Сценарий инсценировки сказки "Белоснежка и семь гномов» на якутском языке (по мотивам сказки Братьев Гримм).
материал (старшая, подготовительная группа)

                                                Сценарий  постановки

                            «Белоснежка  и семь гномов»  на якутском языке

                                       по мотивам сказки Братьев Гримм.

      Остуоруйаһыт : - Ханнык эрэ саарыстыбаҕа, ханнык эрэ судаарыстыбаҕа олорбуттара эбитэ үһү Маачаха королева, иитиэх кыыс принцесса Белоснежка  уонна наар уот харах кырдьыгы эрэ этэр аптаах сиэркилэ.

(Мачеха сиэркилэ иннигэр олорон киэргэнэрэ көстөр, Белоснежка үлэлии-хамныы сылдьара көстөр).

      Остуоруйаһыт : - Королева мачеха  -  көрүөхтэн  кэрэ дьүһүннээх, сэбэрэлээх, уурбут-туппут курдук быһыылаах-таһаалаах,  дук курдук көбүс- көнө үрдүк уҥуохтаах,  ол эрэн бэйэтин эрэ үрдүктүк туттан, киниттэн кэрэ ким да суох буолуохтааҕын эрэ билинэн, уохтаах-кылыннаах тыллаах-өстөөх,  кытаанах мөкү майгылаах, уһун күнү быһа  аптаах, саҥарар  эрэ сиэркилэтигэр убанан, бэйэтин эрэ көрүнэн үйэтин моҥоон олорор эбит.

     Остуоруйаһыт : - Онтон Белоснежка кыыс маҥан хаар курдук сып-сырдык  дүһүннээх, олус үлэһит, эйэҕэс, элэккэй майгылаах, олус кэрэ куоластаах, наһаа кыраһыабай сиппит-хоппут кыысчаан эбит. Кини  куруутун үөрэ-көтө сылдьар, санаарҕыыр диэни билбэт, ыллыы-туойа үлэлээн тахсар эбит.  - Дьэ арай биир үтүө күн куруук буоларын курдук  маачаха-королева сиэркилэтин иннигэр оҥостон, одуулаан олорон  ыйыппыт.

    Маачаха:  - дьэрэ, эт  миэхэ күндү сиэркилэм , ким бу саарыстыбаҕа саамай кырасыабай, саамай кэрэ дьүһүннээҕий...

Онуоха сиэркилэ маннык диэн саҥалаах буолбут.

Сиэркилэ: – кырдьыга даҕаны эн олус кэрэҕин эрээри, эйиигиттэн кэрэ, саамай кыраһыабай бу саарыстыбаҕа Белоснежка буолар.

Маачаха-королева оччолооҕу истэн сирэйдин уларыйан, олус абаран Белоснежканы суох онорорго сананар.

Маачаха-королева : - Бээ, тыаны үчүгэйдик билэр киһини булчуту ыҥырар эбиппин.

(Белоснежка ыллыы-ыллыы принцтыын үҥкүлүү сылдьара көстөр. Мачехата кинини кырыы хараҕынан көрөр).

Остуоруйаһыт  - Булчуту  ыҥыран ылан,  кыыһы  хара тыа быыһыгар илдьэн халларарыгар  модьуйар.

Маачаха – Белоснежканы тутан ылаҥҥын, хара тыа быыһыгар илдьэн хаалларн кэбис, икки харахпар көстүбэтин!

Булчут: - сөп хотунуом, эн эппиккит толоруом. Тэҥнэһиэ дуо, кыыһы илдьэн хара тыа быыһыгар хаалларан кэбиһэр.

 Белоснежка барахсан хара тыа быыһыгар соҕотох хаалан, олус хомойон, ытыы-соҥуу олорбут.

Белоснежка: – туох буруйум иннигэр мачехам миигин манна ыыппытай... ыый, ыый...  Арай ол ытыы олордоҕуна тыа кыыллара кыыһы көрөн аһынан, уоскуталлар, көмөлөһөллөр. (кыыллар үҥкүүлэрэ)

Кыыллар: - ытаама, ытаама Белоснежка, биһиги эйиэхэ көмөлөһүөхпүт, тыа быыһыгар биир  дьикти дьиэ баар, онно сирдиэхпит. Дьиэҕэ кэлэллэр.

Остуоруйаһыт - Арай  кыыс дьиэҕэ киирбитэ, ким да суох эбит,  өйдөөн көрбүтэ муоста, иһит-хомуос, танас-сап сууллубатаҕа - хомуллубатаҕа ырааппыт эбит.

Белоснежка: - Чэйин эрэ, кыылларым, чыычаахтарым бары көмөлөөн дьиэни сууйан-тараан кэбиһиэххэйин хаһаайыттар кэлэлэригэр...

Остуоруйаһыт - бары саба түһэн дьиэни кылбаччы сууйан-тараан кэбиһэллэр (үҥкүү движениялара, тряпкалаах, швабралаах, биэдэрэлээх, тазиктаах и тд).

 Кыыс сылайбыта бэт буолан ороҥҥо сытан утуйан хаалар. Ол кэмҥэ гномиктар үлэлии сылдьаллара көстөр (гномиктар үҥкүүлэрэ)

1 гном: - чэ доҕоттор үлэ чааһа бүттэ, дьиэбитигэр барыаххайын.

Фонариктарын туппутунан дьиэлэригэр бараллар. Дьиэлэригэр киирэн соһуйаллар.

1 гном – уаай дьиэбит ып ыраас буолбут дии.

2 гном – танаспыт эмиэ ып ыраас буолбут.

3 гном – ким сууйбута  буолуой...

4 гном – уай, ороммутугар ким эрэ утуйа сытар дии.

5гном – кырдьык даҕаны..

6 гном – ким буолуой...

7 гном – көрүөххэйин эрэ..

Дьэ доҕоор Белоснежка уһуктан кэлбит, гномнары көрөн олус соһуйбут, гномнар да соһуйбуттар...

1 гном – хайа бу кэрэ бэйэлээх кыыс хайалара буолаҕын.

2 гном – хайдах манна кэлэн хааллын.

Белоснежка  - дорооболорун үтүө санаалаах гномнар, миигин маачахам абааһы көрөн хара тыаҕа үүрбүтэ. Мин эһиэхэ олорорбун көҥүллээн...

3 гном – оо, барахсаны.

4 гном – хайдах оннугуй.

5гном – хата биһиэхэ доҕор буол.

6 гном – дьиэбитин-уоппутун көрсөөр.

7 гном – хаһаайка бэрдэ буол.

 Бары үөрэ-көтө сиэттиһэн тахсан бараллар.

Ол кэмҥэ маачаха-королева сиэркилэтин иннигэр олорон ыйытар:

Маачаха: -Этэ тарт  сиэркилэм,  ким бу саарыстыбаҕа саамай кырасыабай, саамай кэрэ дьүһүннээҕий...

Сиэркилэ: – кырдьыга даҕаны эн олус кэрэҕин эрээри, эйиигиттэн кэрэ, саамай кыраһыабай бу саарыстыбаҕа син биир Белоснежка буолар.

Мачеха-королева: - ол хайдах оннугуй, мин кинини хара тыаҕа илдьэн бырахтарбытым ди... барытын бэйэм эрэ оҥордохпуна сатанар.

(Яблоканы ылан сибигинэйэр, аптыыр. Дьаат ылан кутар уонна былаат быраҕынан, торуоска тутан тахсан барар).

Ол бириэмэҕэ Гномнар дьиэлэрэ көстөр.

Остуоруйаһыт  - Белоснежкаҕа  маачахата кырдьаҕас эмээхсин буолан кубулунан тиийэн кэлэр.

Маачаха – дорообо тоойуом, аччыктаатым аҕай, аһынан күндүлээ эрэ.

Белоснежка – дорообо эбээкэ, аһатан бөҕө буоллаҕа ди. Ас-утах биэрэр.

Маачаха – аһыныгас сүрэхтээх эбиккин, мэ бу эйиэхэ мин кэһиим. Яблокатын таһааран биэрэр. Тахсан барар.

Кыыс яблоканы ылан үөрэ-көтө ыстаан ылар да сиргэ сууллан түһэр.

Гномнар сүүрэн киирэллэр айманаллар ороҥҥо сытыараллар.

Ол кэмҥэ принц уол тиийэн кэлэр.

Принц – дорооболорун, үтүө санаалаах гномнар, мин Белоснежканы көрдөөн эһиэхэ кэллим.

1гном – дорообо принц. Ол гынан баран хойутаабыккын. Дьааттаах яблоко сиэн уһуктубат ууга баттатан утуйа сытар.

Принц – ол хайдах, Белоснежка доҕоччугуом. Белоснежкаҕа тиийэн  ытыыр, кууһар уонна сыллаан ылар.

Онуоха Белоснежка уһуктан кэлэр, дьааһыйар, тыылланныыр, принцы көрөн үөрэр, кууһар. Иккиэн сиэттиһэллэр. Гномнар, кыыллар бары үөрэ-көтө тоҕуоруһа түһэллэр. Флешмоб бары үнкүлүүллэр.

   Герои сказки

1. Королева
2. Белоснежка
3. Принц
4. Охотник
5. Волшебное говорящее зеркало
6. Гном Ворчун
7. Гном Скромник
8. Гном Соня
9. Гном Весельчак
10. Гном Умник
11. Гном Чихун
12. Гном Простак
13.  Зайчата, оленята
14. Бельчата, бурундуки
15. Птички, бабочки.

МБДОУ ЦРР детский сад “Чэчир”

«Театр и дети»

сценарий  постановки на якутском языке

                                                  «Белоснежка  и семь гномов»  

                                                по мотивам сказки Братьев Гримм.

Автор сценария инсценировки: Лебедева М.П.

Декабрь 2024г