Һәрвакыт булсын әни
план-конспект занятия по развитию речи (младшая группа) на тему

           “  ҺӘРВАКЫТ БУЛСЫН ӘНИ...”

Алып баручы:    Бүген бездә ямьле бәйрәм,

                              Шатлык җыры илем күгендә.

                              Әниләрне бәйрәм белән котлап,

                              Кошлар җырлый илем күгендә.

        Кадерле әниләр!Сезнең барыгызны да шушы олы бәйрәм белән -әниләр  көне белән котлыйбыз!Саулык сәламәтлек,иминлек телибез!Күкләребез аяз,балар-   ның шат авзлары һәрчак яңгырап торсын,күңелегез һәрвакыт шат,йөзегез кө-   ләч булсын! Балаларның чыгышы бәйрәм бүләге булсын!

Балалар залга биеп керәләр,кулларында чәчәкләр.Бию.Урыннарына басалар.

АлсуСөекле әниләрне

         Кадерлибез,зурлыйбыз.

         Чын күңелдән һәммәгезне

         Бәйрәм белән котлыйбыз!

Г.Инсаф Зәңгәр күктә ал кояш,

                Сүнмәсен балкып торсын.

                Әниләрнең нурлы йөзе,

                Гел көлеп кенә торсын.

Мәрьям  Бүген-Әниләр бәйрәме,

                Бүген җирдә тантана

                Кояш шуңа көлә бүген

                Гөлләр шуңа шатлана.

Динар    Син-әнием,минем өчен

               Бу дөньяда бер генә

               Елмайганда йөзләреңнән

               Бар өйгә нур бөркелә.

Лилиана Иң кадерле кешебез син

                Сөекле әниебез!

                Син булганда без бәхетле

                Тыныч рәхәт яшибез!

Н.Инсаф Бәйрәмең,әнием,

                Күңелле булсын,

                Тик сиңа җырыбыз

                 Яңгырап торсын.

   Җыр:” Әниемә”.

Иделия  Тәмле ашлар пешерә

               Минем әнием

               Бөтен эшкә өлгерә

               Минем әнием!

Ильяс      Әнием матур минем

               Күзләре якты,көләч

              Шундый рәхәт була

              Ул өйгә кайтып кергәч.

Хор:      Безне назлап үстергәнгә         Һәрвакыт эшчән булганга

              әниләр рәхмәт сезгә.                Әниләр рәхмәт сезгә!

Рөстәм  Бу бәйрәмне һәрбер җирдә

              Зурлап каршы алалар

              Бәхетле елмая бүген

              Җирдәге бар аналар.

Алып баручы:Әниләрне тәбрикләргә гүзәл көз кызы килгән

                         Толымына көз гөлләре-алтын чәчәкләр үргән

Көз кызы:Бүләк булсын сәзгә ташкын җыры

                 Тамчыларның шаян биюе

                  Зәңгәр күктә нурлар сибеп янган

                  Кояшымның балкып көлүе.

Алып баручы:  Якты сибеп туган җиребезгә,ал нурларын алып килгәнсең

Күкне,җирне гүзәллеккә күмеп,тылсымлы бер әкият иткәнсең

Бала:           Кошлар җырын,кошлар кошлар моңын

                    Сөмбелә алып килгән

                     Юлларына безнең өчен

                     Матур чәчәкләр сипкән.

Сөмбелә чәчәкләр сибеп чыгып китә.Чәчәкләр белән бию.

Диләрә Йөзең синең һәрвакытта

             Балкып тора әнием.

             Аш-суыңнан тәмле исләр

             Аңкып тора әнием!

Ильмир Әнием минем уңган

               Барда килә кулыннан

               Эшләмәгән эше юк

               Бер тик торган көне юк.

Элина     Әнием синнән башка

                Өебезнең яме юк

                Син өйдә булмаганда

                Чәебезнең тәме юк.

Раяз         Бик күңелле,бик рәхәт

                Әниләр карап торгач

                Эшләрендә булышырбыз

                Үсеп зур кеше булгач.

Рамазан  Бергәләшеп бездә дуслар,

                Җырлап алыйк,әйдәгез

                Котлы булсын,гөрләп торсын

                Бүгенге бәйрәмебез.

Зәлия      Минем әни дөньяда

                Иң чибәре ,сылуы

                Нинди бәхет ,һәрбаланың

                Үз әнисе булуы.

Данияр   Бүген бәйрәм көнендә

                Әниләрне котлыйбыз

                Шатлык бәхет сәламәтлек

                Һәммәгезгә телибез!

Амиран  Мам своих мы поздравляем

                И от всей души желаем

                Быть здоровыми,счастливыми

                И веселыми,красивыми.

Раиль      Котлыйбыз сезне әниләр

                Көләч йөзле әбиләр

                Бүгенге бәйрәм белән!

Алып баручы:Кадерле әниләр!Балалар сезне зал уртасына чакыралар.Алар сезнең белән уйнарга телиләр.

Уен:”Әниеңне тап”

Әниләр зур түгәрәк ясап басалар.Балалар уртада.Әниләр кул чабалар ,балалар  

бииләр.Көй бетүгә балалар чүгәлиләр һәм күзләрен йомалар.Әниләр кулга-кул тотынышып ,түгәрәк буенча йөриләр.Көй бетүгә әниләр туктыйлар,ә балалар үзәниләре янына чабалар.Әниләрен тапкач парлашып әйләнәләр.

Алып баручы:Кадерле әниләр!Кунаклар!Тагын бер тапкыр сезне бәйрәм белән котлап,сәламәтлек,озын гомер,аяз күк йөзе,һәр эшегездә уңышлар,чиксез шатлык теләп калабыз.