Круглый стол «Юрта – священное жилище тувинцев». (Кидис ог – тыва кижинин ыдыктыг оран – савазы )
проект по теме

Делегейде 6 дип бар. Оларнын эн-не улуу – Азия. Азиянын таптыг – ла дал ортузунда бичии чуртту Тыва дээр. Тываларнын торээн чуртту ол.Тыванын девискээри оске чурттарга бодаарга улуг эвес. Ынчалза – даа бойдус талазы – биле эн-не бай – байлак.Тывада бойдустун чайгаар буткен кандыг чурумалдарын чок дээр: монге доштуг менгилер – биле шыптынган дендии бедик суур даглар, аннын – куштун ораны болур элегер кок эзим – аргалар, чиргилчинниг херии делгем ховулар.

А хемнер болгаш холдер? Делегейде эн арыг, эм шынарлыг суглуг хемнер , холдер чуг-ле Тывада дизе хоорем чок..Делгем Сибирьнин эн улуг хеми – Енисей (Улуг – Хем) Тывадан эгезин алгаш, аттыгып баткан.

Богун бистин ыраажыларывыс, хоомейжилеривис, даш чонукчуларывыс, могелеривис болгаш спорттун оске – даа хевирлеринге мастерлер бичии Тывавысты делегей деннелинче ундур алгап – мактап чорууру кончуг оорунчуг.

Шак мындыг мактап ханмас каас – чараш оранывыстын ээлери кымнарыл ынчаш?  Ийе, кижилер болбайн канчаар. Ундезин тыва кижилер, оске – даа аймак – соок чоннарнын толээлекчилери – биле эп – найыралдыг акы – дунмалышкы бооп чурттап чоруурлар.

Тыва кижини торээн бойдузу – биле, чери – биле, торел чону – биле эн чоок харылзаштырып чоруур сузуглеливис – кидис оовус болгай.

 «Кидис ог – тыва кижилернин  шаг – шаандан бээр эдилеп , ажы – толун азырап –остуруп чораан ыдыктыг оран – савазы»- деп чувени 2010 чылда Делегей чергелиг симфозиумга бадыткап каанынга канчап чоргаарланмас бис. Ол дугайында «Кидис оом» деп шулукте мынчаар бижээн:

Чажывыстан тура биске

Чаглаавыс бооп чылдып чораан

Каас – коя эвес – даа бол

Хайыралыг оом кончуг

Ылым чашты кавайлааштын

Ынаазынга чайгап, аадып

Ынак толу анаа оскен

Ыдыктыг – ла кидис оомну!

Ээн калган хонажымда

Эге базым кылган черим

Эрги оомнун орнун безин

Эргип барып коруксээр мен

Дынгылдайны дыннап оскен

Дыттыг, поштуг торээн черде

Тыва кижээ кидис оо дег

Дыка эргим чуу – даа турбас

Бурун тыва огбелеривистин ,кидис оонге чурттап чорааш, ажы – толун кижизидеринге хамаарыштыр сагып чораан дурумнери амгы бо шагда – даа мозу – будуш кижизидеринин кол озээ болуп турар:

1.Чурттап турар аал – оранынга, аалчы кижиге хамаарышкан дурумнер

* Аалга баргаш кирерде боо, кымчы тудуп болбас

* Аалга баргаш, аалдын дожээнге олурбас

* Аалчыларга ширтек чадар

* Бут кырынга чуве ишпес

* Аалга дискектенип олурар. Оол кижи солагай будун адаанче салыр, херээжен кижи он будун адаанче салыр.

* Херээжен кижи суугу, изиг – демир мурнунга эпчок олурарга кончуг багай

* От дескинмес.Чижээ, херээжен кижи бодунун чартыындан киргеш, дедир унер

* Отка бок уруп болбас. От бужартаар.

* Отка чажыг чажар

* Арага, шайны дорже корундур кудар, эжикче корундур кутса, уне бер дээн уткалыг

* Баганалыг огге багана аразындан шай, арага бербес. Багананын артындан бээр.

2.Огге улуг улусту хулээп алыры

• Аал коданындан уткуп алыр
• Аалчынын аъдын баглаашка баглаар
• Огнун эжиин ажыдар: «Дор бажынче эртинер» - деп чалаар. Аъш чем , шай кудар. Оремелиг, саржаглыг далган – тараны, боованы, боорзакты салыр.
• Быдаа кылып , эът дулер
• Хундулээн ада – огбелеринге хой догерип, изиг – хан чиртир, ужа – тош салыр.

3. Ог – буле чуруму

• Дор бажынын сыртык талазынга ( он талазы) – эр ээзи олурар
• Дожек баарынга херээжен кижи, уруглары олурар
• Дожек бары – биле оске кижи эртпес, олурбас
• Оске келген кижилер чуък баарынга олурар, дорже эртпес
• Дорге огнун бичи уруглары ойнаар
• Уруглар улуг улус чугаазы узе кирбес

4. Аалчыны удээри

*  Эжиктен ундурер , ыдын «ай» -дээр

*  Аътты баглаажындан чежер

*  Аъткарып, ундур удээни ол

*  Аалдан аъттангаш, оожум чортуп унер

5. Тыва кижинин сагыыр ужурлуг мораль- этиктиг дурумнери , сагылгалары

• Улуг улустун мурнундан эртпес. Адын адавас
• Ог-буле тутпайн чыткаш таакпылавас, арага ишпес
• Улуг улустун чугаазынга киришпес
• Адазы сал чокта, оглу сал чок болур. 40 хар ашкаш сал ундуруп болур
• Улуска чуве бээрде 2 холдап бээр. Алган улус 2 холдап алыр.
• Бижекти, хачыны шиш бажын угландыр бербес
• Хачынын аксын ажык кылдыр бербес
• Ийи бижекти шалыштырбас. Бижекти суугуга шалывас.

6. Тыва кижинин бойдуска хамаарыштыр сагыыр ужурлуг чуулдери

• Савага сут куткан соонда, суг кутпас
• Эр улус черге чорааш, чес паш – биле суг успас. Хымыш – биле узуп алыр
• Кара сугнун бажынга, булак кыдыынга албаннаарын шуут хоруур. Кара суг бажынга аал хонмас, суг бужартатпас.
• Агым сугга хир чугбас
• Ай куду, хун куду коруп чиигевес
• Чер даянмас, чер чуктевес, кижи черни угбас
• Бижек – биле черни каспас, черни хундулээр
• Черге кижини хооп чоруур , ынчангаш, черни шыйып, казары багай
• Кожерде кадап каан чуулдерин уштуп алыр, чер шылатпас

Эрте – бурун шагдан амгы бо хуннерге чедир тыва кижилернин ыдыктыг эдилеп чорууру кидис оовус ажыл – амыдыралывыстын аайы – биле делегейнин кайы –даа чугунге чорзувусса сагыызын дег сагындырып кээри оорунчуг. Ол дугайында  «Авам мени манап орар»  -деп ырнын созуглелинде тода бижиттинген

1.Ондур бедик даглар куржаан

   Оскен- торээн мээн черим

   Остуруп каан ынак авам

   Оонде мени манап орар

2.Авайымнын ай дег ак оон

   Алдын хунум чылдып хунзээр

   Ааттынган кавайымны

   Авам кужур камнап чоруур

3. Частын башкы айы –биле

    Чанар куштар келир душта

    Чылыг шайын кудуп алгаш

    Сындан авам харап хунзээр

4. Ушкан куштар шаа – биле

    Уруглары база чанып кээр

    Эскен шайын чылдып кудуп

    Эргим авам манап орар