Печатная разработка "Ирбиш оглу"
статья (старшая группа) на тему

Рассказ чабана про детеныша редкого животного ирбиш. 

Хунчугеш» уруглар садынын кижизидикчи башкызы

 Дастан Чимис Доржуевнанын дыннап бижээн ужуралы «Ирбиш оглу»

           2012 чылдын декабрь тончузунде кожууннун топ эмнелгезинге кадыкшылым экижидип чыткан мен. Чангыс орээлге кончуг-даа солун тоогулер, ужуралдар чугаалаар Дозумаа угбай база чытканы онзагай, солун болган. Оон каттырынчыг, солун тоогулерин дыннар дээш, оске орээлден улус бо-ла кирип кээрлер.

            Бир-ле дуъштеки уеде Саая Мерген Кара-оолович (шола адын Мечо дээр) кадарчы акый кирип келди. Ол база-ла Дозумаа угбайга катчып дыка-ла солун ужуралдарны чугаалаар акый болду. Оон онзагай, ховар чараш анывыс – ирбиш дугайында дыка-ла солун тоогузун сактып бижип корейн.

            - Кадарчы кижи олут орар эвес, мал-маган карактап, хайгаарап, сарлыктар тураннап Ширээ-Тайганын адаа талазы кадыр-кашпалдарны дужааштыр тураннап чор мен. Сарлык амытан онзагай мал – черле ындыг ан-мен биле домей тайга-таскылга оъттаарлар. Оларны хайгаарап, тураннап ор мен. Канчангаш-ла, тураннап орарымга, караамга куураш дээш, хаялар аразында бир-ле чуве илдиге бергенин эскердим! Ам таптыг олуруп алгаш, топтап коруп эгелээримге, ирбиш оглу хевирлиг! Бичии борбек хая артында, аажок кеденип олур. Бертии талазынга куштар ужуп, чемнеп турлар. Ол ирбиш оглу костур-козулбес дыка-ла кеденип чорткаш, хаянын бир ужунга келген, та эпчок, та кандыг болганы ол, ам оске талазынче кеденип чоруп калды!  Ынчап кеденип чыдып-чыдып, шурай-ла берди! Каткан хувураан ол куштар, хойгаш – ужуп чоруй барган! Чаа-ла аннап чоруур ирбиш оглун коруп, чаптап-ла ханмаан мен ийин. Аалымга тайга-таскылдын ховар чараш анын коргенимден мырай ооруп, сеткилим ханган чедип келдим! – деп, Мерген акый солун тоогузун доосту.

«Монгун-Тайга» солуннун редакциязынче чоргускан.