Конспект занятия по бурятскому языку «Намар» гэhэн зурагаар хөөрэлдөөн (ахалагша бүлэглэл)
план-конспект занятия по развитию речи (старшая группа)

«Намар» гэhэн зурагаар  хөөрэлдөөн (ахалагша бүлэглэл)

Зорилго: Зурагай удхаар асуудалнуудта харюусажа, үхибуудэй  мэдэхэ угэнуудээр мэдуулэл зохёолгожо ḣургаха. Намартаа ямар хубилтанууд болоноб гэжэ ажаглал ябуулха. Богонихон рассказ зохеожо ḣургаха. Холбоотой хэлэлгэ хугжоолгэ дээрэ ажалалга. Буряад хэлэндэ ḣонирхол хүмүүжүүлхэ.

Хэшээлэй ябаса:

Ƴхибүүд, анхаралтайгаар зураг хараябди. Эндэ ямар саг харуулагданаб? (Энэ намарай саг). Юундэ намарай саг гэжэ hананабта? (Газар дээрэ намаад хэбтэнэ. Намаан шара зүhэтэй болоод байна. Ƴхибүүд дулаанаар хубсалаад ябана).

Холбоотой хэлэлгэ хугжоолгэ дээрэ ажалалга. Буряад хэлэндэ ḣонирхол  Намарай саг ямар уедэ харуулагданаб? ( hүни, үдэр). Юундэ удэр гэжэ hананабта?  ( Модон соо hаруул, сагаан, үхибүүд сэнгэнэ).

Дулаан үдэр энэ зураг дээрэ харуулагдана гү, аля хүйтэн үдэр гү? Хүйтэн үдэр гэжэ хайшан гээд мэдээбибди? (Бороо ороно, наран үүлэнэй саанаhаа харагданагуй, hалхин hалхилна). Хайшан гээд

hалхин hалхилна гээд мэдээбибди? ( hалхинай болоходо намаан модонhоо унана, модоной орой худэлнэ, үхибүүд дулаан хубсаhаа үмэдөө).

Физкультминутка

Саашаа – наашаа

Дүүжэн – даажан.

Хойшоо – урагшаа

Дүүжэн – даажан.

Иишээ – тиишээ

 Дүүжэн – даажан.

Дээшээ – доошоо

Дүүжэн – даажан.

Би энэ зураг тухай хөөрөөд үгэхэмни. Таанад анхаралтайгаар шагнаад, баhал хөөрэжэ үгэхэ ёhотойт.

Намар боложо, газаа хүйтэн болобо. Модоной намаан шарлажа, газар дээрэ унана. Хүйтэн hалхин  hалхилна.  Ƴхибүүд дулаанаар хубсална. Наран  hулаар шарана.

Мунөө хэн хөөрөөд үгэхэб?

(3-4 үхибүүдэй рассказ)

Наадан «Шара намаанууд».

Би мунөө шэдитэ модоороо таниие намаанууд болгохоб. Намаанууд модондо ургажа hууна. Хүсэтэй hалхинай hалхилхада модонhоо таhаржа, ниидэлдэшэбэ. Дээрэ тэнгэридэ ниидэжэ ябахадаа юу харанабта? ( уhа, харгы, гэрнүүдые…) Зай, иигээд газар дээрэ буужа ерэбэбди. Би шорой дээрэ унанабаб? Таа хаана унаабта? ( шулуун, сонсогой, гэр, харгы дээрэ…)

 Дахиин шэдитэ модоороо тоншоходомни, таанад гэдэргээ үхибүүд болошобот.

Хэшээлэй дүн.