Салкын Кыш
план-конспект занятия по развитию речи (старшая группа) на тему

“Актаныш авылы гомуми үсеш бирүче 4нче балалар бакчасы” муниципаль бюджет мәктәпкәчә белем бирү учреждениясе

                      “Салкын кыш”                                                                          зурлар төркемендә сөйләм теле әшчәнлеге буенча конспект

                                                                  Төзеде: Мансурова Э.Р.                                                                    

Актаныш 2015

Тема: “Салкын кыш”                                                   

Максат:  табигатьтә ел фасыллары буенча барган үзгәрешләр турындагы белемнәрен системалаштыру һәм тирәнәйтү.                                                                                              Тәрбия бурычы: кышкы  табигатьнең матурлыгына соклана белү сыйфатларын тәрбияләү .                                                          Үстерү бурычы: балаларның иҗади күзаллауларын,бәйләнешле сөйләмен үстерү.                                                                          Белем бирү бурычы: балаларда шигырь юллары аша кышкы табигатькә соклану хисләре,мәхәббәт тәрбияләу.   Төп белем бирү өлкәсе: танып белү.                                   Интеграль белем бирү өлкәләре: социаль-коммуникатив,танып белү,сөйләм үсеше,сәнгати-эстетик,физик үсеш.                                                                      Методик алымнар һәм чаралар: әңгәмә,шигырь уку,уеннар. Сүзлек өстендә эш: тәңкә кар,өерма,сырган буран,буран тургае.                                                                                                 Алдан үткәрелгән эш: кыш турында әңгәмәләр,материал әзләү,матур әдәбият уку.

Эшчәнлек төзелеше:                                                         1.Психологик җайлашу.                                                  2.Галимҗан Латыйпның”Кыш килде”шигырен уку                            3.Кыш турында фикер алышу.                                                                                                   4.Дидактик уен ”Сорау-җавап” уены.                                                         6.Иҗади хикәя төзү:”Кышкы уеннар”.                                  7.Хәрәкәтле уен”Кар бөртекләре җыю”

                           Эшчәнлек барышы:                                              

Психологик җайлашу: Исәнмесез,балалар!Карагыз әле тәрәзәгә,бүген көн нинди матур,кояшлы,Кояшлы көнне безнең кәефләребез дә яхшы,күтәренке.Әйдәгез әле,кулны кулга тотынышып,бер-беребезгә карап елмаябыз һәм үзебезнең яхшы күтәренке кәефебезне бер-беребезгә бирәбез.

-Балалар, тыңлагыз әле, мин сезгә Галимҗан     Латыйпның”Кыш килде”шигырен  укып китәм:                                              Урамнарга,бакчаларга,                                                                  Урман,кырлар өстенә,                                                                                    Ак мамыктай,күбәләк кар                                                                  Төшә дә,төшә генә.                                                                             Урамга чыктык шаулашып,                                                      Йөртлардан чана тартып;                                                  Уйныйбыз,учта йомарлап,                                                                    Юеш кар тубы атып.                                                                      

Фикер алышу:                                                                                             -Балалар,бу шигырь юллары елның кайсы фасылы турында?         -Кыш айлары нинди айлар?                                                                     -Бу айларда кояш турында нәрсәләр әйтә аласыз?                              -Җир өстен нәрсә каплаган?                                                                  -Кыш көне һава торышы нинди була?                                                  -Ни өчен агач төпләренә кар өяргә кирәк?                                         -Җимлеккә нинди кошлар очып килә?                                                                 -Ни өчен чыпчыклар,песнәкләр йоннарын кабартып утыралар?                                                                                                 -Ни өчен кыш көне кошлар кешеләр яши торган урыннарга күбрәк киләләр?                                                                                  

Дидактик уен ”Сорау-җавап”уены:                                                                            -Нәрсә ул болытлардан ява торган,туңган су кристаллары?-...(кар)                                                                                                        –Нинди карлар була?-...(беренче кар,җепшек кар,ябалак кар,тәңкә кар)                                                                                          –Кар нигә шигырдый?-...                                                                      –Карның файдасы,зыяны бармы?-...                                                         -Кыш көне нинди бураннар була?-...(җәяүле буран,карлы буран,өермә буран,сырган буран)                                                        –Бураннарның файдасы (зыяны) нидә?                                               –“Буран”га утырып йөреп буламы?-...(Кар өстеннән йөри торган мотоцикл бар.Ул яныңнан бер узып китсә,аның артыннан бураннар уйнап кала.Шуңа күрә аны “Буран” дип атаганнар.Димәк, “Буран”га утырып йөреп була.)                                

Иҗади хикәя төзү:”Кышкы уеннар”:                                               _Нинди кышкы уеннар беләсез?                                                         –Иң яраткан уеныгыз нинди?                                                                  –Бу уенда нинди атрибутлар кулланасыз?                                       –Уенны ничек итеп уйныйсыз?                                                               –Сез яраткан уенның иң кызыклы өлеше нинди?                                

Хәрәкәтле уен”Кар бөртекләре җыю”:Булмә идәнендә кар юөртекләре сибелә.Уенда ике бала катнаша.Аларга матур тартма бирелә.Тәрбияче сигналы буенча,балалар кар бөртекләрен җыеп,тартмаларга салалар.Алдан кайсы җыеп бетерсә,шул бала җиңүче була.