Бакчабызда Белем көне
материал (подготовительная группа)

Бак5чабызда Белем көне.

Зал бәйрәмчә бизәлгән. Уртада зур китап тора. Ике яккаа урындыкларга тезелешеп балалар утырганнар.

Тәрбияче: Бар күңеллелек бөтен дөньяда, бар бер ямь бүген! Нәрсәдән бу?

Балалар: Мин беләм: бәйрәм бүген, бәйрәм бүген!

 Туган җирнең һәрбер почмагында

Каршылыйлар белем бәйрәмен

Яңгырый сабыйларның шат авазы,

 Кулларында - чәчәк бәйләме.

 Хәерле көн, хөрмәтле тәрбиячеләр, кадерле балалар, әти-әниләр! Белем бәйрәме кеше тормышындагы иң зур бәйрәмнәрнең берсе, һәм ул аны гомере буе матур хәтирә булып озата бара. Бәйрәм уңаеннан әзерләнгән " Бакчабызда белем көне ” тантанасын ачык дип белдерәбез. Сүзне бакча мөдире Имамутдинова Миләүшә Закирҗан кызына бирәбез. 

З. Камилә:

Бүген бәйрәм, белем көне

Бакчабызда.

Бәйрәм итә, шатланыша

Барлык бала.

А.Айзилә:

Туган тел – ана телебез!

Ана теле – туган тел!

Ана телен син онытма!

Үз телеңне һәрчак бел!

Күмәк җыр “Туган тел”

Тәрбияче:
Күзләремне ачты минем,

Иркәләде үз телем.

Үз телем яктыртты юлны,

Үз телем бирде белем.

Балалар, Белем турында сез нинди мәкал – әйтемнәр беләсез , искә төшереп китик.

1бала:

Белем – бәхет ачкычы.

2бала:

Белеме бар меңне егар.

3 бала:

Китап – белем чишмәсе.

Күмәк җыр “Китап”

Тәрбияче:

- Ә хәзер, без сезнең белән , бик ерак булмаган белем иленә сәяхәткә барып кайтыйк.

Сез күмәкләп 3 кә кадәр санаганчы, аның беренче бите ачылыр.(Китап бите ачыла)

- Балалар, сез бу биттә кемнең рәсемен күрәсез?

- Габдулла Тукай.

-Әйе, бөек Тукаебызны кем генә белми икән дә, кем генә танымый икән аны? Ә хәзер Тукаебыз язган шигырьләрне искә төшереп сөйлик әле.

К.Айзилә:

Әткәй, әнкәй, мин, апай,

әби, бабай һәм бер песи — 
Безнең өйдә без җидәү:

 безнең, песи — җиденчесе.

М.Аделина:

Әйдәле, Акбай! өйрән син, арт аягың берлә тор; 
Аума, аума! туп-туры тор, төз утыр, яхшы утыр!

Ленара:

— Ник газаплыйсың болай син, мин әле бик кечкенә; 
Мин туганга тик ике айлап булыр йә өч кенә.

Юк, кирәкми, мин өйрәнмим, минем уйныйсым килә; 
Шул болыннарда ятасым, шунда ауныйсым килә.

М.Аделина:

— Ах, җүләр маэмай! тырыш яшьләй, зурайгач җайсыз ул:
Картаеп каткач буыннар — эш белү уңгайсыз ул!

Китапның икенче бите ачыла.

Тәрбияче:

- Балалар бу биттә сез нәрсәләр күрәсез?

- Цифрлар, саннар.

Нурислам:

1.2.3.4.

Санарга өйрәнәбез

әллә никадәр саннар белеп

Кайтабыз өйләргә без.

Зилия:

Без саныйбыз да саныйбыз.

Саный – саный армыйбыз.

Ялгышып та алгалыйбыз,

Тагын санап карыйбыз.

Ш.Айзилә:

Менә болай саныбыз,

1.2.3.4.5.6.7.8.9.10

Санаган саен саннарым ,

Күбәя, арта бара.

Тик бу юлы ни өчендер

Бер бармак артып кала.

Илмир:

Берәү, икәү! Әһә! Белдем!

Качып калган бер сигез!

Менә хәзер саннар белән,

Бармакларым бертигез.

Тәрбияче:

Балалар, әйдәгез әле, китабыбызның тагын бер битен ачыйк. Сез монда нәрсә рәсемен күрәсез?

- Әлифба.

- Әйе, балалар, бу -  Әлифба китабы. Ул безне иң беренче хәрефләр танырга өйрәтүче китап.

Күмәк җыр “Әлифба”

Тәрбияче:

- Әйдәгез, тагын 3 кә кадәр саныйк та, китапның тагын бер битен ачыйк.

 Балалар,  монда ниләр күрәсез?

- Алма,слива,груша!

Тәрбияче:

- Ә Хәзер әйдәгез бергәләп уйнап алыйк. Уен  “Үз рәсемеңне тап!” дип атала.

Күмәк уен  “Үз рәсемеңне тап!”

Уртада бер бала көй ритмна  кәрзиненнән балаларга җиләк – җимеш рәсемнәрен таратып чыга да берешәр рәсемен төрле урыннарга куя. Көй туктагач балалар үз рәсемнәр янына җыелып басарга тиеш булалар.

Тәрбияче:

Ә хәзер күзләрне йомып 5 кә кадәр санап карыйк. Нинди рәсем чыгар икән?

(Куркыныч музыка яңгырый. Аю рәсеме килеп  чыга)

- Бу бтитә инде АЮ! ( Ишектән капчык аскан аю килеп керә)

Аю:

Капчык алып кулыма,

Чыктым бакча юлына

Изге теләкләрен тели,

Әнием, аю улына.

(Кесәсеннән язу алып укый.)

Бак-ча! Нәрсә икән ул бак-ча? Кайда икән ул бакча? Ә балалар кайда икән?

Барыйм әле,карыйм әле.

Миңа бит белем кирәк,

Белемсез булмас ахры,

Аң-ла-дым! Белем кирәк!

(Йөри-йөри тәрбияче каршына килеп чыга)

Аю:

Шушы, ахры, белем бигән

Серле белем дөнясы.

Тәрбияче:

Дөрес тапкансың аю дус,

Серле белем дөнясын.

Безнең балалар бакчасын.

Аю:  (капчыгын күрсәтеп)

Миңа белем кирәк иде

Менә шулай бер капчык.

Тәрбияче:

Аю дус! Беләсеңме?

Белем ул серле нәрсә,

Гомерлеккә истә кала

Башкаеңа бер керсә.

Аю: (башын кашый)

Менә сиңа табышмак,

Башта кала,истә кала.

Ә бу капчык буш кала(капчыгын күрсәтеп)

Тәрбияче:

Аю дус! Утыр әле,

Иң элек мине тыңла!

Урамда да, урманда ад

Әдәпле булу кирәк.

Әдәплелек кагыйдәсен

Яштән өйрәнү кирәк.

Ә мондый күнекмәләрне

Балалар яхшы белә,

Тыңла! Исеңдә калдыр!

Алинә:

Зурлар һәм дуслар белән

Исәнләшергә кирәк.

Ә син менә килеп кердең

Исәнләшә белмәдең.

Аю:

Ә-ә! Алай икән!

Исәнмесез дусларым!

М.Аделина:

Әти-әниләр белән,

Бакчага килү кирәк!

Аю:

Зинһар рөхсәт итегез!

Бүгенгә үземне генә

Бакчагызга кертегез!

М.Аделина:

Рәхим ит, аю дус!

Түребезгә әйдә уз!

Аю:

Рәхмәт Сезгә, балалар!

Сезнең белән бер уйнарга,

Бәлки рөхсәт итерсез?

Күмәк уен “Түбәтәй”

Уен тәмамлануга аю китапны алып кпчыгына салмакчы була.

Тәрбияче:

Ничек әле син алай,

Китапка кагыласың?

Аю:

 Миңа бит белем кирәк.

Тәрбияче:

Белем кирәк булса да, рөхсәтсез алырга ярамый!

Аю:

Алыйм инде, бирегез!

Тәрбияче:

Менә сиңа бүләккә,

Яңа “Әлифба” китабы,

Саклап тот! Ертма! Югалтма!

Булмасын бер табы да.

Бәлки син безнең белән группага кунакка барырсың?

Аю:

Ә мин бик теләп барам,

Ә бүләк китабымны

Зу-ур капчыгыма салам.

Тәрбияче:

Белем бәйрәмебез инде

Ахырына якынлашты.

Хәерле, изге  сәгатьтә дип,

 Бакчабыз яңа уку елына аяк басты.

Күмәк җыр “Бакчабызда бәйрәм”