Әкият иленә сәяхәт
план-конспект занятия по развитию речи (младшая группа) на тему

Әкият иленә сәяхәт

                         1-нче кечкенәләр төркеме

                                                            Саба 2-нче номерлы “Әллүки”

                                                             балалар бакчасының

                                                            1-нче категорияле тәрбияче

                                                             Корбанова Н.Х.

                                            Май  2018  ел

                    Әкият иленә сәяхәт

Максат: Балаларны аваз ияртемнәрен әйтә белүләренә ирешү,кошлар турында белемнәрен тирәнәйтү (күгәрчен, чыпчык,кызыл туш,саескан, тукран,песнәк).Кошлар турында гомуми кузаллаулар булдыру, кошларга карата кызыксыну уяту.

Әкиятләрне рәсемнәрдән күреп таный белергә, әкиятнең эчтэлеге буенча сорауларга җавап бирү осталыгын үстерү, әкиятне тәрбияче белән бергә сөйләргә өйрәтү.

Җиһаз: Агачлар, кош рәсемнәре, әкияттән рәсемнәр. Светофор.

Эшчәнлек барышы.

Балалар, без бүген сезнең белән сәяхәткә барабыз!

Сәяхәткә нәрсәләргә утырып барып була?

(Балалар җавабы: машина, самолет, пароход). ”Мин шофер” дигән музыка астында  машинага утырып сәяхэткә киттек. .
Беренче тукталыш:  ”Светофор тукталышы”

Кызыл - ярамый.

Сары - әзерләнәбез.
Яшел -  чыгабыз .

Балалар җитәкләшеп юлдан чыгалар.

Икенче тукталыш: Сәяхәтне  самолетка утырып дәвам итәбез. Әкият агачы янына килеп  җиттек, анда кунган кошларның исемнәрен һэм үзенчәлекләрен әйтеп чыгабыз.

Кошлар рәсемнәрен карау.

Гөлдер гөлдер ,гөлдер гү

Кызыл тәпи кемдер бу?

(Күгәрчен, аның үзенчәлекләре турында сөйләшү.Тәпие кызыл,үзе зәңгәр, гөрли.)

Саескан,саескан.

 Агач башына кунган.

Җиргә төшкән сикергән

Безгә кунакка килгән.

(Саесканның үзенчәлеге турында сөйләшү, кара, койрыгы озын, ялтырый  торган  җисемнәрне  ярата.)

Тәрәз каршына

Килгән бер чыпчык.

Мине чакыра

-“Чык әле, чык”,- ди

Алдый, беләм

 Гел шулай итә.

Йөгереп чыксаң

Очада да китә.( Чыпчык турында  әңгәмә.)

Тук - тук тукыран

Тукылдатып утырам .

Агачтагы кортларның

Барсын ашап бетерәм.( Тукран турында әңгәмә.)

Без тагын нинди кошларны беләбез эле? (Кызыл түш, песнәк).

Өченче тукталыш:  Паровозга утырып барабыз. Әкият иленә килеп җиттек.

Рәсемнәргә карап әкиятләрнең исемнәрен әйтәләр.

 Бу нинди  әкияттән?

• “Теремкэй”   (“Теремкәй”әкияте буенча сораулар).

- Иң беренче  теремкәйгә кем килгән ?

- Теремкәйне кем ваткан?

Бу рәсемдә  нәрсәләр күрәсез?

Чуар тавык

 - Нинди күкәй салган? (алтын ,аны кем ваткан ? Чуар тавык нәрсә дип әйткән.)

- Елама әби,елама, бабай, мин сезгә гади күкәй салырмын дигән

Бу әкияттә нәрсәләр күрәсез. (Колобок.)
Ул кемнәрдән   качкан?  Нинди җыр җырлаган?  Аны кем йоткан.

Тагын нинди әкиятләр беләсез ?

• “Шалкан” ( кем утырткан,кемнәр тарткан.)

Әкиятләр буенча сорауларга җавап бирү. Поездга утырып группага кайтабыз

Кулъялыклар белән күңелле бию.