Ә, ә хәрефе һәм аның кассасындагы урынын үзләштерү.
план-конспект занятия по обучению грамоте (старшая группа)

ИФО - Рахимова Миләүшә Рафкатовна.

Эш урыны - Байлар Сабасының 6нчы номер Балалар бакчасы “Балачак”

Сөйләм теле.(Грамотага өйрәтү). Мәктәпкә әзерлек төркеме.

Тема: Ә, ә хәрефе һәм аның кассасындагы урынын үзләштерү.

Максат: Ә, ә авазы белән танышуны дәвам итү.

Бурычлар:

Белем бирү: Авазларны танырга өйрәтүне дәвам итү;

Үстерү: Әдәби әсәрләрне ишетеп кабул итү күнекмәләрен үстерү;

Тәрбияви: Балаларда иптәшләренең җаваплары белән килешү яки килешмәүне дусларча әйтеп бирә белү кунекмәләрен булдыру.

Оештыру өлеше:

Организацион өлеш:

-Балалар, әйдәгез әле сезнең белән шөгылебезне башлап җибәрик!

Мотивацион өлеш:

Балаларга сораулар бирелә:

Тәрбияче: «Гаиләгездә иң кадерле кешеләр кемнәр алар?» – дип балаларга сорау бирә. Алар турында сөйләп бирергә куша.

Балалар сорауларга җавап бирә һәм кадерле кешеләре турында кыскача гына берничә сүз белән сөйләп китәләр.

Төп өлеш:

Тәрбияче Р. Миңнуллинның «Әтәч» шигырен укый.

Әтәч

Иң матур төш күргәндә,

Төшкә әни кергәндә,

Тотына кычкырырга –

Туры килә торырга.

«Тор-тор!» – диеп әйткәч тә,

Үпкәләмим әтәчкә!

Роберт Миңнуллин

Балалар белән бергәләп әтәч уенчыегын карыйлар, сорауларга җавап бирәләр.

Ял минуты:

“Кошлар”

Кошлар булып очабыз,

( Балалар кулларын як-якка җәеп “очалар ”,

Аннан җиргә кунабыз, ( Чүгәлиләр)

Бераз ял итәбез дә

Тагын очып китәбез. (Кулларын як-якка куеп “очалар”.)

Тәрбияче: Балалар без сезнең белән хәзер аз гына битләрдә эшләп алачакбыз. Урыннарыгызга утырыгыз. (Балаларга битләр таратыла. Анда өч төрле рәсем һәм Ә хәрефе сурәтләнгән. Этәч, кәнфит,мәк).

Балалар рәсемнәрне буилар һәм һәрбер сүздә [ә] авазының урынын билгелиләр: сүз башында, уртасында, ахырында.

Рәсемнәр белән эш беткәч балалар Ә, ә хәрефләрен (баш һәм юл) язалар. Язу барышында кул хәрәкәтенең башлангычын күрсәтүче нокталарга, хәрәкәтнең юнәлешен күрсәтүче укларга игътибар итү күнекмәсе формалаштырыла.

- Балалар,  әйдәгез әле сезнең белән бер уен уйнап алыйк. Уенның исеме “Серле сандык” дип атала. Мин сезнең һәрберегезгә серле сандыкны биреп чыгам. Сез күзләр йомык килеш эченнән берәр әйбер аласыз. Аннары алган әйберне исеме белән атыйсыз һәм [Ә] авазы барлык\юклыгын , сүзнең кайсы өлешендә урнашканлыгын әйтәсез. Башладык.

Йомгаклау өлеше:

-Без бүген ниләр эшләдек?

-Сезгә нәрсә эшләү күбрәк ошады?

- Әфәрин , балалар. Сез бүген бик нык тырыштыгыз, әфәрин!