“Математика шөгылендә тапкырлар иленә сәяхәт” (мәктәпкә хәзерлек төркеме әти-әниләр җыелышында ачык шөгыль)
план-конспект занятия по математике (подготовительная группа) на тему

     “Татарстан Республикасы Саба  муниципаль районы ш.т.б. Байлар Сабасы гомуми үсеш бирүче төрдәге Саба №2 “Әллүки” балалар бакчасы” мәктәпкәчә белем муниципаль  бюджет  учреждениесе

“Математика шөгылендә  тапкырлар иленә сәяхәт”

(мәктәпкә хәзерлек төркеме әти-әниләр җыелышында ачык шөгыль)

                                                                      1 нче квалификацион категорияле

                                                  тәрбияче Солтанова Гөлшат

                             Гаптелхай кызы

                                               -2018-

Тапкырлар  һәм математика иленә сәяхәт.

Максат:Шакмаклы дәфтәр битенә тәрбияче әйтүе буенча төрле геометрик фигуралар төшерергә өйрәтү; кәгазь битенен ун,сул,аскы,өске якларын дөрес атау; 20 кадәр санау күнекмәләрен ныгыту; атна көннәрен, ел айларын кабатлау, арифметик мәсьәләләр чишәргә өйрәтүне дәвам итү.  Балаларның тапкырлыгын үстерү.                                                            

 Җиһазлау:Чәчәкле алан ,чишмә рәсеме, математик биремнәр, дәфтәрләр,карандашлар.                                                                                                

Шөгылбарышы:                                                                                                  Тәрбияче: – Балалар, быел мәктәпкә укырга барырсыз. Сез анда төрле фәннәрне өйрәнә башларсыз. Математика дигән бик кызыклы фәнне дә өйрәнерсез. Мин бүген сезне, балалар, математика иленә сәяхәткә чакырам. Барасыгыз киләме? Без анда нәрсәгә утырып барырбыз икән? (Тактага эленгән кәгазьгә күрсәтә). Балалар, менә монда ниндидер саннар язылган. Шул саннарны тәртип буенча тоташтырып карыйк әле. (Балалар саннарны тәртип буенча тоташтыралар). Нәрсә рәсеме килеп чыкты, балалар? (Самолет).Тәрбияче: – Без бу самолетка  утырып, математика иленә очарбыз.. Сез ризамы? Ничә бала бара икән сәяхәткә ,Адил балаларны санап чык әле. (Балаларны саный).Алг а саныйбыз һәм кирегә)Тәрбияче: – Балалар, самолетка  утыру өчен безгә билетлар кирәк булачак. Мин сезгә менә мондый билетлар әзерләдем. (балаларга геометрик фигуралар рәвешендә билетлар тарата).Тәрбияче: – Балалар, билетларның икенче ягын карагыз әле. Анда сезнең номерларыгыз язылган. Ягез, шул номерлар буенча тәртип белән тезелик әле. (Балалар тәртип номеры буенча тезелә). Әйдәгез, самолетка  утырыйк та, сәяхәткә кузгалыйк, балалар. Хәерле сәгатьтә!Самолет тавышы ишетелә ишетелә. Балалар ишкәкләр белән ишү хәрәкәтләре ясыйлар.Тәрбияче: – Балалар, карагыз әле, алда ниндидер утрау күренә. Без юл тоткан математика иле шунда түгелме икән?

Табышмаклар чишү:

1. 4 ягы да бертигез,

4 почмагы да туры.

Я әле, әйтеп кара,

Бу нинди фигура? (Квадрат)                                                                                                

2.Аны бик тиз танырсың син,карау белән                                                                              Чөнки өч почмагы, өч яны, өч очы бар,                                                                                Һәм бу аңа бик ошый, чөнки ул…(өчпочмак)                                                                                  

Балалар без саннар турындагы биремнәрнедә эшли алырбызмы.Тынлагыз.                                                                                                              1.Керпе гөмбәгә барган 
9 ак гөмбә тапты 
3 не бирде тиенгә 
Калганын кәрзиненә. 
Керпе ничә гөмбәне кәрзиненә салган ? (Балаларның җаваплары тыңлана) 
2. 7 малай урамга 
Чыкты футбол уйнарга 
3 әү килде тагын да 
Исәплә син барын да! 
3.Ак каенда 3 чыпчык 
Түбәдә 5 сыерчык. 
Әйтмәс микән берегез, 
Барысы ничә кошчык                                                                                                                                               4.Куян янына дусты килде,                                                                                                  Куян дустын кишер белән сыйлады                                                                                            Икешәр кишер ашадылар                                                                                                                          Күпме булды барысы?(дүрт)                                                                                                        5.Тавык урамда йөри,                                                                                                                                                                      Чебиләрен ияртеп.                                                                                                                                Җидесе алдан чаба,                                                                                                                           Өчесе артта кала                                                                                                                                                   Бик борчыла тавык,                                                                                                                            Саный алмый һич.                                                                                                                       Ничә чебие булган,                                                                                               Югалмаганнардыр ич?(ун)                                                                                               Физминутка”Чебиләр зарядкасы”                                                                                             -Тукталышка килеп тә җиттек.(чәчәкләргә күмелгән алан рәсеме.)

“Булсаң зирәк - әйт тизрәк”.Бирем( Логик фикерләү):Без кайсы республикада яшибез?(Татарстан) Хәзер кайсы ел вакыты? Туган авылыбызның исеме ничек?Нинди ай? Бер елда ничә ай? Ничә ел фасылы бар?Бер атнада ничә көн? Бүген атнаның ничәнче көне?7 нче көннең исеме? Без кайсы төркем балалары?Мәктәпкә кайчан барабыз,?

Тәрбияче:Балалар, нинди матур чәчәкле  алан?Сез кузалдыгызда кайсы ел фасылын курәсез,әйдәгез шушу чәчәкләрне  санап мисалларны чишәбез.Саннарны чагыштыру. (<; >; =)                                     Биремнәр:1)Мисаллар чишү.2+1; 1+2; 2+2; 3+1; 8-1; 10-2; 4+3; 6+3; 4-3; 7-2; 5+5;                                                 Тәрбияче:Менә, балалар, без беренче тукталыштагы барлык биремнәрне үтәп чыктык. Юлыбызны дәвам итәбез.

Физкультминутка ”Утырып ардык” 
Утырып инде ардык, бераз ял итеп алыйк. 
Кулларны билгә куеп , башларны чайкап карыйк. 
Куллар билгә, өскә, янга, утырып торып алыйк. Кушаяклап сикерик тә, урыннарга җырлап барыйк

Тәрбияче: Дәфтәр битен алыгыз, “Кәгазь битендә ориентлашу”.буенча биремнәрне эшлибез

Тәрбияче: Кәгазь битендә шушы фигураларны ясагыз.Кәгазь уртасына – өчпочмак, өчпочмактан уңда – квадрат, сулда – турыпочмаклык, турыпочмаклык өстендә – овал, өчпочмактан өстә – түгәрәк, квадраттан аста – трапеция,өчпочмактан аста – ромб.аның өске уң ягына үзегезгә ошаган геометрик фигураны сызыгыз, булдымы? Шуның иң уртасына бүген үзегезгә тиешле  смайликны урнаштырыгыз, куегыз. (Үз-үзеңә бәя кую. Шөгыльгә нәтиҗә ясау.) 

Тәрб.Булдырдыгыз. Хәзер кире  кайтабыз .Менә балалар, туган ягыбыз буйлап сәяхәтебез төгәлләнде. Сезгә сәяхәт ошадымы? Кайсы тукталыш аеруча ошады? Шөгылгә  йомгак ясала.