилет «Табышкактар». Табышкактарды табып, неге учурлалган бу «Этно - круг», темазын, канайда ишти öткÿретен эп-аргалар бар  jартап берер.

Экинчи öмöлик «Jол – jорыктын ижи» (Путеводитель) аайынча иштенет.

1) Кÿрен  öнлö тööни салып кезигер.

2) «Этно-кругтын» тал ортозына, Чуй чöлин кöргÿзип, тöö тындуны салар.

3) «Этно-кругтын» ÿсти jанында ÿч башту сÿмерлерди кöргÿзип кезип тагар.

4) «Этно-кругтын» алды jанында суулар кезип тагар.

Артакан улустын сÿмелÿзин кöргÿзип, «Ребустарды» тапсын деп сурайдым.

Бистин öмöликтерге сöсти берип турум.

«Куучынчы стене» - ончо  ÿредÿ ууламjылардын колбоор эп –арга. Бу ишти бÿдÿргенде балдардын кыймыгузы, куучынчызы, сÿмелÿзи кöрÿнет.

Эмди ончо туружаачыларды сурап турум, бу берилген jылдыстарла «Этно - кругты» толтырып ийзин деп.

Мастер – класс слерге jараган, бойордын ижерге тузалангадый эп – сÿме алган болзоор сары jылдыстар.

Слер берилген  эп-аргалар таныш, слерге ишке тузалангадый эдимдер анылап албаган болзоор кара jылдыстар.

Jаан быйан турушкан, уккан улуска. Слерге кÿÿнзейдим, кандый да карануй тÿнде ÿстÿсте jылдыстар суркурап, мызылдап, ичкери öзÿмге баратан jолды jарыдып турзын.