"Сенсор куб", уен
план-конспект занятия по конструированию, ручному труду (младшая группа) на тему

                                  Сенсор куб

Мин  2-3 яшьлек балаларның  яшь узенчәлекләрен исәпкә алып,күп функцияле,берничә төрле-төрле уеннарны үтәргә мөмкин булган “Сенсор куб”ясадым.Бу уен хәтерне үстерә,игътибарны,танып белүне,вак моториканы ныгыта.Төсләрне өйрәнү,бергәләп уйнар өчен бик отышлы булып тора.  

       Әлеге  куб 6 төрле төстәге рәшәткәләрдән тора. Кер кыстыргычлары,шнурлар,тасмалар,резинкалар,бөкеләр ярдәмендә бармак уеннары уйнарга,сулыш гимнастикасы ясарга,балалар өчен кызыклы булган төрле уеннарны уйнарга мөмкин.

      Кубның   эченә баулар суздым.Бауларга шариклар ,чәчәкләр,кыңгыраулар элдем.Кубның бер ягына баулардан ике толым үрдем.Киңлекләре,озынлыклары,төсләре буенча “киң-тар”,”озын-кыска”  төшенчәләрен  хәтердә  калдырырга  ярдәм итә.Мәсәлән: уен “Чәч толымы үрү” – төрле төстәге баулардан ике толым үрәбез,бер толымны үреп резинка белән кыстырабыз,икенче толымны үреп,төсле тасма белән бәйләп куябыз.

      Әлеге “Сенсор куб”  ярдәмендә 25 төрле уен уйнарга мөмкин.Хэзер берничәсен сезнең игътибарга да тәкъдим итәбез.Алда әйтеп узылган “Чәч үрү”   уенында түбәндәге дүртьюллыкны әйтәбез:

                   Сеңелем Алсу кечкенә,

                   Чәчләрен үрәм менә.

                   Тасма толым очына,

                   Ул шуңа бик куана...  

       Йомгаклап шуны әйтәсе килә,алда күрсәтелгән уеннарны ешрак уйнарга тәкъдим итәм.Балаларның сәләтләрен,күзаллауларын үстерү,ныгыту өчен бик үтемле чара булып тора.Коллективта иптәшләреңә карата дус-тату уйнау мөмкинлеге тудыра.