Илемлĕ литература пуплеве аталантарма пулăшать.
консультация (младшая группа)

Илемлĕ  литература пуплеве аталантарма пулăшать.

Кĕçен ушкăнра ĕçлекен воспитатĕлĕн тĕп тĕллевĕсенчен пĕри – ачасен пуплев чĕлхине аталантарасси, словаре пуянлатасси. Çак тĕллеве пурнăçлама илемлĕ литература пулăшать.

Ачасене илемлĕ литературăпа паллашма, эпир хамăр ушкăнра, кĕнеке кĕтесе йĕркелерĕмер. Унта тĕрлĕ кĕнекесем вырнаçтартăмăр: Пĕчĕккисен кенеки: Хрестомати. Юмахсем: Теремок, Репка, Колобок, Курочка Ряба, Козлята и волк тата ыт.те. Ашшĕ – амăшĕ пулăшнипе кĕнеке кĕтесĕ пуянлансах пырать.

Эпир ачасене ÿкерчĕксемпе илемлетнĕ пĕчĕкçĕ йăпатмăшсемпе, халăх юмахĕсемпе паллаштаратпăр.

Кĕске йăпатмăшсене, сăвăсене, шÿтсене аслисемпе пĕрле е хăйсем тĕллĕн, палăртуллă каласа кăтартма хăнăхтаратпăр. Илемлĕ хайлавсене итленĕ май, ачасене пулăмсемпе геройсене куç умне кăларса пама, вĕсем çинчен кĕнекери ÿкерчĕксем пулăшнипе икĕ - виçĕ предложенипе каласа кăтартма хăнăхтаратпăр. Сюжет, тытăм тата текст шайĕнчи çыхăнусем çинчен ансат пĕлÿ калăплама, сăнарсен уйрăмах курăмлă хăтланăшĕсене палăртма, вĕсене хак пама вĕрентетпĕр.

Ачасем лайах пĕлекен юмахсене асра тытма, тĕп шухăшне никам пулăшмасăр каласа кăтартма хăнăхаççĕ. Весен диалог тата монолог йĕркелес пултарулăх аталанать.

Çапла илемлĕ литературăпа паллашнă май ачан пуплевĕ аталанать, словарĕ пуянланать.