Музыка ҡоралдары тураһында йомаҡтар.
план-конспект занятия

Музыка ҡоралдары тураһында йомаҡтар

1) Ирендәргә терәйһең дә,

Сиртеп көйҙәр көйләйһең. (Ҡумыҙ)

2) Боронғо булһам да, мине

Онотоп бөтөрмәйҙәр.

Милли гармуныбыҙ тиеп,

Сәхнәнән төшөрмәйҙәр. (Тальян)

3) Алты – ете генә булыр

Тәнемдәге уйымдар.

Элек минһеҙ үтмәй ине

Аулак өйҙәр, уйындар. (Курай)

Барыһы дүрт ҡыл унда,

Һыҙған саҡта моңлана. (Скрипка)

Нескә муйын,

Пар ҡылдар.

Сиртер ине

Бар ҡулдар,

Йәштәр уйнай

Белмәйҙәр,

Шуға яҡын килмәйҙәр. (Мандолина) 

Таҡыя башын тубайтып,
Үҙе урманда үҫә.
Елкендереп күңелде,
Йәшен-ҡартын бейетә.
Наҙлы моңло был ҡорал
Ниндәй исем йөрөтә? /ҡурай/

Ҡырҙа үҫкән бер бала
Өйгә килеп моң һала. /ҡурай/

Бәләкәй генә көпшәлә
Уйылғандар тишектәр.
Моңло тауыш сығарһа,
Бейеп китә ситектәр. /ҡурай/

Үҙе үҫемлек,
Унан да моңло нәмә юҡ. /ҡурай/

Ҡарар күҙгә ҙур түгел,
Киләсәге ҙур уның. /ҡумыҙ/

Кире кәпәс кире һикерә. /ҡумыҙ/

Теле кәкре – теленән тартһаң, һикерә. /ҡумыҙ/

Туҡмағанды ярата,
Бик дәртле көй тарата:
Тра-та-та-та! Тра-та-та! /барабан/

Эсе ҡыуыш,
Даңғылдарға уны ҡуш./барабан/

Йәнле йәнһеҙҙе ҡыйнай,
Йәнһеҙ ҡысҡырып илай. /барабан/

Сирткән һайын терт итә,
Шунда уҡ йырлап китә. /мандолина/

Телдәре күп булғанғалыр,
Көй һуҙа моңло итеп.
Яратам уны шуға мин,
Тыңлайым иҫем китеп. /гармун/

Тартыла ла һуҙыла,
Бар донъяға моң һала. /гармун/

Ауыҙы юҡ, күп телле,
Дәртләндермәй һуң кемде? /гармун/

Бармаҡ менән баҫалар,
Уйнап күңел асалар. /пианино/

Тейһәң, илаған,
Тауышы халыҡҡа уйнаған.
Эсендә эсәге бар,
Тышында түшәге бар. /думбыра/

Ҡолағы – ҡойроҡ осонда,
Эсәге – кендек өҫтөндә,
Тейһәң, илай. /думбыра/

Ебенә тейһәң, илаған,
Тауышы матур сыңлаған.
Өҫтөндә эсәге бар,
Аҫтында түшәге бар. /скрипка/