"Сөмбелә" бәйрәме
материал (подготовительная группа)

“Сөмбелә” бәйрәме

Зал алтын көзне хәтерләтеп бизәлгән: төрле төстәге яфраклар, җиләк- җимеш рәсемнәре, яшелчәләр, миләш тәлгәшләре. Балалар көй астында залга керәләр, җыр көенә яфраклар белән бию башкаралар. Залга Сөмбелә керә.

Сөмбелә: Исәнмесез, нәни дусларым! Исәнмесез, кадерле кунаклар! Мин сезне сагынып килдем!

Балалар: Исәнме, Сөмбелә!

Алып баручы: Исәнме, Сөмбелә! Без дә сине сагынып көттек. Синең киләсеңне белеп, бәйрәмгә әзерләндек.

Сөмбелә: Рәхмәт балалар.

Алып баручы: Зифа буйлы көз килде

                            Уңыш җыелды,

                            Табын сый белән тулды.

                            Рәхим ит, дус

                            Көзге бәйрәмгә.

Җыр “Көз җиткәч”.

Бала: Киң болыннарда

           Урман, кырларда

           Агачлар, гөлләр

            Кибеп сулдылар.

Бала: Уңыш җыелды

            Аккошлар китте.

            Матур көз ае-

            Килеп тә җитте.

Бала: Сандугачлар, карлыгачлар

            Очып китте еракка.

            Торналар да ялга китте

            Җылы якка, көньякка.

“Кошлар” биюе.

Алып баручы: Сөмбелә, безнең балалар көз турында шигырьләр дә өйрәнделәр, тыңлап кара әле.

Бала: Поспевает брусника

           Стали дни холоднее

           И от птичьего крика

           В сердце только грустнее.

Бала: Стаи птиц улетают

            Прочь за синее море

            Все деревья блистают

            В разноцветном уборе.

Бала: Солнце реже смеётся

            Нет в цветах благовонья

            Скоро осень проснется,

            И заплачет спросонья.

Сөмбелә: Рәхмәт балалар.

( Ишек шакыйлар. Киемнәренә яшелчәләр, җиләк-җимешләр аскан, башына эшләпә кигән Уңыш бабай керә. Аның аркасында капчык)

Уңыш бабай:Исәнмесез кадерле балалар! Исәнме кызым Сөмбелә! Сездә музыка, җыр тавышын ишеткәч, керергә булдым әле.

Алып баручы: Рәхим ит Уңыш бабай! Без сине сагынып көттек. Син килүгә җырлар, биюләр, уеннар әзерләдек.

Уңыш бабай:Ай рәхмәт,балалар!Ягез һөнәрләрегезне күрсәтегез әле.

Җыр “Уңыш җыябыз”.

Бала: Көзге табын- бай табын

           Кыяр, карбыз һәм кавын.

           Телем-телем теленгән

           Өем- өем өелгән.

Бала: Алмалары ал төсле

           Балкып туган таң төсле.

           Капсаң эри авызда

           Һәр кисәге бал төсле.

Бала: Ә җимеше, җимеше

           Ачысы бар, төчесе!

           Яңа пешкән күмәчтер

           Кайнар кояш төслесе.

Бала: Әткәм кебек тырыш көз,

           Әнкәм кебек юмарт көз.

           Көзләр юмарт булганга

           Бик бәхетле, бик шат без.

Сөмбелә: Балалар, мин сезгә табышмаклар алып килдем.

Уңыш бабай: Ягез әле, балалар! Минем кызым алып килгән табышмакларга җавап таба алырсыз микән.

Сөмбелә: 1.Алсу битле кыз үсте,

                       Кызарып җиргә төште(алма).

                    2.Озын, яшел- түтәлдә

                        Сары, тозлы- кисмәктә(кыяр).

                    3.Җир астында җиз бүкән,

                       Һәркөн ашыйсың иркәм(бәрәңге).

                    4.Җир астында, алтын казык

                       Алдык без аны казып(кишер).

                    5.Үсеп утыра бер чүлмәк

                        Өстенә кигән йөз күлмәк(кәбестә).

Уңыш бабай: Ай-яй-яй! Бигрәк тә тапкырлар сез! Ә менә өлгерләр микән сез! Карап карыйк әле.

Ярышлар.

1. “Кем тизрәк җыя”(яшелчәләр җыю).
2.  “Үз чиләгеңне тап”( төрле агачларның яфракларын җыю).
3.  “Кем беренче бәрәңге җыя”.

Алып баручы: Балаларның шигырьләре бетмәгән әле.

Бала: Скучная картина

           Тучи без конца.

           Дождик так и льется

           Лужи у крыльца.

Бала: Чахлая рябина

            Мокнет под окном.

            Смотрит деревушка

            Сереньким пятном.

Бала: Что ты рано в гости

            Осень, к нам пришла?

            Еще просит сердце

            Света и тепла!

Песня “Дождик”.

Ужыш бабай: Балалар, сез бик тапкырлар, бик өлгерләр икәнсез. Минем дә яшь вакытларны искә төшереп сезнең белән биеп аласым килә. Үзегез белән биетәсезме мине?

(Уңыш бабай балалар белән бии)

Сөмбелә: Кадерле нәни дусларым, кунаклар. Безнең Уңыш бабай белән китәр вакыт та җитте. Безне башка бакчаларда да көтәләр.

Уңыш бабай: Балалар, без сезгә сәламәтлек, озын гомер теләп калабыз. Ә хәзер безнең күчтәнәчләрдән авыз итегез(күчтәнәч өләшәләр).

Алып баручы: Бик зур рәхмәт сезгә Сөмбелә һәм Уңыш бабай! Хуш сау булыгыз! Без сезне киләсе елга да көтеп калабыз!