Кескәйҙәр төркөмө өсөн сценарий
план-конспект занятия по окружающему миру (младшая группа) на тему

Кескәйҙәр төркөмөндә ойошторолған белем биреү эшмәкәрлеге.

Тема: Ғаилә.

Төп белем биреү эшмәкәрлеге өлкәһе: Тирә яҡ донъя.

Белем биреүҙә интеграциялар:  социаль-коммуникатив үҫеш, телмәр үҫтереү; художество-эстетик үҫеш(ҡорама йәбештереү); физик үҫеш.

Маҡсат: балаларға ғаилә һәм ғаилә ағзалары тураһында төшөнсә бтреү; ғаилә тураһындағы белемдәрен камиллаштырыу; ғаиләләге һәр кемдең бер-береһен яратыуы, ярҙам итеүе, бергә дуҫ йәшәүҙәое тураһында аңлатма биреү; ғаилә ағзаларына ҡарата  һөйөү, ихтибарлы ҡараш тәрбиәләү.

Йыһазландырыу: туп; өй төшөрөлгән плакаттар, ғаилә ағзалары һүрәттәре.

Белем биреү эшмәкәрлегге барышы:

-Һаумыһығыҙ, балалар!

-Һаумыһығыҙ!

-Балалар, әйҙәгеҙ әле ҙур түңәрәк эшләйек.

Ҡарағыҙ әле, беҙгә бөгөн ҡунаҡтар килгән. Улар менә һаулыҡ һорашайыҡ! Һаумыһығыҙ!

-Афарин. Ә хәҙер ҡунаҡтарға үҙебеҙ турала һөйләп, йырлап ишеттерәйек.

Бына танауым,

Был – минең ҡашым,

Күҙем, ҡолағым,

Ә бына башым!

- Афарин, балалар! Ә хәҙер иссемдәребеҙҙе әйтәйек.

Мин – Марина Урал ҡыҙы!

(Һәр балаға туп тоттороп исемдәрен әйттереү)

- Афарин балалар, ултырғыстарға ултырайыҡ.

- Ҡарағыҙ әле, беҙгә бөгөн бер матур ҡыҙ ҡунаҡҡа килгән. Уның исеме – Ләйсән.

- Һаумыһығыҙ, балалар!

- Һаумыһығыҙ!

- Мин – Ләйсән. Һеҙҙе күреп танышыуыма бик шатмын. Әйтегеҙ әле, балалар, һеҙҙе бөгөн балалар баҡсаһына кем алып килде?

(Балаларҙың яуаптары: атай, әсәй, олатай, өләсәй һ.б)

• Һеҙ уларҙы яратаһығыҙмы?
• Эйе, балалар, һәр беребеһһең атһы, әсәһе, өләсәһе, олатаһы бар. Был – ғаилә тип атала. Һәр кешенең үҙ ғаиләһе була.
• Әйҙәге, хәҙер ғаилә тураһында бармаҡ уйыны уйнап алайыҡ:

Был бармаҡ – олатай,

Был бармаҡ - өләсәй,

Был бармаҡ – атай,

Был бармаҡ - әсәй,

Был бармаҡ – мин,

Был – минең ғаиләм!

• Афарин, балалар!
• Ә хәҙер, баҫтыҡ, ял итеп алайыҡ.

Аҡ ҡуян, йомшаҡ ҡуян,

Беҙгә ҡунаҡҡа килгән.

Ҡойроғо ҡыҫҡаҡ ҡына,

Ҡолағы ергә тейгән.

• Афарин, балалар! Ял иттек, урындарға ултырабыҙ. Беҙҙең балаларҙың ғаилә тураһында шиғырҙары ла бар:

Нәзирә: Ҡоймаҡ бешерә әсәйем

Таралды тәмле еҫе.

Сәй эсәбеҙ бергә-бергә

Шау-гөр килә өй эсе.

Диана: Топ-топ-топ!

Мин атлайы, атлайым!

Уң ҡулымдан тотҡан атай,

Һул ҡулымдан - әсәйем!

Әлиә: Ҡурайҙы мин бик беләм

Ағайым уйнай гелән.

Бейетеп тә, йырлатып та

Була ул ҡурай менән.

• Афарин, Нәзирә! Афарин, Диана! Афарин, әлиә!
• Балалар, был Ләйсәндең өйө. Кемдәр менән йәшәй икән ул?
• Әсәй.
• Атай.
• Өләсәй.
• Олатай.
• Афарин, балалар! Ләйсәндең өйө матур, күңелле. Ә бына был өй, нишләптер, күңелһеҙ. Был өй матур, йәмле, күңелле булһын өсөн нимә эшләргә кәрәк?

(Сәскәләр түңәрәктәр менән биҙәкләргә).

Ҡорама йәбештереү.

• Афарин! Хәҙер өй матурланды.

- Балалар, беҙгә бөгөн ҡунаҡҡа кем килде?(Ләйсән)

-Ул кемдәр менән йәшәй?(Атай, Әсәй, олатай, өләсәй)

- Бер һүҙ менән нисек әйтелә?(Ғаилә)

- Афарин, балалпр! Әйҙәгеҙ, ҡунаҡтар менән хушлашайыҡ.

- Һау булығыҙ!