Сәйлән үрү техникасы кулланып бизәнү әйберләре (алка) ясау. Мастер - класс
материал по конструированию, ручному труду (старшая группа) на тему

              Балалар бакчалары тәрбиячеләре өчен Мастер-класс

Сәйлән үрү техникасы кулланып бизәнү әйберләре (алка) ясау.

I нче квалификация категорияле тәрбияче

Архипова Венера Алексей кызы әзерләде

    Максат: Тәрбиячеләр белән халкыбызның нәфис сәнгате “сәйлән үрү” эшчәнлеге буенча тәҗрибә уртаклашу. Сәйлән кулланып алка (күбәләк) ясау алымнарына өйрәтү.

 Барышы:

    Мин сезне күрүемә шатмын.Минем исемем Венера Алексей кызы. Мин балалар бакчасында  “Тылсымлы сәйлән” түгәрәге алып барам . Балалар бик теләп йөриләр. Сәйлән үрү борынгы бабаларыбыздан калган эш төре. Кешеләр һәрвакыт йортларын, киемнәрен бизәргә омтылалар.Моның өчен алар төрле табигать байлыклары кулланганнар. Пыяла эшкәртү белән бергә сәйләндә барлыкка килә.

    Легенда буенча сәйлән белән эшләүне Фин купецлары башлап җибәргән. Алардан безгәдә үтеп кергән. Татар халкынең милли киемнәрен, бизәнү әйберләрендә еш очратырга була.

    Сәйлән  –  ул кечкенә вак пыялалар. Алар төсләре, размерлары, формалары белән аерылып торалар. Сәйләнне проволока, бау яки леска кулланып үреп була.Үрү техникалары: паралель, элмәкләп, энә кебек.

     Мин сезне  татар халкының бизәнү әйберләренең берсе - күбәләк формасындагы алка ясау алымы белән таныштырып китәсем килә. (Әзер алканы күрсәтү). Алка ясау өчен безгә:

• 30 см проволока
• Ике төрле төстә сәйлән №8
• 2 замок алка өчен
• 2 сәйлән коробкасы
• Кайчы
• 20× 20 тукыма
• схема
• Әйдәгез әле бергәләшеп алка ясап карыйбыз. (Кирәкле җиһазларны сайлап алу, алка үрү). Бу очракта паралель үрү кулланыла.
• Проволокага биш сәйлән кертәбез һәм уртасын табып икенче яктан әйләндереп алабыз, беренче рәт әзер. Икенче рәт өчен дүрт сәйлән киертәбез каршы яктан икенче проволоканы киереп икенче рәт ясыйбыз. Схемага күз салабыз.

Менә сезнең алкагыз әзер, бу алкага йөзек тә әзерләп була.

Сәйлән үрү сезгә охшагандыр дип уйлыйм, сәйлән үрү алымнарын эшегездә балалар белән уңышлы кулланырсыз дип ышанып калам, рәхмәт сезгә.