Кинезиологи вӑйисене усӑ курса аслӑ ушкӑнра ирттермелли юмах.
статья (подготовительная группа)

Тӗллевӗсем: Кинезиологи вӑйисепе усӑ курса ачасен пуплевне аталантарасси, тарӑн шухӑшлама вӗрентесси , тавра-курӑмне аталантарасси,пӗр-пӗринпе туслӑ , килӗштерсе ӗҫлеме хӑнӑхтарасси. Кирлӗ хатӗрсем: компьютер ҫинче презентаци, вӑрманти сас, кашни ача валли икшер кӑранташ, кашни ача валли альбом листисем. Юмах йӗрки. - Сывӑ-и , ачасем? Атьӑр-ха пӗр-пӗрне сылӑх сунар! Сывӑ-и , юлташӑм? ( Пӗр-пӗрне алӑ параҫҫӗ) Эс мӗнле пурӑнан? (Аллисене пӗр-пӗрин хулпуҫҫи ҫине хураҫҫӗ) Эс ӑҫта пурӑнан? (Пӗр-пӗрне питӗнчен , хӑлхинчен тытаҫҫӗ) Эпӗ питӗ тунсӑхларӑм, (Аллисене кӑкӑр ҫине хураҫҫӗ) Тинех ҫитрӗн эс кунта! (Пӗр-пӗрне ыталаҫҫӗ) - Ачасем, халӗ эпӗ сире юмах каласа паратӑп, эсир мана пулӑшӑр. Эпӗ каласа пыратӑп ,сирӗн алӑсемпе кӑтартас пымалла пулать. - Пӗррехинче пӗр хӗвеллӗ канмалли кун ачасем урама тухнӑ. Ачасем килтен тухсан пӗр-пӗрне сывлӑх суннӑ. Вӑйӑ «Ҫӗрӗлле».Ачасем пуҫ пӳрнерен пуҫласа кашни пӳрнепе ҫӗрӗ тӑваҫҫӗ. Кайран каялла кача пӳрнирен пуҫласа пуҫ пӳрне патне кашни пӳрнипе. - Ачасем вӑрмана кайма шутлаҫҫӗ. ( Вӑрманти сас, ҫуллахи вӑрман тухса тӑрать экран ҫине). Куҫ валли вӑйӑ: Пит хитре-ҫке ҫак вӑрман, Юмахри пекех туян. Ҫӳлте-ҫӳлте - сар хӗвел (Куҫсене ҫӳлелле ҫӗклемелле) Ҫӗр ҫинче ӳсет кӑмпа (Куҫсене ҫӗр ҫине пӑхмалла) Турат ҫинче кайӑксем (Ҫӳлелле) Чӗрӗп ларать пытанса (Аяла) Сылтӑмра – хырсем иккен (Сылтӑма пӑхмалла) Чӑрӑш суллахай енче (Суллахая) Ҫырласем-ӑҫта эсир? Пур-пӗрех тупап сире! - Ачасен умне хитре лӗпӗшсем тухаҫҫӗ. Вӑйӑ «Лӗпӗшсем». Икӗ алла хӗресле тытса ҫӳлелле аялалла вылятса лӗпӗшсемпек вӗҫмелле. Хитре пӗчӗк лӗпӗшсем Вӗҫӗр-вӗҫӗр иҫете. Тупӑр хитре чечексем, Ҫийӗр пылак сӗткенне! - Лӗпӗшсене сӑнанӑ хушӑра нумай вӗтӗ шӑнасем вӗҫсе килеҫҫӗ. Вӗсене ачасем хӑвалаҫҫӗ. Вӑйӑ «Сӑмсапа хӑлхасем». Сылтӑм алӑпа суллахай хӑлхана тытмалла, ҫав хушӑрах суллахай алӑпа сӑмсана тытмалла. Кайран алӑсене улӑштармалла. Сылтӑм хӑлха ҫинче ларать шӑна Хӑвалатӑп эп ӑна. Сӑмса ҫине ак халӗ ларчӗ, Йӗкӗлтет пуль ку мана! Ларчӗ халь хӑлха ҫине, Ак татах сӑмса ҫине. Йӑлӑхтартӑн эс мана, Вӗҫсе кай эс ман умран! - Ачасем малалла утрӗҫ. Вӗсен умне пӗчӗк пӗве тухса выртрӗ.Ачасем пӗве хӗрринче шапасене тӗл пулчӗҫ. Вӑйӑ «Шапасем». Пӗр алла чӑмӑртамалла теприне ҫав вӑхӑтрах пӳрнесене тӑсмалла.Кайран улӑштармалла. Ак сикет умра шапа, Юлташне шырать иккен. Эп пулам-и сан юлташ? Хӑваларӑм шапана, Тыттармарӗ вӑл мана! - Пӗве хӗрринче хитре хурӑнсем ӳсеҫҫӗ.Ачасем ҫак хурӑнсене ӳкерме шутларӗҫ. Вӑйӑ «Кӑранташсем». Ачасем ал лаппипе икӗ кӑранташ хӗстереҫҫӗ те алӑсене шутараҫҫӗ. Сӗтел хушшине вырнаҫса лараҫҫӗ. Икӗ алла пӗрер кӑранташ тытса урӑ альбом листи ҫине ӳкереҫҫе .Икӗ алӑ та пӗр харӑс ӳкерет. - Кун каҫ еннелле сулӑнать .Ачасем киле таврӑнаҫҫӗ. Ну, ачасем , килӗшрӗ-и сире юмах?