Мәктәпкә әзерлек төркеме өчен фольклор кичәсе "Әбием сандыгы"
план-конспект занятия (подготовительная группа)

«Татарстан Республикасы Биектау муниципаль районы

Биектау «Шаян» катнаш төрдәге балалар бакчасы»

мәктәпкәчә белем бирү муниципаль бюджет учреждениесе

«Әбием сандыгы»

Мәктәпкә әзерлек төркеме балалары өчен фольклор кичәсе

Сценарий авторы:

татар теле тәрбиячесе З.А.Миннебаева

Апрель, 2022 ел

Залда кызлар “Чума үрдәк,чума каз” көенә су агымы уены уйныйлар.

Алинә килеп керә.

Алинә: Кызлар, исәнмесез! Әйдәгез безнең өйгә! Сез минем әбиемнең сандыгын күрсәгез, исегез китәр!

Кызлар жыелышып өйгә кереп китәләр.

1нче кыз. Карагыз әле, нинди матур сандык!

2 нче кыз. Искиткеч!

3 нче кыз. Бигрәк матур!

Шулвакыт әби килеп керә.

Әби: Исәнмесез, минем балакайларым, алтыннарым, күз нурларым!

Кызлар: Исәнмесез!

Әби: Бу бит минем яшь чактагы сандыгым!

Алинә: Әбиемнең күңел сандыгын

              Бер ачасы иде, ачасы...

1нче кыз. Әби-бабам белгән йолаларны,

                   Халкыбызның күңел җәүhәрләрен

                   Бер ачасы иде, ачасы

2 нче кыз. Әбиемнең күңел сандыгы

                   Кызыктыра инде күптәннән.

                   Ач, әбием, безгә күңеленне,

                   Яшь буынга мирас булып калсын,

                   Бер хәзинә калсын үткәннән.

Алинә: Әбекәй, әйдә әле синең сандыгыңны ачып карыйк. Анда ниләр бар икән?

Кызлар әби янына төзелешеп утыралар.

Әби: Ягез әле, балалар, ачыйк әле сандыкны! Элек әби-бабайларның киемнәре менә шундый сандыкларда сакланган. Менә монысы затлы сөлгеләр, ә монысы яшь кызлар күңел җылысын биреп чиккән пәрдәләр, кулъяулыклар. Аларның матурлыгына карап, яшь кызларның, уңганлыгын бәяләгәннәр. Без, әбиләр, аларны кадерләп саклыйбыз!

1нче кыз: Кызлар карагыз әле, монда бик матур кызлар күлмәге дә бар! Алинә,

 син киеп кара әле.

Алинә: Хәзер кызлар, күлмәкне киеп күрсәтәм.

Алинә кулмәкне кияргә чыгып китә.

2нче кыз: Кызлар, әйдәгез җырлап-биеп алабыз!

3нче кыз: Әйдәгез!

Татар халык җыры  «Кәрия-Зәкәрия».

Алинә кулмәк киеп чыга.

1нче кыз: Алинә, бу күлмәк сиңа бик килешә!

2нче кыз: Кызлар, әйдәгез уйнап алабыз!

3нче кыз: Кулъяулыгым яшел, яшел,

                  Яшел чирәм астында.

                  Сиздермичә ташлап китәм

                  Бер иптәшем артына.

1нче кыз: Алинәгә нинди җәза бирәбез?!

2нче кыз: Җырласын!

Татар халык җыры «Яшә син,туган илем».

3нче кыз:Кызлар, карагыз әле, нинди матур читек таптым. Карагыз әле, кызлар, карагыз. Бу читекләрне кигәч, гел биисе генә килеп тора торгандыр, әбекәй, әйеме?

Әби: Борынгы бабаларыбыз - Идел буе болгарлары-йомшак күннән затлы киемнәр тегүнең, күнне сәнгатьчә эшкәртүнең чын осталары булганнар. Халкыбызның бизәкләп чигелгән читекләре, башмаклары үткән гасырда ук дөнья базарында дан тоткан.

1 нче кыз: Кызлар, безгә китәргә вакыт җитә. Рәхәтләнеп ял  иттек. Рәхмәт, әбекәй! Әбекәйгә багышлап, әйдәгез ”Әбием, алтынкаем” җырын җырлыйк.

“Әбием-алтынкаем”җыры (А.Ключарев көе,Г.Латыйп сүзләре) башкарыла.

Алинә: Ешрак ачыйк без ул сандыкларны. Сокланыйк бу матурлыкка. Үзебез дә өйрәник hәм бездән соң килгән буыннарга тапшырыйк.

Әби:Мондый уңган, акыллы, балалар белән безнең киләчәгебез өметле күренә!

Талгын музыка уйный.

Кичә тәмамлана.