Балалар өсөн шиғырҙарым
материал

                                                   Яңы  йыл

                                                        (йыр)

                                                                   Г.Әлбәкова һүҙҙәре

                                                                   Г.Иҫәндәүләтова көйө

Ҡыңғыраулы аттарҙа

Килеп етте Ҡыш бабай.

Буләктәрен өләшә,

Йылмайып беҙгә ҡарай.

Шыршыбыҙ ҡупшы ғына

Башында йондоҙ яна.

Айыу,бүре,төлкөләр,

Һикереп йөрөй ҡуян да.

Эй,күңелле Яңы йыл,

Йырлайбыҙ ҙа бейейбеҙ.

Беҙ бәхетле балалар,    

Тыныс булһын илебеҙ.

                                              Мин бәхетле

Әсәй менән атай-

Алтын бишек.

Мин бәхетле

Улар янында.

Ете быуын

Шәжәрәмде беләм,

Башҡорт рухы

Минең ҡанымда.

                                            Миҙгелдәр

Ҡасан ҡар яуа инде тип,

Көн дә тәҙрәгә бағам.

Әсәйем мине йыуата:

-Һәр нәмәнең үҙ ваҡыты,

Ҡыш та етер,ти,балам.

Унан килер йәмле яҙҙар,

Хәтфә үләнле йәйҙәр.

Мул уңышлы көҙ ҙә килер

Ҡабул итеп теләкте.

Юҡҡа ғына һайламаған

Ошо гүзәл төбәкте

Беҙҙең ата-бабалар-

Һәр миҙгелде күрһендәр тип,

Килер быуын балалар.

                                        Баласаҡ иле.

                                                          (йыр)              

                                                                     Г.Әлбәкова һүҙҙәре        

                                                                     Й.Ҡарасурин  көйө

Һәр көн иртән ҡояш ҡалҡа,

Иркәләп беҙҙе наҙлай.

Әсәйем улыҡайым,ти

Ҙур үҫкәнһең ти атай.

                              Баймағымдың уртаһында

                              Йәмле баҡсам  “Айыуҡай”.

                             Тәрбиәсем ҡаршы ала,

                              Беҙҙең яратҡан апай.

Беҙ бәхетле балалар

Йәшәйбеҙ тыуған илдә.

Йырлайбыҙ ҙа ,бейейбеҙ ҙә,

Һөйләйбеҙ тыуған телдә.