“Кисәтүче юл билгеләре иленә сәяхәт” Мәктәпкә әзерлек төркеме
план-конспект занятия по обж (подготовительная группа)

“Татарстан Республикасы Кайбыч муниципаль районы  

 “Миляшкай” Олы Кайбыч балалар бакчасы” МБМББУ

Тема: “Кисәтүче юл билгеләре иленә сәяхәт”

Мәктәпкә әзерлек төркеме

Белем бирү өлкәләре: танып белү үсеше, физик үсеш, сөйләм үсеше, социаль-коммуникатив үсеш

Балалар эшчәнлегенең төрләре: уен коммуникатив, тәҗрибә аша танып белү, хәрәкәт эшчәнлеге

Максат:

1. балаларда урамда, юлда үз-үзләрен дөрес тоту, бер-берсенә игътибарлы булу, юл йөрү кагыйдәләрен ныгыту һәм аларны куллана  белүне тәрбияләү; “кисәтүче”  билгеләр белән танышуны дәвам итү;

2. балаларның иҗади активлыгын, фикерләү сәләтен үстерү;

3. транспорт төрләрен аера беләргә, аларны чагыштырырга, бирелгән сыйфаты буенча төркемнәргә аерырга өйрәтүне дәвам итү, ребуслар чишү осталыгын үстерү.

Җиһазлар: Транспорт, транспорт йөртүчеләр рәсемнәре, юл билгеләре рәсемнәре, интерактив такта, слайдлар

Эшчәнлек барышы.

Тәрб: Балалар. әйдәгез әле иң беренче булып бер-беребезгә хәерле иртәләр телик:  “Хәерле иртә алсу таңнарга!

              Хәерле иртә зифа талларга!

              Хәерле иртә хәммәбезгәдә,

              Хәерле иртә үзебезгәдә!”

Булдырдыгыз балалар! Бүген мин сезне “Кисәтүче” юл билгеләре иленә сәяхәткә чакырам, барасыгыз киләме?

Балалар: ....

Тәрб: Әйтегез әле балалар, сәяхәткә ничек һәм нәрсә белән барып була?

Б-р: ...(балалар транспорт төрләрен әтәләр)

Тәрб: Эйе, бик дөрес уйлыйсыз, ерак сәяхәткә чыгып китер өчен безгә транспорт кирәк. Әйдәгез әле, балалар, искә төшереп алыйк, нинди транспорт төрләрен беләбез икән без?

Б-р:.... (су юлы транспорты, һава юлы, җир өстендә йөрүче транспорт, һәм җир асты транспорты)

Тәрб: Бик дөрес балалар. Ә хәзер мин сезгә уен уйнап алырга тәгдим итәм. Уен “Нәрсә артык? Ни өчен?”- дип атала.

Уен үткәрелә интерактив такта ярдәмендә. Слайдларда транспорт төрләре сүрәтләнгән, арада бер транспорт төре туры килми, балалар шул транспорт төрен сайлап алып, ни өчен туры килмәгәнен аңлатып бирәләр.

Тәрб: Сез бик зирәк  акыллы балалар, җавапларыгыз барсы да дөрес булды. Әйдәгез әле бергәләп ял итеп алыйк. Мин сезгә табышмаклар әйтәм, ә сез җавабын йөреп, яисә хәрәкәт белән күрсәтерсез.

1. Канаты бар -  җилпеми                          2. Ат түгел, кешнәми

Эче җылы – җил тимию                            Йөз аттан ким эшләми.

Кырыч йөрәкле кыш ул,                            Үзе “тыр” да “тыр”

Безнең яраткан дус ул.                               Кем әйтер?

                        (Самолет)                                           (Трактор)

Тәрб:  Менә ял да  итеп алдык, бик күңелле булды. Балалар тик транспорт үзе генә хәрәкәтләнми бит, аны кем дер йөртә. Әйдәгез әле үзебезне сынап карыйк, йөртүчеләрне беләбезме икән. Мин транспорт исемен әйтәм, ә сез кем шул транспортны йөртә икәнен. Башладык.

• Тракторны кем йөртә ?   (тракорчы)
• Поездны ?                        (машинист)
• Самолетны ?                    (очучы )
• Параходны ?                    (капитан)
• Комбайнны?                   ( комбайнчы)
• Автомобильны?             (шофер, йөртүче)

Тәрб: Булдырдыгыз балалар. Без инде сәяхәткә барырга әзер. Сез транспорт төрләрен дә, кем аларны хәрәкәтләндерә икәнендә бик яхшы беләсез. Сәяхәткә без сезнең белән паровозга утырып барабыз. Әзерләндек , юлга кузгалабыз!

Җырлы уен “Паравоз”

Тәрб: Менә без килеп тә җиттек. Күрегез әле балалар, юл билгеләренә нәрсәдер булган бит. Алар буталып беткәннәр (кисәтүче , күрсәтмә бирүче һәм тыючы билгеләр буталган). Игътибар белән карагыз әле бу юл билгеләренә, алар нинди геометрик фигураларга ошаганнар?

Б-р: ...(өчпочмак, түгәрәк, турыпочмак).

Балалар тәрбияче белән юл билгеләрен аералар. Юл билгеләрен кайсы нәрсә аңлатканын искә тешерү,  кисәтүче билгеләрне аерып алып  нәрсә аңлатуын һәм кайсы җирдә куелганын ачыклау.

Тәрб. Балалар , юл билгеләре  булышкан өчен безгә бик зур рәхмәт әйтәләр! “Тагын кунакка килегез, көтеп калабыз, ә инде юлда безне очратканда карамый үтеп китмәгез” – дип әйттеләр. Хәзер инде балалар кире кайту юлын карарга кирәк. Нәрсә белән кайтырбыз икән? Самолет белән очасыгыз киләме?

Җырлы уен: “Самолет”  (Чударики) (уен башланыр алдыннан балалар белән транспорта үз-үзеңне тоту каыйдәләрен искә тешерү, каеш белән ләктереп куерга кирәклеген искә тешерү)

Тәрб. Менә без кайтып та җиттек сезнең белән. Сәяхәткә бару сезгә ошадымы? Нинди юл билгеләре турында белем алдык без, кайсы юл билгеләрен коткардык? Ничек уйлыйсыз, юл билгеләрен белү кирәкме? Ни өчен?

Балалар, сез бүген бик актив булдыгыз, тырышып җаваплар бирдегез. Рәхмәт сезгә. Шулай ук юл билгеләре де сезгә рәхмәтләрен белдерәләр, һәм сезгә бүләккә “Юлда йөру кагыйдәләре” дип аталган мультфильм җыентыгын бүләк итәләр.