Лӧпшо Педуньлэсь картазэ утчан (В поисках карты Лопшо Педуня) на удмуртском языке
план-конспект занятия (подготовительная группа) по теме

Галина Николаевна Минниахметова

Эгра каргуртысь  8 номеро нылпи садысь визьнодась

 Лӧпшо Педуньлэсь картазэ утчан

     Бадӟым группаысь нылпиослы дышетон ужманеръя конспект

Мугез: удмурт кыллы дышетонэз пӧртэм ужъюгдыръёсты чакласа радъян.  

Пуктэм ужпумъёс:котыр улос сярысь тодон-валанзэс юнматоно;ваче пумит луись кылъёсты (антонимъёсты) валаса кутыны дышетоно; трос лыдын существительнойёсты вераны дышетоно (кылсярысь, кыр пӧйшуръёс вылын); ог-огзылы юрттэт сётон мылкыд пыӵатоно.  

Дышетон удысъёс: тодон-валан сётон,ог-огеныд кусып тупатон, кылэз волятон.  

Азьвыл нуэм уж:  пӧртэм суредъёсты учкон, нылпиосын кенешон, дидактической шудонъёс, калык творчествоя музее экскурсия, нюлэскы ветлон, инкуазь учыръёсты эскерон.

Уже кутэм арбериос:  телевизор, ноутбук, карта, Эгралэн туспуктэмъёсыз, кыр пудоосын карточкаос но туспуктэмъёс, карт-схема, куасьтэм куаръёсын конвертъёс, писпулэн суредъёссы (тыпы, кызьпу, пипу).

Ужрадлэн мынэмез.

Воспитатель (В.):  Пиналъёс, тӥ азьын йӧспортэм (волшебный) экран. Оло, асьмелы со кыӵе ке но сюрприз дасяз.  Учкемды потэ, а?

Пиналъёс. Бен. Потэ.

(Экран вылын Сундур гуртысь музейлэн туспуктэмез адӟиське.)

- Тодмады-а та гуртэз? Кытын таӵе корка сылэ? (Сундурын.)

- Таиз  нош кин? (Лӧпшо Педунь).

В.   Учке  ай, со тӥ  доры ӵукшудонэ лыктыны дасяскем.  Басьтӥз аслэсьтыз пестерьзэ, арганзэ автобус дугдылон интые вуиз. Картазэ учкыса мынэ,  малпаське, кызьы асьме доры лыктоно. Дугдылонниозь ӧз вуы, шуак гурт вадьсын  сьӧд пилемъёс люкаськизы:  лек тӧл пельтӥз, зорыны ӧдьяз. Лӧпшо Педунь ӝоггес липет улэ пегзӥз.  Зоремысь  дугдӥз гинэ,  картаяз  учкиз но уноез туспуктэмъёсыз ӧвӧл ни. Ма кароно? Кызьы табере со нылпи  садмес шедьтоз? Кин солы юрттоз? (Ми юрттом.)

В. Солы юрттэмды потэ ке,  ышем туспуктэмъёсты утчано. Пӧртэм  ужъёсты лэсьтыно. Соглаш, а тӥ? (Соглаш)

-  Асьмелэн сюресмы  нюлэскытӥ ортчоз.   Султэ круге. Ог огдылы кидэс сётэ.

Ваче ки ми кутском,

Ог огмы шоры учком,

Зеӵ мылкыдмес сьӧрамы басьтомы,

Туспуктэмъёсты утчаны мыномы.  

(Пиналъёс удмурт крезгур чузъяськемъяогзы бӧрсы огзы мыно, карталэсь люкетъёссэ утчало.)

В. Тани  асьме азьын нырысетӥ куш. Ма меда асьмелы  татын дасямын.

 Нырысетӥ куш (нырысетӥ уж)

- Пойшуръёс асьсэлэсь пиоссэс ыштӥллям. Юрттэ соосты шедьтыны. (Визьнодась пӧйшур шоры возьматэ, нош нылпиос сое одӥг но трос лыдын верало)

Гондыр – гондырпи (гондырпиос), кион – кионпи (кионпиос), лудкеч – лудкечпи (лудкечпиос), коньы – коньыпи (коньыпиос), ӟычы  – ӟычипи (ӟычыпиос), койык – койыкпи – (койыкпиос), чушъял – чушъялпи (чушъялпиос), кыр парсь – кыр парсьпи (кыр парспиос)

В. Визьпокъёс, одӥг  туспуктэмез  шедьтӥм. Кин меда  туспуктэмъёсты нуллоз? Ойдолэ лыдъяськом.

Одӥг, кык, куинь, ньыль, вить, куать,

Сӥзьым, тямыс, укмыс, дас –

Горд шунды ӝужаз.

Кин вылэ лыдъяськон дугдоз,

Со ик сумкаез нуллоз,

Туспуктэмъёсты люкалоз.

  Кыкетӥ куш (кыкетӥ уж)     

- Таяз куш вылын кык уж дасямын. Одӥгез секыт, мукетыз капчи. Малпаське,  кин кыӵе ужез лэсьтыны быгатоз. (Нылпиос асьсэлэн быгатэмзыя уж быръё)    

Секыт уж –  «Шедьты куззэ» (шедьтоно тупась антонимъёсты)

Ӝужыт кыз – лапег кыз  (высокая ель – низкая ель), бадӟым  гондыр – пичи гондырпи, пи – ныл, ческыт  узы –  чырс палэзь, буш куды – тыр куды, бур  ки – паллян ки, шунды – толэзь, одӥг губи – трос губи, паськыт сюрес – сюлэг сюрес, зӧк писпу – векчи писпу.

 Капчи  уж –  пазлъёслэсь тылобурдоосты бичано но верано, кин яке ма пӧрмиз.

Уйсы(пелекучыран) – сова, шушы – снегирь, дыдык – голубь, коӵо – сорока, сизь – дятел.

 - Кыӵе тылобурдоосты тодӥськоды на? (Пислег – синица,  куака – ворона, ӟольгыри – воробей, ваёбыж – ласточка, чечег – трясогуска)

(Пиналъёс ог-огзылы юрттыса, кенешыса, ужзэс лэсто. Собере ог-огзылэсь эскеро.)

В.   Ӟечокъёс.  Туж усто мылкыдо ужады. Кӧня  туспуктэм люкаськиз? (Кык)

 Куинетӥ куш (куинетӥ уж)

В. Арлэн кыӵе дырыз али? (Сӥзьыл)

- Кызьы тодӥды? (Возьматӥсько карта-схемаез: зоре, кезьыт, лымы усе, тол, пиналъёс шуныт дискутсэз дисяло, тылобурдоос лымшор пала лобо, куаръёс усё, писпуос гольык сыло.)

- Тани  ӝӧк вылын конвертъёс тыремын. Басьтэ быдэн одӥг конверт. Учке, кыче  писпулэн куаръёсыз отын?(кызьпу, тыпы, пипу.)

- Шедьтэ писпуэз но лякылэ тупась куаръёсты.   Укно сьӧрын бер сӥзьыл, а писпуосты вылын кыӵе сӥзьылэз адӟиськоды? (Зарни сизьыл.)

- Малы озьы малпаськоды? (писпуослэн куаръёссы ӵуж-ӵужесь)

В.  Шонер. Ойдолэ кӧня ке шудом, шутэтском.

Гуртамы сӥзьыл вуиз,

Вань садъёсыз чебертӥз.

Музъем вылэ куар усиз

Горд но ӵуж музъем луиз.

- Зечокъёс, тани нош ик туспуктэмез шедьтӥм. Коня люкаськиз ини?  (Куинь.)

 Ньылетӥ куш  (ньылетӥ уж)

В. Мукет куш доры мыныны ум быгатэ, асьме азямы могӟет вань - шур. Кызьы со вамен потомы? Ма кароно?(Выж лэсьтоно.)

- Малэсь? (доскалэсь)

- Пумы шурлэн мукет палаз кылиз. Ма каромы?

(Кылдэм югдурез серттон-пертчон. Нылпиос асьсэлэсь малпанъёссэс верало. Ваньзы ӵош пулъёслэсь пӧртэм буёло выж лэсьто.)

В. Кыӵе чебер выжмы пӧрмиз! Ойдолэ вералом, кыӵе турлы буёлъёстыуже кутӥм. (Горд, вож, лыз,ӵуж, тӧдьы, сьӧд, пурысь, курень, нап- ӵуж, бусӥр, лемлет, чагыр)

- Коня корлэсь выж лэсьтӥмы, ойдолэ лыдъялом. (Дас кык)

  Витетӥ куш  (витетӥ уж)   «Кудӥз мултэс»

 (Экран вылын возьматэмынгубиос, писпуос, тылобурдоос, пӧйшуръёс)

 В. Учке али, ма  суредамын? (Губиос ) 

 - Кыче губиос? (тодьы губи, куткулонгуби,  пипугуби)

 - Кудӥз  губи  сураса понэмын? Малы? (Куткулонгуби – сое уг яра сиыны.)

В. Ойдолэ  мукет суредъёсты учком.  (Экранысь адӟиськом пислегез, шушыез, коньыез.)

- Кинъёс татын суредамын ? (Пислег, шушы, коньы.)

- Кудиз сураса понэмын? Малы?  (Коньы, со тылобурдо ӧвӧл)

 Озьы ик ужано мукет суредъёсын.

1. Кык  коньыпи, кык гондырпи, одӥг ӟычыпи (лыдызъя ӟычыпи одӥгназ, мукетъёсыз кык кузя)    
2. Кыз, кызьпу, лудкеч (лудкеч мултэс, со пӧйшур, нош мукетъёсыз - писпуос)
3. Гондыр, койык, ӟольгыри (ӟольгыри сураса понэмын, со тылобурдо, мукетъёсыз - пӧйшуръёс)
4. Дыдык, коньыгуби, воёгуби (мултэсэз луэ дыдык, со тылобурдо, мукетъёсыз - губиос)

 В. Туж умой, покчиосы – визьпокъёсы. Мынӥськом азьлань.  

Куатетӥ куш (куатетӥ уж)

В. Кыӵе элькунын  асьмелос улӥськом? (Удмурт Элькунын)

- Шонер. Кызьы нимаське каргуртмы? (Эгра)

 - Кытын интыяськемын нылпи садмы?(Нефтяникъёслэн микрорайоназы)

- Кыче номеро юртмы?( Кызь сизьым)

В. Шонер верады, висьпокъёс. Тани эшшо одӥг  туспуктэмез шедьтӥмы. Ойдолэ  соосты  карта вылэ тыромы  но учкомы, ваньзэ  меда люкамы. (Пиналъёс туспуктэмъёсты карта вылэ лякыло.)

- Ма карыны юрттӥм Лӧпшо Педуньнлы? (Туспуктэмъёсты утчаны.)

Воспитатель:  Ӟечокъёс. Ирина Михайловна, та картаез ӝоггесь почтае нуэ, Лӧпшо Педунь праздникамы мед вуоз. Нош асьмеос, пиналъёс, чебер дӥськутмес  дӥсяса, празднике  мыныны дасяськом.