Проектная работа во второй младшей группе "Минем гаиләм"
проект (младшая группа) на тему

Ягафарова Г.И., тәрбияче,

Түбәк Кама шәһәре,

МБДОУ д/с №1

Икенче кечкенәләр төркемендә «Минем гаиләм» темасына проект эше.

Аңлатма язуы.

Хәрбер кешегә үзенең төп чыгышы , әби-бабаларының кем булуы, үзенең  чын “кече Ватаны” кайда икәнлеген белү бик кызыклыдыр, мөгәен. Мин кайда туганмын? Беренче карашта бу сору бик гади тоелса да, чынлыкта исә бик тирән мәгънәгә ия. Үзеңнең тамырларың, нәселең, үткәнең турында кызыксыну – бу һәр кешенең канында булырга тиеш.

Гаиләдә кешенең тормышы башлана, кеше шәхес булып  формалаша. Гаиләдәге мөнәсәбәтләр, билгеле булганча, кеше күңеленә гомерлек эз салып калдыра; мәхәббәт дигән олы , бөек хис тә иң беренче нәкъ менә гаиләдә барлыкка килә. Ата-анага мәхәббәт, ихтирам хисе бала тормышында киләчәктә дә , аның алдагы язмышында да мөһим роль уйный. Балаларны туган халкыбызның үткәне, әби-бабаларыбызның гореф-гадәтләре, гаилә шәҗәрәсе, йолалары һәм бүгенге тормыш белән таныштыру зарур. Гаилә шәҗәрәсен алып бару, нәселнең абруе турында кайгырту – тарихи узаң, халкыңа хөрмәт, мәхәббәт тәрбияләүнең  бер юлы.

Проектның актуаллеге.

Мәктәпкәчә чор – патриотик хисләр, шул исәптән әти-әни, әби-бабай, туганнарга, ягъни гаилә әһелләренә мәхәббәт тәрбияләү өчен иң уңай период булып санала. Шушы чорда иң әһәмиятле әхлакый сыйфатлар формалаша. Икенче кечкенәләр төркемендә балаларның  гаилә турында күзаллаулары әле формалаша гына башлый. Балалар, күп очракта үзләренең гаиләләре турында аз беләләр: мәсәлән, “әни” һәм “әнинең исеме” төшенчәләрен аермыйлар, әти-әниләренең кайда эшләүләрен, әби-бабайларының  кем булуын белмиләр, туганлык мөнәсәбәтләрен – кем олы, кем кече икәнен аңламыйлар.  

Әлеге проект – гаиләнең кеше тормышындагы роле турында уйланырга мәҗбүр итүче искиткеч сәбәп булып тора.  Проект буенча эшләү баланың шәхес булып үсүенә зур йогынты ясый, балаларда үзләре турында кайгыртучы туганнарына карата уңай мөнәсәбәт формалаштырырга ярдәм итә.

Проектның максаты: балаларга гаилә турында төшенчә бирү,  әти-әниләренә, туганнарына карата ярату, хөрмәт итү, үзара аңлашып яшәү хисе тәрбияләү.

Бурычлары: балаларны  “гаилә”, “исем”, “фамилия” төшенчәләре белән таныштыру; балаларның әти-әниләре, туганнары турындагы белемнәрен ачыклау; балалар, әти-әниләр, туганнар арасында яхшы мөнәсәбәтләр булдыруга юнәлтелгән шартлар тудыру; ата-аналарда балалар белән актив рәвештә бердәм эшчәнлек алып барырга омтылыш  уяту;балаларның аралашу, коммуникатив осталыкларын устерү.

Көтелгән нәтиҗәләр: балалар үз туганнары турында күбрәк беләчәкләр.Балалар һәм әти – әниләр арасындагы якынлык тагы да ныгытыла, алар бер-берсенә карата уңай мөнәсәбәттә булачаклар.  Балалар гаилә әгъзалары арасындагы туганлык мөнәсәбәтләрен дөрес итеп әйтергә өйрәнәчәкләр. Ата – аналарда балалар бакчасы белән үзара мөнәсәбәтләрне дәвам итү теләге барлыкка киләчәк.

Проектта катнашучылар: балалар,  тәрбиячеләр, ата-аналар.

Проект дәвамлыгы: 9 ай.

Проектны оештыру формасы:

1. Балалардан сорау-җавап алу.
2. Белем бирү эшчәнлеге.
3. Сюжетлы-рольле  һәм дидактик уеннар.
4. Балалар эшләреннән күргәзмә оештыру.
5. Әти-әниләр өчен консультацияләр.
6. Фотокүргәзмә.
7. Альбом ясау.
8. Ата-аналар җыелышы.
9. Ата-аналардан анкета алу.

Җиһазлау:компьютер, магнитофон, фотоаппарат, мультимедиа, уеннар өчен атрибутлар, күрсәтмә материаллар.

Проектны тормышка ашыру этаплары:

I этап – әзерлек: 

1. Балалардан сорау-җавап алу.
2. Ата-аналардан анкета алу.
3. Максат һәм бурычларны билгеләү.
4. Проектны тормышка ашыру өчен уңай мөһит булдыру.

II этап – төп (практик) этап:

1. Баларның гаилә турында белемнәрен арттыру максатында тәрбия һәм белем бирү эшендә эффектив ысуллар һәм алымнар куллану.
2. Ата-аналар өчен консультацияләр әзерләү: “ 3-4 яшьлек балаларның яшь үзенчәлекләре”, “Баланың  гаиләдәге урыны”, “ Дидактик уеннарның роле”, “Гаилә тәрбиясендә ялгышлар”,”Гаиләдә ата тәрбиясе”
3. Күргәзмәләр оештыру: “ Бакчабызда үстердек”, “Алтын куллы әнием”, “Ир кешегә җитмеш төрле һөнәр дә аз”.
4. Фотокүргәзмәләр оештыру: “Минем гаиләм”, “Минем әби-бабайларым”, “Әнием – иң якыным”, “Оста куллы әтием”.
5. Балалар эшләре буенча күргәзмә оештыру: “Минем гаиләм”, “Кадерле әнием”
6. Бәйрәм иртәләре оештыру :“Әтиләр бәйрәме” ,“Әнием – иң кадерлем, син, минем”

7.     Әти-әниләр һәм балалар белән берлектә сюжетлы-рольле уеннар өчен атрибутлар әзерләү.

  8.    Тема буенча тәкъдимнәр , методик материаллар туплау.

III этап – йомгаклау:

1. Проектны тормышка ашыру буенча нәтиҗәләр чыгару.
2. “Гаиләдән дә кадерлерәк нәрсә бар?” темасына ата-аналар җыелышы уздыру.
3. Ата-аналар һәм балалар белән берлектә гаилә шәҗәрәсен ясау.

Проектны тормышка ашыру планы.

Кулланылган әдәбият:

1.Веракс Н.Е “От рождения до школы” программасы

2.Закирова К.В. “Балалар бакчасында әдәп-әхлак тәрбиясе”

3.Мирзахова Н.Р. “Мин бәхетле гаиләм белән

4.Хазратова Ф.”Туган телдә сөйләшәбез”