конспект ООД для младших групп "Яшь булышчылар"
план-конспект занятия по окружающему миру (младшая группа) на тему

Тема: Яшь булышчылар

Максат:  Гади математик күзаллаулар формалаштыру.

Бурычлар:  Белем биру :  Тирә –юндә бер хәм күп санлы предметларны табарга,кайсы предметларның күбрәк икәнен билгеләргә өйрәтү,түгәрәкне күреп капшап карап фигураның формасын билгеләргә өйрәтү,җилем белән пөхтә эш итәргә өйрәтү.

Үстерешле: Игътибарлылыкны арттыру,б-рның тирә-юнҗ турындагы белемнәре арту нәтиҗәсендә,аларның сүзлек запасын үстерү хәм активлаштыру.,

Тәрбияви: Балаларда кошларга хәм кыргый җәнлекләргә карата кайгыртучанлык хисе ,ярдәм кулы суза белү хисе тәрбияләү.

Килеп чыккан результатлар:

1.күп,бер,берәү дә юк җөмләдә куллану хәм аңлый белү не ныгыту.

2.Эшне чиста эшләргә ирешү.

3.Сорауларга ана телендә җавап бирүгә ирешү.

4.Түгәрәкне таный хэм аера белергә тырышу.

5.Проблемалы эзләнүдә актив рәвештә катнашу.

Эшчәнлек төрләре:танып белү,сөйләм теле үстерү,иҗади сәнгать,тирә-юнь белән таныштыру.

Индивидуаль эш:бер,куп, бер дә юк сүзләрен кабатлау (Айнур,Илсаф,Ләйлә),клей белән чиста эшләү алымын ныгыту.

Сүзлек эше:Күп,бер,бер дә юк,ана үрдәк,үрдәк бәпкәләре,кыштырдый.

Алдан үткәрелгән эш:кошлар,кыргый җәнлекләр турында әңгәмә.

Кулланылган җихазлар: үрдәк уенчыклары,керпе уенчыгы,кәрзин макеты,кәгазь алма формалары,клей ,кисточка,салфетка.

ООД барышы:

(Бүлмә уртасында түгәрәк күл,күл буенда үрдәкләр.Бер читтә алма агачы.)Б-р бүлмәгә керәләр,кунаклар белән исәнләшәләр.

-Хәерле иртә ,кунаклар!

-Хәерле иртә хәммәгезгә дә!

(Үрдәк тавышы килә).

-Б-р, бу нинди тавыш ишетелә.(җаваплар)(Бер үрдәкне күреп алалар)Бу каян чыккан үрдәк бәпкәсе,әллә югалдымы икән.Әнисе шуңа кычкырадыр инде баласын югалткач.Нәрсә эшләргә микән.

-Миндә ничә үрдәк.(Бер)

-Ничек итеп аңа ярдәм итәргә соң.Бу үрдәк бәпкәсенең гаиләсе кайда икән.(Балалар группадан эзлиләр).

-Балалар,карагыз әле бу күлгә,монда ничә үрдәк бар.

-Әни үрдәк ничә.(инд.җаваплар)

-Балалар,әйдәгез әле үрдәкләрне якыннанрак карыйк.

-Үрдәкләрне кулыгызга сак кына алыгыз,чөнки алар бик кечкенә.

-Ә хәзер күлдә ничә үрдәк калды.(җаваплар).

-Игьтибар б-н карагыз әле ,үрдәкләр нинди.Аның нэрсәләре бар.(күзләре,аяклары,томшыгы,канатлары бар).

-Синдә ничә үрдәк,Айдар.(бер)

_Ана үрдәк әйтә,минем бәпкәләремне суга җибәрегез,дие.

-Без аларны ашатып алыйк.(җим ,орлык бирәләр)

(Кыштырдаган тавыш ишетелә).

-Б-р,тагын нинди кыштырдаган тавыш ишетелә.(Б-р агач төбеннән керпене эзләп табалар)

-Исәнме,керпе.Нишләп йөрисең монда.

-Алма җыярга дип чыккан идем.Әнием пирог пешерергә тәмле алмалар алып кайтырга кушты.

-Б-р,ничек итеп керпегә ярдәм итик икән.Бәлки керпегә алмалар эзләп табарга булышырбыз.

(Алмаларны агач  төбеннән эзләп табалар.

-Уйлап  карагыз әле,ничек итеп керпе алмаларны өенә алып кайтыр икән.

(мольбертны  хәм әзер кәрзинне борып куя)

-Ә менә монда керпенең әзер кәрзине дә бар.

-Б-р, өстәлләр янына килегез,алмалар нинди төстә,(кызыл)Нинди формада.(инд.сораулар).

-Кәрзингә алмаларны ябыштырыр  өчен алманың ак ягына клей сөртәбез хэм кәгазьгә ябыштырабыз.Алмаларны кәрзиннең эченә салырга кирәк,тышка салсаң тәгәрәп китә.(күмәк эш-алмаларны ябыштыру)

-Булдырдыгыз, балалар,бик күп алмалар алып кайткач,керпенен әнисе сөенер микән.

--Сез бик яхшы ,ягымлы,игътибарлы,кайгыртучан б-р.

-Бал-р,сез бүген кемнәргә ярдәм иттегез.(анализ)

-Мин уйлыйм,сез дә өйләрегездә әниләрегезгә ярдәм итәсездер.Менә бүген дә кайткач әниегез белән керпе яисә үрдәк турында шигырь ятларсыз.

МБДОУ № 3 «Эллюки»

Ачык дәрес конспекты

тема

“Яшь булышчылар”

Хайруллина Гульнур Яхьяевна

I квалификацияле тэрбияче

Яр Чаллы

2015