Мәктәпкә әзерлек төркеме балалары белән үткәрелгән күңел ачуның план - конспекты на тему: Экологик әкият. “Кояшка ярдәм итү”
методическая разработка по окружающему миру (подготовительная группа) на тему

МКУ «Балтач муниципаль районы башкарма комитеты мәгариф бүлеге”

          Мәктәпкә әзерлек төркеме балалары белән үткәрелгән

күңел ачуның план - конспекты

                        Тема: Экологик әкият. “Кояшка ярдәм итү”

                                                       Гилязутдинова И.В.

                                                              МБМББУ “Балтач 2 нче номерлы балалар

                                                              бакчасы”ның 1 нче квалификацион

                                                              категорияле тәрбияче

                                                2013 – 2014 уку елы

Тема: Экологик әкият. “Кояшка ярдәм итү”

Эшчәнлек тере: танып белү

Максат: Балаларда экологик культура башлангычлары тәрбияләү.

Бурычлар: Туган як табигатенә мәхәббәт тәрбияләүне дәвам итү;

Табигать кочагында үзеңне дөрес тоту;

Әкият аша тере һәм тере булмаган табигатьтәге бәйләнешне аңларга өйрәтү.

Җиһазлау:Табигать күренеше, аудиоязма “Авыл көе”, курчаклар

 Алдан эшләнгән эш: Әкият сөйләү, шигырьләр өйрәнү

Барышы:

Көй яңгырый. (Аудиоязмада “Авыл көе” – кошлар тавышы ишетелә, әтәч кычкыра). Әкрен генә кояш күренә, чыга. (Авыл тормышы күренеше).          Өйдән әби белән бабай чыгалар.

Әби: Бабай, кара әле, нинди матур иртә! Ишек алдыннан керәсе дә килми.   Бабай: Әйе шул, әби, бүген көн матур булырга ошый. Ярар, мин үземнең эшләремә тотыныйм. Ә син, әби, икмәк пешер әле?

Әби: Нәрсәдән пешерим соң, он юк бит.

Бабай: Әби, әрҗә төбеннән кырып, бура почмакларыннан себереп бераз җыелмасмы?

Әби: Тырышып карармын инде.(Әби бабай әйткәнчә эшләгән дә, камыр басып, йомры икмәк пешергән. Аны суытырга дип тәрәзә төбенә куйган).

(Кинәт бөтен җирдә караңгы була).

Әби: Нәрсә булды бу? Бөтен җирдә караңгы?

Бабай: Бик күп еллар элек, мин кечкенә булганда, шушындый хәл булган иде.Ул вакытта кояшны аҗдаха йотты. Ул бик куркыныч.

Әби: Нишләрбез икән, бабай? Әллә өенә барып, кояшны сорыйкмы?

Бабай: Аның өе еракта, таулар, урманнар аша барырга кирәк. Без синең белән инде олылар, анда барып җитә алмабыз. Кем безгә ярдәм итәр икән ?

Йомры икмәк: Әби, бабай, монда мин дә бар бит әле. Кояшны үзем эзләп кайтам.

Бабай:  Адашмас өчен, тиен дустыбыз сиңа юлны күрсәтмәс микән?

Тиен: Мин сезгә бик теләп булышам. Мин агачтан – агачка сикереп йөргәч, урманның  барлык юлларын да беләм. ( Тиен артыннан йомры икмәк тәгәрәп китә).

Йомры икмәк үзенең яраткан җырын җырлап тәгәри:

Мине йомры икмәкне,

Әрҗә төбеннән кырдылар.

Бура төбеннән себерделәр,

Май белән бастылар.

Әби белән бабайга

Булышырга бик телим

Аҗдаха йоткан кояшны

Без эзләргә дип чыктым.

Куян очрый: Йомры икмәк, мин сине ашыйм.

Йомры икмәк: Ашама мине, аҗдаха кояшны йотты, аны эзләргә барам.

Куян: Мине дә ал әле үзең белән? Минем дә ярдәмем тими калмас.

Йомры икмәк: Бергә күңеллерәк булыр.

Юлларында бүре очрый.

Бүре: Икегезне дә тотып ашыйм.

Сорыдыр төсем,

 Үткендер тешем,

Урманда йорим

Барсында күзлим.

Йомры икмәк: Син безне ашама, безгә ярдәм ит кояшны коткарырга.

Аю бара. Йомры икмәк, тиен, куян, буре аюдан ярдәм сорыйлар.Аю риза булып китә.

Төлке килә.

Төлке: Йомры икмәк, синнән  бигрәк тәмле исләр килә. Әле сине матур җырлый дип тә беләм. Миңа җырыңны җырлап күрсәт әле?

Йомры икмәк: Минем җырлап торырга вакытым юк, аҗдаханың өенә барып, кояшны кире кайтарырга кирәк.

Төлке: Мине дә алыгыз әле. Үземнең хәйләкәрлегем белән мин дә эшкә ярармын.

(Йомры икмәк, җәнлекләр бара, бара аҗдаханың өен күрәләр).Төлке үзенең хәйләкәрлеге белән аҗдаханы өеннән чакырып чыгара.

Йомры икмәк: Син, аҗдаха, нигә кояшны урладың? Кояш булмагач, бар дөньяда караңгылыкка чума. Чәчәкләр, агачлар, кошлар, җәнлекләр берсе дә яши алмый. Табигатьтә бар нәрсәдә бәйләнешле. Табигатьне яратырга, сакларга кирәк.Табигать – ул безнең уртак йортыбыз икәнең беркайчан да онытмаска кирәк.

Барысы бергә: Аҗдаха, бир безгә кояшны ( Аҗдаха кояшны бирә).

Һәрвакыт булсын кояш

Һәрвакыт булсын һава

Һәрвакыт булсын әни

Һәрвакыт булыйм мин.

Табигатьне саклаган – үз яшәвен аклаган!