Сценарий новогоднего утренника "Яньы йыл"
материал (старшая группа)

(Музыка янгъырай,балалар  залгъа кирип,наратнынъ янында тургъан скемлелерге отуралар)

А.Б.1 -Селям  алейкум ,сайгъылы  мусафирлер ,севимли балалар.Бугунь бизге мусафирликке энъсевимли ,муджизели,тылсымлы янъы йыл байрамы кельди.Байрамгъа хош кельдинъиз.Эпинъизге  хайырлы  олсун янъы йыл байрамы!

А.Б.2-Урьметли балалар, ана бабалар, бугунъ бизим байрамымызгъа, халхымызнынъ пек сайыгъылы, урьметли,номлы,истидатлы, муниверлери - Марифчи асоциациясынынъ къадымы - Сафуре ханум Кенжаметова ве намлы, шаирымыз Певат зети мусафир  олуп кельди.А.Б.1.- Бугунъ  бизге да мусафир кельди "Гузель тюкянынынъ хадими, мусафир олып, бизлерге озь бахшышыны кетирди.Алгъышлаймыз.Ве сёзь беремиз!Рыбалка Светлана Александровна.

А. Б.1.:-Бизде бугунь мусафир,дюльбер ешиль наратчыкъ!

»СЕВИНЧ»бала багъчасына,байрамгъа келип етти.

Насыл дюльбер бизим нарат,акъикъатен,пек  тылсымлы!

А.Б.2.-Янъы йылнен хайырлаймыз,кельсин бизге тек къуванч!

Сагъ-селямет,кулип осин сайгъылы балачыкълар!

Балалар бизлер иле ойнасынлар,къуванч иле кулип байрамны къаршыласынлар!(Артем)

Ава, Дамир, Эльмаз И.,Султание.

А.Б.1-Насыл гузель наратчыкъ мусафир олып кельди,

Янъы йыл байрамыны муджизенен толдырды!

Санки дерсин масалда киби айванчыкълар топлангъан.

Бакъын:къашкъыр,аюв,тильки,сычан,эм де къоразларнен,тавшанлар!

Эписи кельген бир олып,»Янъы йыл байрамына!Песня янъы йыл

А.Б.2-Наратчыкъ бизге бакъа,пытакъларнен къыбырдай,

Санки шимди ойнаджакъ ,намлы оюн-«Къайтарма»

Бизлерни огге чагъырып:-«Ойнанъ,балалар» ,деп айта!

Къулакъларны азырланъыз,козьчиклерни ачынъыз,

Мусафирликке чагъыра масал-косьтереджек муджизе!

Къарлы багъгъа барайыкъ,анда еллер уфюре,эмде пек кучьлю сувукъ!

Къарлы багънынъ ортасында,тура дюльбер беяз эвчик.

Ким отура аджеба мында,эвнинъ саиби ким ,бер сесинъ,

Бир,эки,учь,балаларгъа,косьтер,сен кимсинъ?

(Йыр янгъырай эвчиктен чыкъа къар къыз)

КЪАР КЪЫЗ:-Мерабанъыз балалар!

Беяз бузлу эвчикте,яшаймыз къартбабайнен бирге,

Байрам кельди ,шунынъ  ичюн безендирдим мен эвимни.

Беяз ,пемпе къар данечиклерни,илип астым устюне.

Чевре-чет къаргъа толды,кельди бизге «Янъы йыл»

Азбарда нарат та осе,чагъырайыкъ биз байрамны.Эм де меним достларымны!

Кель сычанчыкъ,аювчыкъ,къояннен бирге къоразчыкъ.

Эр кес кельсин байрамгъа,ойнап ,кулип,шенъленсин!

Вай балалар,мен унуттым,байрамда Аяз деде етмей.Къайда бизим Аяз дедемиз?Сабадан багъгъа кетти,неичюндир даа кельмеди!Манъа оны чагъырмакъ керек.

(Къар къыз кете Аяз дедени чагъырмагъа)(Йыр янгъырай, сычан чапып келе,эвчикни Бкоре)

А.Б.1- Шимди балалар дыкъатнен масал динленъиз.

Бир заманда бар экен3 бир заманда екъ экен беяз, пемпе, къарлы багънынъ ичинде тылсымлы муджезели эвчик тура экен.Бу эвчик не юксек, не алчачыкъ янында да нарат осе экен.Бир кунь эвчике сычансыкъ келе.

СЫЧАНЧЫКЪ:-«Насыл дюльбер бир эвчик,не юксек ,не алчачыкъ,янында нарат осе,

«Янъы йылны» къаршыламакъ мумкюн!-Такъ-такъ,эвчикте .ким бар?Ким яшай?Кимсе сес бермей.Къайда экен оюнчакълар,эм де дюльбер фенерлер?Наратны яраштырайым,оюнчакъларны асайым.(деп эвчикке кирип кете)(Тавшан секирип келе)

ТАВШАН:-Насыл дюльбер бир эвчик,не юксек не алчачыкъ,янында нарат осе.»Янъы йылны къаршыламакъ мумкюн!Къапыны мен къакъйым,ким яшагъаныны билейим.-Такъ-

такъ,эвде ким бар.ким яшай,корюнсин!(эвчиктен сычанчыкъ чыкъа)

СЫЧАНЧЫКЪ:-мен сычанчыкъ.Я сен кимсин?

ТАВШАН:-мен секириджи тавшан!Кель экимиз янъы йылны къаршылайыкъ!

СЫЧАНЧЫКЪ:-кель наратны яраштырайыкъ!Я оюнчакъларны къайдан алайыкъ?

ТАВШАН:-Мен биллем къайдан,Керек ярдымгъа,меним достларымны-тавшанларны чагъырмагъа:-Келинъ меним достларым,ярдым этинъ сиз бизге,наратны яраштырайыккъ.байрамны къаршылайыкъ!

ТАВШАН:-Мына сизге къавучлар,асынъ оларны нараткъа(асып къачалар ,тавшанлар)сон оюн ойнайлар(Йыр янгъырай,пахыл къораз ,кельмекте)

ПАХЫЛ КЪОРАЗ:-Насыл дюльбер бир эвчик ,неюксекнеалчачыкъ,янында нарат осе,Янъы йыл къаршыламакъ мумкюн!Къапынымен къакъайым,кимяшагъаныныб илейим.-Такъ-такъ эвдекимбар,ким яшай,чыкъсынъ.(сычанчыкънентавшан,чыкъаэвден).

СЫЧАНЧЫКЪ:-Мен сычанчыкъым!ТАВШАН:-Мен секириджи тавшаным!

ЭКИСИ КЪОШУЛЫП:-Я сен  кимсинъ?КЪОРАЗ:-Мен пахыл къоразым!

СЫЧАН ВЕ ТАВШАН:-Ярдым эт къоразчыкъ,наратны яраштырмакъ керек.

КЪОРАЗ:-Эй, тавучыкълар ,келинъ ярдымгъа.Бизге ярдым керек.Сепеттеки фенерлерни кетиринъиз бизге.(Тавучыкълар ,сепетнен фенерлерини кетирелер).(Сычан,тавшан,къораз бирликте,наратны яраштырылар,ве эвге кирелер).(музыка янгъырай,тильки келип кире)

ТИЛЬКИ:-Насыл дюльбер бир эвчик,не юксек, не алчачыкъ,янында нарат осе,янъы йыл къаршыламакъ мумкюн.Къапыны мен къакъайым,ким яшагъаныны билейим.-Такъ-такъ-эвде ким бар,ким яшай?,корюнсин.

СЫЧАН:-Мен кичкене сычанчыкъ.ТАВШАН:-Мен секириджи тавшан!

КЪОРАЗЧЫКЪ:-Мен исе пахыл къораз!ЭПИСИ КЪОШУЛЫП:-Я сен кимсинъ?

ТИЛЬКИ:-Мен айнеджи тильки,келинъиз,дост олып,берабер байрам къаршылайыкъ!

СЫЧАН,ТАВШАН,КЪОРАЗ:-Бизге ярдым эт тильки,кель берабер наратымызны яраштырайыкъ,Янъы йыл байрамыны къаршылайкъ.

ТИЛЬКИ:-Мен айнеджи тильки,озюм пек дюльберим!Мен гузель кийинмеге севем ,менде чокъ билезликлер,сыргъалар,юзюклер бар.Бундан гъайры мен конфет ашамагъа севем!Шимди мен сизинъ наратынъыэны конфетлернен безендирерим.Шимди ярдымгъа  мен озь  достларымны,чагъырарым.-Боюнчакълар ,ярдымгъа келинъиз!

-БОНЧАКЪЛАР:-Мына сизге тюрлю бончакълар,алынъыз,наратны яраштырынъыз!

сон оюн ойнайлар. (Музыка янгъырай аюнен 2 къашкъыр келе,аюв)

АЮВ:-Биз,эвинъизни сындырармыз,къапыны ачынъыз,бизде кирейик,байрам къаршылайыкъ!

А.Б 1:-Ёкъ,сакъынъ сындырманъыз,яхшы айванлар олунъыз,келинъиз дост олайыкъ ,къана услупсыз аюв,ведостларынъ къашкъырлар ,шиир айтмагъа билесинъиз,буюрынъыз!Сонъ айванчыкълар сизлерни эвге давет этерлер.

(Аюв озь шиирини айта,сонъ эвге кирелер)

А.Б 2:Бойлеликнен масал сонъына ете,айванчыкълар исе дост,муаббет яшайлар ве достлыкъ оюны ойнайлар.

А.Б 1:-Балалар мен сизге тапмаджа айтайым,сиз исе динълеп, джевабыны

тапынъыз :-Ким экен бу мусафир?О эм ешиль ,эм дюльбер,

Тёпесинде бар йылдыз,узун –узун,пытагъы.Инелер иле толу,эм де тикенли озю!

Устюнде чамчыкъ дегиль де,эм конфет эм джевизлер.

Ве тылсымлы оюнчакълар яраштыра терекни?(нарат)

А.Б 1:-Машалла балалар,джевабыны таптынъыз.

(музыка янгъырай келе Къар къыз)

КАР КЪЫЗ:-Мен бутюн багъны араштырдым,къыдырдым ,лякин Аяз дедени тапмадым!Вай насыл муджизе,тылсым ,я меним наратымны ким ким безендирди?

АЙВАНЛАР ЕРИНДЕН:-Биз яраштырдыкъ!

КЪАР КЪЫЗ:-Машалла айванчыкълар,наратымыз пек дюльбер!Энди янъы йылны къаршыламагъа мумкюн,лякин Аяз деде ёкъ, къйда кеткен экен?

А.Б 2 :-пенджереге бакъып,-Балалар ,бакъынъыз,Аяз деде гъалиба  бизге келе,артында балабан  чувалы корюне.

КЪАР КЪЫЗ:-келинъиз балалар Аяз деденен «Сакъланув оюныны ойнайыкъ.Бетлеримизни,бурунлармызны , къапатып,къол-аякъларымызны сакълайыкъ,Онынъ сувугъы пек кучьлю!

(Музыка янгъырай,Аяз деде келе)

АЯЗ ДЕДЕ:-Мераба урьметли балалар,Сайгъылы торунчыкъларым.Вай меракълы шей,ич кимсе корюнмей,гъалиба мен  адреснен янгъышып,башкъа балалар багъчасына кельдим.Балалар менден  къоркъып,аналарына къачтылар.

А.Б 1:-Биз сувукътан ,аяздан къоркъмаймыз,бурунымызны биз джюббемизге сакълармыз.Ве алгъышлап,къычырармыз: «Аяз деде селямалейкум,мераба!

АЯЗ ДЕДЕ:-Мераба огъланчыкълар,къызчыкълар!Меним къар къызчыгъым!Тавшанлар,аювлар,къашкъырлар,тавшанлар,сычанлар,къоразар!Насыл дюльбер наратынъыз!Озюнъиз оны безендирдинъиз!Келинъ балалар,ойнап,кулип,йырлайыкъ байрамны къаршылайыкъ!

А.Б 1-Аяз деде я сен бизнен ойнамагъа истейсин.бизлат бизни.

АЯЗ ДЕДЕ:къолларынызы бузлатырым,узатын,аякъларынызы,къулакъларынызы.бурун,мен бузлаталмадым сизни.

КЪАР КЪЫЗ:-Аяз деде ,наратнынъ фенерлери янмай ,бизим наратымыз йылтырамай.

АЯЗ ДЕДЕ:-Яхшы торунчыгъым ,бу хатаны биз ерине кетирерик.Наратнынъ фенерлерини якъарыкъ ,эм айтармыз 1,2,3,наратнынъ фенерлери янсын!

АЯЗ ДЕДЕ:-Наратнынъ этрафында биз доланайыкъ,эм е йыр биз йырлайыкъ.

(йыр йырлайлар-Осип чыкъты дагъда нарат)

АЯЗ ДЕДЕ:-Бизни бугунь беклей байрам оюнлар,йырлар янгъырасынъ!Келинъ балалар,тапмаджа айтайым сизлерге,сиз исе джевабыны тапынъыз.

-1.Дюльбер йылтыравукъ,авучкъа тюшсе тез ирий.(къар данечиги)

2.Биз азбарда адам ясадыкъкъаш,бурун,козь  къаш ясап,къопкъа кийдирдик башына(къар адамы).

3.Ким манъа айтыр балалар!Пенджеренинъ ищелерини беяз ренк иле,дюльбер,орьнеклер,къар данечиклер,къар данечиклерни,сыза ким?(Аяз деде).

4.Тёпеге биз котеремиз,къыйналамыз,къыргъа таба биз минемиз артымыздан оларны сюйреймиз.Ашагъа енгенде,исе озьлери тая,балачыкълар учып къувана!(чана)

 АЯЗ ДЕДЕ:-Машалла балалар джевабыны таптынъыз!

А.Б 1 :Оюн.(Перетаскивание на лопатке снежков)

АЯЗ ДЕДЕ:- Энди сизге бар суалим,сиз сувукътан къоркъасыз?

БАЛАЛАР:-Ёкъ къоркъмаймыз!

А.Б 2:-Биз аяздан,сувукътан къоркъмаймыз.Къышны биз севемиз!

АЯЪ ДЕДЕ:-Инанмайым мен.

АЛЫП БАРЫДЖЫ:-Инанмайсыз аяз деде?Шимди биз къыш мевсими акъкъында эзберден шиир азырладылар.Сафие,Зарина,Эмиратли Эльмаз,Рустем,Руслан,Мерьем,Кемал.

( сонъ балалар озь ерине отуралар)

АЯЗ ДЕДЕ:-Балалар,мен пек сыджакъландым,къоркъам,ирип кетерим!

КЪАР КЪЫЗ:-Къар  данечиклери,ярдымгъа келинъиз,аяз дедемизге,сувукъны кетиринъиз,къоркъам ирип кетер!Султание шиир айта ве къар данечиклери чагъыра.

(къар данечиклери оюн ойнап,Аяз дедени сувукъ кетирелер)

КЪАР КЪЫЗ:-Аяз деде озюнъе кельдинъ ми?

(Къапыгъа аппансыздан,Къар адамы келип сакълана,къолунда къар топачы)

АЯЗ ДЕДЕ:-Ёкъ торуным,ярдым этинъиз.Ирип башлайым.

(Шу арада аппансыздан,къар топачыны Аяз дедеге,Къар адамы  ата)

АЯЗ ДЕДЕ:-ВАЙ,ким манъа къар топачны атты?(Арткъа огге бакъып къыдыра)

АЯЗ ДЕДЕ:-Ах,мен корьдим,сиз манъа къар топачы аттынъыз!Я сиз кимсиз?

КАР АДАМЫ:-Мен сизге тапмаджа айтайым,сиз исе джевабыны тапынъыз:

-Топ,топ къар юварлатам,олардан адам япам,

Козю бар,къашы бар,эм къавучтан буруны да бар,

Башында исе къопкъасы да бар,ким о?(къар адамы)

КЪАР АДАМЫ:-Машалла балалар,догъры!

А.Б 1-Урметли мусафир,балалар сизге йыр азырладылар."Къардан адам ясадыкъ"

КЪАР КЪЫЗ :-Къана айт Аяз дедечигим,санъа ярдым эттик ми,озюнъе кельдинъми?

АЯЗ ДЕДЕ:-Сагъолунъыз,энди озюме кельдим.

А.Б 1-Къышта къар ягъа,келинъыз къар адамгъа къар топлайыкъ.Оюн ойнайыкъ.

А.Б 2-Аяз деде,биз билемиз сиз тылсымджысынъыз!Балалар сизге озь мектюбини азырладылар.Бу мектюпке,олар озь истеклерини,истеген бахшышларыны язып азырладылар.Сиз бу мектюпни окъып,истеклерни,умют-арзуларыны ерине кетирерсиз.

АЯЗ ДЕДЕ:-Эльбетте тылсымджым!

 (мектюпни ,Аяз дедеге берелер)

КЪАР КЪЫЗ:-АЯЗ ДЕДЕ,я сиз балачыкъларгъа бахшыш кетирдинъиз?

АЯЗ ДЕДЕ:-Эльбетте кетирдим.Мына балабан чуиал!Къана,къар адамы ачып бакъ !(Къар адамы чувалны ачып бакъа.)

КЪАР АДАМЫ:-Аяз деде ,чувалда бир шей ёкъ,корюнмей.

АЯЗ ДЕДЕ:-шимди мен озь таягъымны алып,тылсымжылыкъ япарым.

(Озь таягъыны алып ,тылсымджылыкъ япа)-Сен чувалым,чувалым,тез-тез ось,балабан ол чувалым,балларгъа бахшышлар берильсин!

(залгъа,аппансыздан,башкъа,бахшыш иле толу чувалны кетирелер).

АЯЗ ДЕДЕ:-Къана энди бакъчы,Къар адамы(чувалны ачып,бакъа)

АЯЗ ДЕДЕ:-мына санъа Къар адамы бахшыш -сипиртки.

КЪАР АДАМЫ:-Сагъолунъыз,Аяз деде!Сагълыкънен къалынъыз,балалар,барайым мен "Севинч"бала багъчасынынъ къаравулы олайым !

(Аяз деде ве Къар къыз:-балларгъа бахшышылар берелер,ве оларнен келедже йылгъаджек сагълыкълашалар)

АЯЗ ДЕДЕ ВЕ КЪАР КЪЫЗ :-Бу байрамда,чокъ оюнлар,эм тюркюлер эшиттик,мусафир ве балаларнен ,янъы йыл къаршыладыкъ,энди кельди бизге сыра,сизнен хайырлашмагъаСагълыкънен къалынъыз!Бизни башкъа  балачыкъларда беклей.Келеджек йылгъаджек.назифе про подарочки.

Тербиеджи  алып барыджы екюн чеке,нетиджечыкъры,озь сонъкисёзлерини айта:

янъы йыл байрамына багъышлангъан мерасими сонуна кельди.Мен белесем  балаларымыз озъ севгилерини истидатларыны сизге багъышладылар,ве азырладылар бахшыш.Келинъиз биз балаларымызы да зияде севеик ве оларны истидатларын да зияде зенгинлештиреик,сагъ олсун музыка рехберимиз Зарифе оджамиз ве алгъышлаймиз ве азырладылар бахшыш..

-ЮРЕКЛЕРДЕ КЪУВАНЧ ТОЛСЫН,ЭСКИ ДЕРТЛЕР ЁКЪ ООЛСУН,

ДОСТ-КЪАРДАШЛАР ПЕЙДА ОЛСЫН,КЪЫРЫМДА МУАББЕТЛИК ОЛСУН!

(Эр кезни «Янъы йылнен» хайырлай,байрам екюнлене)

Назифе оджа хоран оюне давет эте.сон эпсини фото ресимге тюшмене давет эте.