Учимся играя.
консультация по теме

Уйный – уйный өйрәнәбез.

(тәрбиячеләр өчен чыгыш)

Мәктәпкәчә яшь ул – баланың көчле үсү һәм камилләшү, беренчел белемнәр алу чоры. Әлеге әһәмиятле чорда бала үзен чолгап алган тирәлекне, тирә- юньдәге күренеш һәм предметларны таный белә; анда әйләнә- тирә дөнья турында башлангыч белемнәр системасы формалаша.

Бу чор – баланың шәхес буларак тәрбияләнүенә беренче адымнар салынган җаваплы чор. Балага кызыксынучанлык хас. Баланың кызыксынулары уен аша формалаша.

 Уен барышында бала төрле һөнәр һәм шөгыльләр турында мәгълүмат ала, кечкенәдән шул эшләргә гадәтләнеп үсә.

Балалар өчен уен ул – белем алу, мәгълүмат туплау, хезмәт һәм шул ук вакытта иң әһәмиятле тәрбия чыганагы да. В.А,Сухомлинский уенның роле турында: “Уен – кызыксыну һәм белемгә омтылу утын кабыза торган очкын ул”, - дигән.

 Балаларның яшь үзенчәлекләренә , кызыксынуларына туры килгән уеннар ярдәмендә аларны аңлы, зирәк, җаваплы, бер- берсенә, өлкәннәргә карата мәрхәмәтле, тырыш, сәләтле, шәхесләр итеп тәрбияләргә мөмкин.

Уен – акыл чыганагы. Баланың зиһенен, хәтерен ныгытуга юнәлдерелгән уеннар аша акыл тәрбиясе алып барыла.  

 Иң мөһиме – уен барышында балалар бер-берсе белән аралашалар.

Ә балаларны татар телен аралашу чарасы буларак өйрәтү – без, татар теле тәрбиячеләренең, иң төп бурычы.  

Шушы бурычны истә тотып, балаларны татар теленә өйрәтү эшчәнлекләрендә уеннарның төрле формаларын кулланам:

• сүзле уеннар;
• дидактик уеннар;
• өстәл, лото уеннары,
• бармак уеннары,
• сюжетлы-рольле уеннар;
• җырлы-биюле уеннар,
• хәрәкәтле уеннар;
• театральләштерү, сәхнәләштерү,
• уен-эстафета.

Балаларның сүзләрне дөрес әйтергә өйрәнүләренә, сүз запасларын арттыруда, сөйләмне үзләштерүләрендә -  сүзле, дидактик, өстәл, лото  уеннарының әһәмияте әйтеп бетергесез. Лото уеннары, гадәттә,парлап, төркемләп уйнала.Андый уеннарда балаларның уй йөртү осталыклары арта, сүзлек запаслары баетыла.

Слайдлар: № 13,14,15,16,17,18,19,20,21,22,23

Сюжетлы-рольле уеннар уйнаганда балалар ягымлы сүзләр әйтү, исәнләшү, саубуллашу, сорап алу, тәкъдим итү, кыскасы – аралаша белү күнекмәләрен алалар.

Слайдлар: № 24,25

Җырлы-биюле, хәрәкәтле уеннар уйнап, балалар сүзләрне тизрәк үзләштерәләр. Алар бу уеннарны яратып, эшчәнлекләрдән тыш та уйныйлар (режим моментларында, бәйрәм кичәләрендә).

Слайдлар: №.26,27,28,29,30,31

Театральләштерү, сәхнәләштерү.

Слаидлар: № 33,34,35

Иптәшләре – яшьтәшләре белән аралашу(үстерешле диалоглар).

Слайд:.№ 36

Уен – эстафета.

Слайд:№ 37,38

Уеннар зшчәнлекләрне күңелле итеп үткәрергә ярдәм итәләр.

Иң мөһиме – бала уйнаганда телне өйрәнә, үзенең җитди хезмәт белән шөгыльләнгәнен сизми дә кала.