Доклад на тему "Опей ырынын кижизидилгеге ужур-дузазы"
консультация
Предварительный просмотр:
Муниципальное дошкольное образовательное учреждение детский сад «Аян»
с. Самагалтай муниципального района «Тес-Хемский кожуун РТ»
Доклад на тему:
«Өпей ырынын кижизидилгеге ужур-дузазы»
Разработала воспитатель:
Iкв.кат: Дирчин С-С.С.
Самагалтай
Сорулгазы: Чаш уругнун кижизидилгезинин эге базымнарынын
бирээзи-опей ыры эгелээр деп кижизидикчи башкыларга дамчыдып илеткелди кылыр.
Кижизидилге өг-бүледен эгелээр. Шаанда бижик-билиг чок уеде, улуг улус чаа төрүттүнген бичи чаштарга өпей ырыларын ырлап берип, ийи, үш хар чедип чорда көгүдүглерни, тоолдарны ыдып берип чорааннар. «Өпей ырыны бичии уруг иезиниң иштинге-ле дыңнап эгелээр» - деп мерген чугааның утказы төрээн черниң аялгазы-биле кижи хининден тудуш дээни ол болур. Өпей ырыларның аялгалары тус-черниң агаар-бойдузу-биле дыка сырый овур-хевир талазы-биле харылзаалыг. Хову черниң - оожум, шөлээн, шала маажым. Даглыг чернин – өткүт чаңгылыг. Далай кыдыының – шаалааш делгем.
Ѳпей ырынын хевирлери; 1) Улустун аас-чогаалынын (фольклор) ѳпей ырылары – сѳзү болгаш аялгазы , чоннуу болур. 2) Литературлуг ѳпей ырылары – сѳзүн болгаш аялгазын чогааткан авторларлыг.
Ава-кижиниң аас-кежии – ажы-төлүнде дижир, өпей ырынын чаш уруглуг өг-бүле бурузунге дыңналыр ужуру – аас-кежиктиң ыдык-демдээ, амыдыралдың бурун чаялгазы.Чаа төрүттүнген чаш уруг бир-ле дугаарында өпей ырын дыңнаар ужурлуг. Өпей ырларың эдилекчилери болур иелер болгаш кырган-авалар үзүктел чок үелерниң дургузунда тааланчыг өпей ырларын чогаадып, салгалдан салгалче дамчыдып келген.
Узун хоюг оожум аялга бичи чашты оожуктуруп, удударының бир аргазы болуп, ооң-биле чергелештир ол ие кижиниң азыракчы аар үүлезин чиигедип, ооң буян-кежиин тудуп турар. Баштайгы айларда чаш уруг ава сөзүн билир шаа чок төлээде, ие кижи ырын бодунга хамаарылгалыг кылдыр ырлап, лириктиг монологту чаңгыс кижиниң чугааларын ажыглаар чораан. Ава кижи бодунуң тааланчыг аялгалары-биле шылап турупкан сагыш-сеткилин оожуктуруп ап чораан. Чоорту уруг өзерге аңаа билдингир овур-хевирлерни тып, ооң бөдүүн дылынга таарыштырган сөстерни чогаадып, аңаа чүве билир улуг кижи ышкаш хамаарылгазын илередир.
«Ѳпей» - дээрге «дуңмай» дээн уткалыг сос.
«Ѳпейлээр» - кавайны чайгавышаан, ѳпей ырыны ырлап бээри.
Чижелээрге:
1. өпей – өпей оой,
Өшкү саарым оой,
Увай-увай оой,
Улуг-сарыым оой.
- Опей,опей,оой
Опей уруум оой
Оору кор даан оой
Айнын чырыын оой
- Увай, увай,оой
Удуй берем оой
Удуп оскен оой
Кавайынны оой
Чаш кижи база-ла баштай өпей ырынын аялга болгаш аяныынга таалааш, удуй бээр турган болза, иениң эриг-баарлыг сеткилин, бөдүүн сөзүн, чугаазын чоорту шиңгээдип ап, боду долгандыр турар чурталга-биле таныжар.Утказының талазы-биле өпей ыры ие кижиниң ишти-хөңнүнүң сагыш- сеткилиниң, өөрүшкүзүн, муңгаралын чаш төлүнге ыныкшылын, идегелин илередир. Ооң-биле кады уругнуң авазынга ынакшылы оттуп, долгандыр турар бойдуска болгаш өске-даа чүүлдерге чоок болур.
Чаш уругну өпейлээри чүг-ле ава кижиниң хүлээлгези эвес. Шаандан тура ада кижи хөөмейниң тузазы-биле чаш уругну өпейлеп чораан.
Өпей ырыларын хөөмей-биле күүседир чорук – Тыва фольклорнуң онзагай талазы. «Ада сөзүн ажырып болбас, ие сөзүн ижип болбас» - деп үлегер чугаада айытканны дег, ада кижи ылаңгыя оол уругну кижизидеринге дорт киржир.
Амгы уеде өпей ырыларын колдуунда чогаадып-даа эдилеп-даа чоруур улустар болза кырган-авалар болур. Олар үзүктел чок үр уениң дургузунда тааланчыг өпей ырларның чогаадып салгалдан салгалче дамчыдып келген.
Мооң ужурундан 3-4 харлыг уруглар безин улуг улусту өттүнүп ойнаар-кызын чайгавышаан, өпей ырын ырлай бээри таварылга эвес.
Шаанда чамдык улус мынчага дээр «өпей ыры» дыңнап өскен уруг уян,муңгак, кээргээчел болу бээр. Ол кончуг шын. «өпей ыры» бичи кижиниң психиказынга болгаш өзүп доругарынга ол аялга эки салдарны чедирип, ие-биле чаштын сагыш-сеткилин тудуштуруп долгандыр турар кижилер – биле ынакшылын улгаттырар.
«Кижи болуру чажындан, аът болуру кулундан» - деп, үлегер домакта ханы утка сиңген.
Өпей, өпей, оой,
Өпей, уруум, оой,
Өвей, өвей, оой,
Чайгап ор мен, оой.
Увай, увай, оой,
Увайымны, оой,
Удуп өскен оой,
Кавайымны оой.
Өпей, өпей, оой,
Өпей, өпей, оой.
Өпееңни оой,
Өпей ырым, оой.
Овай, овай, оой,
Кавайымны, оой,
Удуп өскен, оой,
Кавайымны, оой.
Увай, увай, увай, оой,
Ээй, ээй, ээй
Бо ѳпей ыры сѳзү болгаш аялгазы -улустун аас-чогаалы (фольклор)
Бо литературлуг ѳпей ырылары – сѳзүн болгаш аялгазын чогааткан авторларлыг.
Приложение
Андрей Монгуш.
Опей ыры
Опей ырын, орук айтыр сылдыс болду
Озуп келгеш аялганны дыннап чор мен
Кужур авай буян болган авыралын
Хунчугеш дег эъдим-ханым чылдып чоруур
Айдын айдаа, аяс хундаа, кокур дээр даа
Авам сени сагындырып келгилээр дир
Ачы-буян чедиргенин чуу дээр ону
Авам сени чангыс катап оорткен болза
Карактарын корунгурун кайгаар дыр мен
Каяа даа бол мени коруп чоруур дег сен
Авам мени доруктуруп азырааштын
Ажыл-ишке эрес бол деп чагып чораан
Өпей ыры
Сөзү И.Медээчинии
Аялгазы А.Чыргал-оолдуу
Орай дүжүп, дээрде сылдыс четчи берген,
Ойнаар-кызың удуп чыдыр.
Өпей ырын чадаганнап ойнап бээйн,
Өлчей-кежиим, дыңнап алам:
Кончуг чараш чимистерлиг садывыста
Ховаганың удаан болгай.
Хар дег аккыр чоорган-биле шуглап каайн,
Кавайыңга дыштан, уруум.
Амыдырал, өөрүшкүнүң солун тоолун
Ачаң-биле ырлап берээл.
Чаагай өйде төрүттүнген мээң уруум,
Чассыгбайым, удуп көрем.
Улуг чолун Ада-чурттуң сагыш салган
Үжүүр мерген магалыг-дыр...
Чодураа дег карактарың шийип алгаш,
Чоргаар өзүп, дыштан, уруум.
Опей ыры
Опей ырын, орук айтыр сылдыс болду
Озуп келгеш аялганны дыннап чор мен
Кужур авай буян болган авыралын
Хунчугеш дег эъдим-ханым чылдып чоруур
Айдын айдаа, аяс хундаа, кокур дээр даа
Авам сени сагындырып келгилээр дир
Ачы-буян чедиргенин чуу дээр ону
Авам сени чангыс катап оорткен болза
Карактарын корунгурун кайгаар дыр мен
Каяа даа бол мени коруп чоруур дег сен
Авам мени доруктуруп азырааштын
Ажыл-ишке эрес бол деп чагып чораан
Өпей ыры
Сөзү И.Медээчинии
Аялгазы А.Чыргал-оолдуу
Орай дүжүп, дээрде сылдыс четчи берген,
Ойнаар-кызың удуп чыдыр.
Өпей ырын чадаганнап ойнап бээйн,
Өлчей-кежиим, дыңнап алам:
Кончуг чараш чимистерлиг садывыста
Ховаганың удаан болгай.
Хар дег аккыр чоорган-биле шуглап каайн,
Кавайыңга дыштан, уруум.
Амыдырал, өөрүшкүнүң солун тоолун
Ачаң-биле ырлап берээл.
Чаагай өйде төрүттүнген мээң уруум,
Чассыгбайым, удуп көрем.
Улуг чолун Ада-чурттуң сагыш салган
Үжүүр мерген магалыг-дыр...
Чодураа дег карактарың шийип алгаш,
Чоргаар өзүп, дыштан, уруум.
По теме: методические разработки, презентации и конспекты
Ада-ие хуралынын темазы: "Ог-буле кижизидилгезинде куш-ажылдын мозу-шынарнын тургустунарынга ужур-дузазы.
Родительское собрание о влиянии труда детей в семье на формирование нравственно-волевых качеств....
Доклад - выступление на научно-педагогической конференции для специалистов занимающихся с детьми с ограниченными возможностями здоровья. Тема доклада - Народная игра в музыкальном развитии детей с ОНР
Мы все без исключения желаем видеть своих детей здоровыми, счастливыми улыбающимися, умеющими общаться с окружающими людьми. Но это не всегда получается. Особенно сложно дет...
ДОКЛАД- ПРИЗИНТАЦИЯ ДОКЛАД
1слайдФормы и методы работы с родителями и детьми по экологическому воспитанию2слайднастоящее время проблемы экологического воспитания вышли на первый план, и им уделяют все больше внимания. Почему эт...
Доклад к семинару «Формирование коммуникативных навыков дошкольников в процессе игры ». Тема доклада: «Становление социально-коммуникативных умений посредством культурных практик».
С выходом Федерального государственного образовательного стандарта дошкольного образования особое внимание уделяется различным видам детской деятельности и решению задач ...
Доклад ДОКЛАД на тему: « ИСПОЛЬЗОВАНИЕ ПРОЕКТНОЙ ДЕЯТЕЛЬНОСТИ В ПРОЦЕССЕ ФОРМИРОВАНИЯ ЭЛЕМЕНТАРНЫХ ПРЕДСТОВЛЕНИЙ О ПРАВИЛАХ БЕЗОПАСНОСИ ЖИЗНЕДЕЯТЕЛЬНОСТИ У ДЕТЕЙ ДОШКОЛЬНОГО ВОЗРАСТА» .
Ни для кого не секрет, что сложившаяся социальная и экологическая обстановка вызывает беспокойство у людей всей планеты. Особую тревогу мы испытываем за самых беззащитных граждан – маленьких дет...
