Шар, цилиндр, куб.
план-конспект занятия по математике (старшая группа) по теме

Тема: “Куб, шар, цилиндр.”

Максат: 

• балаларда күләмле фигуралар: шар, куб, цилиндр турында күзаллауны ныгыту;
• бирелгән үрнәкләргә ошатып кечкенә модельләрен ясауны күнектерү;
•  ишетеп санауны камильләштерү.
• хәтерне, логик фикер йөртүне, иътибарны, мөстәкыйльлекне, моториканы үстерү;
• чисталыкны, пөхтәлекне, төгәлекне тәрбияләү.

Җиһазлау: шар, цилиндр, куб фигураларының төрле зурлыктагы модельләре, карточкалар, түгәрәк төймәләр, пластилин, такта, салфеткалар.

Шөгель барышы:

1. Кереш өлеш. Балалар, бүген без сезнең күбегезгә инде таныш булган фигуралар турында сөйләшербез. Аларның сезгә әле таныш булмаган яклары белән танышырбыз. (Һәр өстәлдә өч төрле фигура куеган). Алдыгыздагы фигураларны атагыз.

 Балаларга шар, цилиндр, кубны үзара чагыштырырга бирелә. Нинди сыйфатларга ия, өслектә тотырыклыгы, тәгәрәве һ.б.

2. Таратыласы материал белән эшләү. Баларга тормышта кулланыла торган әйберләрнең сурәтләре күрсәтелә, алар бу әйберләрнең формалары белән нинди геометрик фигураны хәтерләткәнен әйтергә тиеш.
3.  Ишетеп санау. -Балалар без хәзер ишетеп санауны исебезгә төшереп алыйк әле. Өстәлдә түгәрәк төймәләр. Балалар күзләрен йомып ничә шакуны саныйлар, тәрбияче әйткәч шаку саны кадәр төймәне санап алалар. Тәрбияче дөреслекне тикшерә.  
4. Физкультминутка.

• куллар билдә, аяклар бергә, 5 тапкыр урында сикерү. (туп);
• куллар өстә, аяклар бергә урында үз тирәли 3 әйләнеш ясау. (цилиндр);
• куллар өстә, аяклар бергә, тәрбияче әйткәч чүгәләп аякларны кочарга, 2 таркыр (куб).

5. Йомгаклау.  Пластилин белән эшләү.

Балалар пластилин белән шар, цилиндр, куб фигуралары ясыйлар.