Тема: Җөмләне сүзләргә аеру.Грамотага өйрәтү дәресе.Мәктәпкә әзерлек төркеме.
план-конспект занятия по обучению грамоте (подготовительная группа) по теме

Максат: Балаларны җөмлә төзеп сөйләргә өйрәтү. Җөмләдәге сүзләр тәртибе белән таныштыру.

Мет.алымнар: Пауза ясап әйтү, сүзләрне эзлекле тәртиптә әйтү, сүз саның математик таякчыклар белән билгеләү, хәрәкәтләр ясау алымы, анализ бәя бирү йәм йомгак.

Җиһазлау:Курчак, альбом бите, карандаш, таякчыклар.

Барышы: 1.Оештыру өлеше.Занятиегә барлык кирәкле җиһазларны барлау.

2.Үткән дәресне искә төшерү.(кабатлау).

-Балалар, үткән дәрестә без нәрсәләр өйрәндек? (сүзләр һәм җөмләләр).

-Сүз нәрсә була ул?

-Җөмлә нәрсә?

3.Бүген без сезнең белән уенчыклар турында сөйләшербез. Сүзләрне кычкырып,  ачык итеп әйтербез.

-Балалар,  бу нәрсә?(курчак).

-Ул нинди? (ике сүздән торган җөмлә төзегез). Курчак матур.

Айнур, беренче  сүзне әйт әле.(курчак).

-Азалия,син икенче сүзне әйт.(матур).

-Курчак матур. Минем арттан кабатлагыз әле.

-Хәзер тагын ике сүздән торган җөмлә төзегез. Курчак утыра.  Курчак йоклый. (балалардан сорау).

-Мин хәзер бу җөмләне менә бу биткә язам. Мин сүзне таяк белән язам. Бер таяк бер сүзне белдерә. Миңа булышыгыз әле. Ике сүздән торган җөмлә әйтегез. Курчак утыра.

-Курчак бер таяк куям, утыра тагын бер таяк куям, ике таяк була.

-Бу ничә сүзле җөмлә?(ике сүзле)(балалар тагын җөмләләр төзиләр).

-Ә хәзер мин сезгә җөмлә әйтәм, ә сез кул чабасыз. Курчак йоклый.

-Ничә тапкыр кул чабасыз?(ике)(тагын берничә җөмлә әйтү).

4.Ял минуты.(берәр уен уйнап алу).

5.Дәвам итәбез.

-Хәзер кем миңа курчак турында өч сүзле җөмлә әйтә.(курчак урындыкта утыра).(Җөмләдәге сүзләр тәртип буенча һәм урыннарын алыштырып сорала; балаларга таяклар өләшелә).

-Ә хәзер таяклар ярдәмендә җөмлә төзибез. Эчегездән бер җөмлә уйлагыз, аннары алдыгызга таяклар тезегез.

-Ралинә, син нинди җөмлә төзедең?(өч сүзле җөмлә).Җөмләнне кычкырып әйт әле.(курчак ашап утыра).

-Илзирә, син җөмләнне әйт әйдә.(курчак күлмәгең юа).(башка балалардан да сорап чыгу).

6.Йомгаклау.

-Без сезнең белән нәрсәләр турында сөйләштек?(сүзләр һәм җөмләләр турында).

-Нинди җөмләләр турында сөйләштек?(ике һәм өч сүзле).Шушының белән дәрес тәмам.