Ата -әсәләр менән эш " Ғаиләм менән әкиәт илендә " Кескәйҙәр төркөмө.
статья (средняя группа)

Ғаиләм менән әкиәт донъяһында.

2018 йыл- белеүебеҙсә,ғаилә йылы тип аталды. Был юҡҡа түгелдер, сөнки ғаилә кеше тормошонда иң мөһим урын алып тора. Бары тик ғаиләгә, балаларға кеше күп ваҡытын сарыф итергә тейеш.

Өфө ҡалаһының 308-се  башҡорт балалар баҡсаһында ғаилә йылына арналған ,ата-әсәйҙәр менән берлектә байрамдар  һәм күңел асыуҙар үткәрелеп тора.

Беҙҙә үҙебеҙҙең кескәй балаларыбыҙ менән ситтә тороп ҡалманыҡ.

“Әкиәт донъяһында” тигән ғаилә байрамы үткәрҙек. Ҡатнашырга теләк белдергән ғаиләләр,үҙҙәре менән бер әкиәт килтереп ,уны сәхнәләштерҙеләр. Ни өсөн әкиәт тиһегеҙме,сөнки әкиәт ул бала өсөн иң ҡыҙыҡлы,мауыҡтырғыс бер мөғжизә.

Байрамда туғыҙ ғаилә ҡатнашты. Ғалиндар ғаиләһе “Пых” ,Хәмитовтар “Һайыҫҡан”,Вәлиевтар” Тыңлауһыҙ әтәс “әкиәттәрен сәхнәләштереп күрһәтһәләр,башҡа ғаиләләр уҙ-ара берләшеп ,дуҫлашып әкиәттәр әҙерләгәндәр. Хузиндар,Латировтар ,Кузнецовтар,Юмагуловтар «Шалҡан”,

Хәйретдиновтар менән Хәжиевалар « Һоро кәзә бәрәстәре” тигән әкиәттәрҙе күрһәттеләр.

 Ғаиләләр бик етди әҙерләнгәндәр. Төрлө атрибуттар ,костюмдар һәм концерт номерҙары менән байрамыбыҙ тағы ла нығыраҡ йәлләнде.

Беҙҙең балалар кес кенә булыуҙарына ҡарамаҫтан,бер ҙә  сәхнәгә сығыуҙан ҡурҡып тормай үҙҙәрен әртист итеп күрһәттеләр. Ни өсөн тигән дә атай -әсәй яныңда булыуы ҙур батырсылыҡ  өҫтәйҙер.Йомғаҡлап шуны әйтәһе килә, «Матур ғаилә –ил күрке”.Ғаиләләребеҙ күркәм , татыу булһындар, уларға именлек теләйбеҙ.