Авторская инсценированная сказка "Батыр үрдәк малае"
материал (подготовительная группа)

     Татарстан Республикасы Әгерҗе муниципаль районы Әгерҗе шәһәре

7 нче “Бәләкәч” муниципаль бюджет мәктәпкәчә белем бирү учреждениесе

БАТЫР ҮРДӘК МАЛАЕ

мәктәпкә әзерлек төркеменә йөрүче балалар өчен

сәхнәләштерелгән авторлык әкияте

Татар телен өйрәтү буенча тәрбиячеләр:

Мухаметдинова Айгөл Айратовна,

Нургалиева Миләүшә Альбертовна

Максат: театр сәнгате аша татар телен өйрәтү.

Бурычлар: 1.персонажларның сөйләмен сәнгатьле итеп сөйләргә өйрәтү;

                     2.сүз байлыгын арттыру;

                     3.дустанә мөнәсәбәрләр тәрбияләү.

Җиһазлау: өй макеты, агачлар, кәрзин белән алмалар, койма, ятьмә,аудиоязмалар

Катнашалар: Үрдәк малае, Как бәбкәсе (кыз бала), Ана каз, Әтәч, Тавык чебие, Күркә чебие, Төлке, Куян, Керпе

Музыка (дәртле)

Җитәкләшеп үрдәк малае белән каз бәбкәсе (кыз) керәләр.

Каз бәбкәсе: кара әле, дустым,нишләп бер кем дә юк икән?

Үрдәк малае: әйе шул, кичә барысы да иртүк чыгарбыз дигәннәр иде.

Каз бәбкәсе: әйдә, чакырыйк әле үзләрен. (сәхнә артына китеп чакыралар)

Үрдәк малае: бак-бак-бак!!! Чыгыгыз тизрәк!!!

Каз бәбкәсе: Безгә зур үсәр өчен,

                       Йөгереп уйнарга кирәк.

Башка кошлар керә

Ана каз: Ягез, балалар, тату гына уйнагыз, яме!

Әтәч: мин сезне койма башыннан карап торам.

Балалар йөгерешеп уйныйлар.

Тавык чебие: мин арыдым. Әйдә бүтән уен уйныйк әле.

Каз бәбкәсе (үрдәк малаен җитәкләп): әйдәгез, чума үрдәк, чума казны уйныйбызмы?

Күркә чебие: ә мин йөзә белмим, чумарга куркам.

Үрдәк малае: юююк, берәү дә чумарга җыенмый, уен бит ул.

Каз бәбкәсе: я, әйдәгез, кара-каршы басабыз.

“Чума үрдәк, чума каз” уены

Үрдәк малае күбәләк куып чыгып китә. Башка кош-кортлар таралышырга өлгерми, әтәч кычкыра башлый.

Әтәч: кикрикүүүк, кикрикүүүк!!! Төлке килә, качыгыз!

Барлык кошлар да качып бетәләр, каз бәбкәсе генә, барыр урын тапмый, басып кала.

Төлке: (ипләп кенә килә) әһәә, эләктеңме, менә нинди йомшак син!!! (каз бәбкәсен эләктереп тә ала). – хәзер мин синнән аш пешереп ашыйм!

Каз бәбкәсе: (төлкедән ычкынырга теләп) коткарыгыз, коткарыгыз, ярдәм итегез!!!

Кошлар башларын сузып-сузып карыйлар, чыгарга куркалар.

Төлке каз бәбкәсен алып китә.

Үрдәк малае килеп чыга, каз бәбкәсен эзли

Үрдәк малае: дустым, син кая? Дустым?!

Әтәч: (күңелсезләнеп) каз бәбкәсен төлке эләктерде. Без аңа ярдәм итә алмадык, курыктык. Ул аны урманга алып китте.

Үрдәк малае: эх, дустым!..Ничек кенә сиңа ярдәм итим икән?..(бераз уйлап тора)  -мин сине эзләп табам, мин сине коткарам, - дип чыгып китә.

Читтәрәк агач төбендә куян калтыранып утыра.

Үрдәк малае: исәнме, куян, син төлкене күрмәдеңме? Ул минем дустымны тотып, урманга алып китте.

Куян: исәнме, күрдем, ул әнә шунда китте. (күрсәтә)

Үрдәк малае: рәхмәт, куян.

Үрдәк малае юлын дәвам итә, керпене очрата. Керпе агач төбендә кәрзиненә алма җыя.

Үрдәк малае: исәнме, керпе, син төлкене күрмәдеңме?

Керпе: исәнме! Күрдем, ул әнә тегендә, өендә.

Үрдәк малае: ярдәм ит зинһар, дустымны коткарырга булыш!

Керпе: мин сиңа ярдәм итәм, әйдә минем арттан.

Төлкенең өе янына киләләр, үрдәк малае качып тора, керпе ишек шакый

Керпе: төлке, төлке, тиз бул ,чык, балыксыз каласың, анда аю барлык җәнлекләргә дә балык өләшә.

Балык сүзен ишетеп, төлке чыгып чаба.

Каз бәбкәсе: рәхмәт сезгә, мине коткардыгыз!

Үрдәк малае: рәхмәт, керпе, ярдәмең өчен!

Керпегә кулларын болгап чыгып китәләр.

Керпе: әйее, дус кайгыда сынала дип юкка гына әйтмиләр шул!