Тема: Федора әбигә булышыйк.

Максат: балаларда тәртипкә һәм мөстәкыйльлеккә аңлы омтылыш формалаштыру.

Бурычлар: Балаларны эш урынын продуктив эшчәнлеккә әзерләргә, шулай ук эш тәмамлангач аны җыештырырга, яшьтәшләре белән мөнәсәбәтләр төзергә, килешергә, үзара ярдәм итәргә өйрәтү.Эш сөючәнлекне , тәртип урнаштыру осталыгын үстерү. Көнкүреш  әйберләрен  чиста, тәртипле тоту  турында белемнәрне ныгыту. Үз хезмәтеңә, өлкәннәреңә һәм яшьтәшләреңә хөрмәт тәрбияләү.

Интеграция: сөйләм үстерү,танып белү, социаль –коммуникатив үсеш

Методик алымнар: проблемалы ситуация,әңгәмә,  үрнәк эш,мактау.

Сүзлек эше: савыт саба, тәрбияләргә, түкмичә.

Эшчәнлек барышы:

1.Оештыру өлеше

Исәнме, якты кояш,

Исәнме, зәңгәр һава.

Исәнмесез, кунаклар,

Хәерле көн, барчабызга.

Елаган тавыш ишетелә.

-Балалар,кемдер елый тугелме? Нәрсә булды икән? (Федора әби керә) Кем бу балалар, таныйсызмы?

-Федора әби, сез ник елыйсыз?

Ф-Ой-ой-ой, балалар, барлык табак савытларым чыгып качтылар. Урам буйлап йөгерәләр,артларыннан куып тотып булмый.Ой-ой-ой. Кайтыгыз өйгә, нишлим мин сезсез.

-Нинди савытлар чыгып качкан икән әбидән.Әйдәгез, белик әле.

-Ашарга нинди савытларда пешерәләр?(кәстрүл,таба)

-Чәй эчәр өчен нинди савытлар кирәк?(чокыр, тәлинкә, чәйник, шикәр савыты)

-Ашаганда без нинди приборлар кулланабыз? (калак, чәнечке, пычак)

-Димәк, Федора әбинең шушы табак савытлары чыгып качкан инде. Ә ни өчен  чыгып качканнар икән?

Ф.-Ә миңа хәзер нишләргә? Ничек итеп савыт сабаларымны кайтарырга соң? (Б.ж)

-Балалар, әйдәгез, Федора әбигә савыт сабаларын кайтарырга булышыйк.  Өйне ничек итеп чиста тотарга, савыт сабаларны юарга, гөлләрне тәрбияләргә өйрәтик. Син, Федора әби, карап өйрәнеп тор.

-Иң беренче кемнәр нинди эш башкарачак, бүленергә кирәк. Өстәл өстендә төсле фишкалар бар. Аларга гөл, карават, чокыр рәсемнәре ясалган. Сез үзегезгә ошаган төсне аласыз, рәсемен карыйсыз да, эш урыннарыгызга барып басасыз.

-Безгә беренче нишләргә кирәк? Бик дөрес, алъяпкычларны киябез, җиңнәрне сызганабыз. Бер беребезгә булышабыз.

-Балалар, эшләгәндә куркынычсызлык кагыйдәләрен онытмыйбыз. Бер беребезне этеп җибәрмибез. Су белән ничек эшләргә кирәк? (Тукмәскә тырышырга)

2.Хезмәтне оештыру

Федора әби балалар янына барып  эшләрне күзәтә. Тәрбияче балаларга ярдәм итә, мактый.

Ф.-Сезнең эшләгәнне күзәтү миңа бик ошады. Балалар бик тырышлар, чиста эшлиләр.

-Федора әби, моннан сон син савыт сабаларыңны вакытында юып куй, оеңне тәртипләп тот инде. Балалар киңәш итеп сина мәкальләр әйтәләр,

Ялкаулык-хурлык, тырышлык-зурлык.

Тирләп эшләсәң, тәмләп ашарсың.

Эше барның, ашы бар.

Бүгенге эшне иртәгегә калдырма.

Калган эшкә кар ява.

Чисталык-сәламәтлек нигезе.

Ф.- Аңладым, балалар, рәхмәт сезгә. Сау булыгыз.

Рефлексия.

-Без бүген кемгә булыштык?

-Нишләдек? Нинди эшләр башкардык?

-Бүгенге кемнәргә сөйлисез?