Фольклор кичә Тема: “Капка төбендә” (Уртанчылар төркеме)
план-конспект занятия (старшая группа)

                      Фольклор кичә  Тема:  “Капка төбендә”                                                  Уртанчылар төркеме

Максат: 1..Милли мәдәният белән таныштыруны дәвам итү.

2. Күңел ачу бәйрәмнәре аркылы балаларның күзаллауларын киңәйтү, күңелләрендә шатлык хисләре, бәйрәм рухы тудыру.

Уен барышы.

“Әссәләмәгаләйкем” җырын җырлап балалар залга уза , аларны тәрбияче каршы ала .                                                                                                                              – Күптән көтәм мин сезне , бергә күңел ачып алырбыз дигән идем.                                   Сезне көтеп утырган чакта минем кулыма нәрсәдер сикереп кунды . Карагыз әле балалар нәрсә соң бу?                                                                                                    -Чикерткә .                                                                                                                                   – Әйе , бик дөрес әйтәсез . Әйдәгез әле аңа үзебез өйрәнгән “Чикеткә” әйтеүен сөйләп күрсәтик .                                                                                                          – Әйт әле , чикерткә                                                                                                                 Сине нәрсә сикертә ?                                                                                                                       Сайрый белми сайрыйсың                                                                                                                     Бер туктамый кич , иртә                                                                                                        Бер сикердең – котылдың                                                                                              Ике сикердең – котылдың                                                                                                            Өченчесендә тотылдың                                                                                                                          Һап !                                                                                                                                                        - Балалар , чикерткәне сыйлыйк та кире үзенең өенә чирәмгә җибәрик .                   Без бит сезнең белән такмаклар да беләбез , әйдәгез “Йөзек салыш” уенын уйныйбыз , ә җәзага такмаклар әйтербез .                                                                       “ Елак каз “                                                                                                                               Әтәч бии урамда                                                                                                                        Тавык гармун уйната                                                                                                              Шул тавышка чыдый алмый                                                                                                                         Ата каз елап ята .                                                                                                                                 “ Бур кәҗә “                                                                                                                                                                           Кәҗә кергән бакчага                                                                                                             Яшел суган ашарга                                                                                                                           Яшел суган кикерткән                                                                                                                      Читән аша сикерткән .                                                                                                                                     “ Эшчән песи “                                                                                                                           Безнең песи бигрәк уңган                                                                                                    Комганга  су тутыра                                                                                                                         Бозавыбыз мич башында                                                                                                      Оек бәйләп утыра .                                                                                                                      – Рәхмәт балалар бик матур сөйләдегез . Ә хәзер әйдәгез җырлы- бию “Кәрия –Зәкәрия”не искә төшерик .                                                                                               Уен уйнала .                                                                                                                               – Дусларым , әйдәгез мәкаль әйтешеп уйныйбыз . Мәкальнең яртысы минем телемдә , ә яртысы менә шушы төендә  ( Төенне кемгә бирсәң,шул дәвам итә)                                                                                                                                                 1. Туган илем – ( иркә гөлем )                                                                                                                2. Эш беткәч, – ( уйнарга ярый )                                                                                                     3. Эшләмәгән ( ашамый )                                                                                                           4. Тирләп эшләсәң (тәмләп ашарсың )                                                                                                5. Дустың булмаса ( эзлә )                                                                                                    - Ә хәзер биеп алыйк .                                                                                                                      Бию  “ Әпипә “                                                                                                                               Бии торгач эссе булып китте , әйдәгез әле балалар Яңгырны чакырыйк :                                   Яңгыр , яу , яу , яу                                                                                                                  Көмеш кадак , ука бау                                                                                                              Илдә уңыш мул булсын                                                                                                                              Игеннәр дә уңсын ...                                                                                                                 – Яңгыр күп яуды , яңгырны туктатыйк инде Кояшны чакырыйк :                                                             Кояш чык , чык , чык                                                                                                                                Майлы ботка бирермен                                                                                                         Майлы ботка казанда                                                                                                       Тәти кашык базарда.                                                                                                                                         – Дусларым , әйдәгез җырлап – биеп алабыз  “Куш кулым “ татар халык җырлы уены .                                                                                                                            Урман буйларына менәм                                                                                                     Урман буе ямь генә                                                                                                                                  Бир кулыңны мин дә бирәм                                                                                         Дус булырга мәңгегә .                                                                                                                                                                              Менә сиңа уң кулым ,                                                                                                                     Менә сиңа сул кулым                                                                                                                    Син бит минем якын дустым ,                                                                                         Менә сиңа куш кулым .                                                                                                                      – Балалар , сез миңа бик ошадыгыз , бергәләп күңел ачтык . Таралышыйк инде , әниләребез көтәдер .