Салкын көз. Яшелчәләрне кышка әзерләү.
план-конспект занятия по аппликации, лепке (средняя группа)

                 Муниципаль мәктәпкәчә белем бирү учреждениесе

             “ Гомуми үсеш бирүче №7 Актаныш балалар бакчасы “

Салкын көз.

Яшелчәләрне кышка әзерләү.

                     (уртанчылар төркемендә әвәләү эшчәнлеге)

тәрбияче

Садртдинова Ф.И.  2015.

Максат:

Тәрбия бурычы: Балаларда  көзге табигатьнең матурлыгына соклану  тәрбияләү.                                                                                                       Үстерү бурычы: Балаларда игътибарлылык һәм фикерләү үстерү.                                                                             Белем бирү бурычы: Балаларны  ноябрьдә табигатьнең нинди булуы турында сөйләргә, чөнки кисәкчәсе белән кушма җөмләләр төзергә өйрәтү .

Төп белем бирү өлкәсе: нәфис - нәфасәти үсеш.

Интеграль белем бирү: сөйләм үсеше, нәфис – нәфасәти үсеш, физик үсеш,  танып белү, социаль – коммуникатив үсеш.

Методик алымнар һәм чаралар: әңгәмә, җырлы – уен, сораулар, әвәләү.

Җиһазлау: “Көз” картинасы, һәр балага банка рәсеме ясалган  картон битләр, пластилин наборы.

Алдан үткәрелгән эш: Җырлы уен: ”Көз, көз, әйт әле...” өйрәнү.

Эшчәнлек  төзелеше:

I.1)Шигырь сөйләү.

  2)Көз ае турында сөйләшү.

  3)Уен: “Җөмләне әйтеп бетер”.

II.1) Әвәләү: “Банкадагы  яшелчәләр”.

   2) Җырлы уен: ”Көз, көз, әйт әле...”

III.Йомгаклау.

                         Эшчәнлек барышы:

I.Оештыру өлеше.  

1).Көз турында шигырь сөйләү.

Күрәмсез дусларым,                                                                                                    Көз килде тышта;                                                                                                         Озак тормас,                                                                                                      Килер ак тунлы кыш та.  

2).Көз ае  - ноябрьдә  һава торышы нинди булуы турында сөйләшү.

Сораулар бирү:

• Хәзер нинди ай?
• Көзнең беренче ае ничек атала?
• Икенче ае ничек атала?
• Ноябрь җылы аймы?
• Ноябрьдә күк йөзе нинди була?
• Яңгырлар күп буламы, әллә әзме?
• Ноябрьдә  җил салкынмы, әллә җылымы?
• Ноябрьдә  кар явамы?
• Чәчәкләр, үләннәр нишли?
• Агачларда яфраклар күпме?
• Ноябрьдә кошлар җылы яктан кайталармы, әллә җылы якка китәләрме?
• Кешеләр ноябрьдә ничек киенә?

Тәрбияче: - Балалар,  Белмәмешнең  ноябрь  ае турында хикәясен тыңлагыз әле:
     “Ноябрь – көзнең соңгы ае. Ноябрьдә көннәр җылы була. Кояш нык җылыта. Кайчагында җылы яңгырлар ява. Чәчәкләр корыды, ләкин үләннәр әле яшел.Агачтагы яфраклар да ямь – яшел. Кошлар җылы якларга китеп беттеләр.

      (балалар Белмәмешнең хаталарын төзәтәләр)

3.Уен: “Җөмләне әйтеп бетер”.

  - Ноябрьдә көннәр салкыная, чөнки........

  - Ноябрьдә кошлар аз, чөнки.........

  - Ноябрьдә кешеләр җылы киемнәрен киделәр, чөнки.........

  - Ноябрьдә агачлар яфракларын коя, чөнки........

II. Төп өлеш:

1).Әвәләү: “Банкадагы  яшелчәләр”.

    Балаларга  банка рәсеме ясалган картон бите бирелә.  Балалар пластилинны тәгәрәтеп, сузып банка контуры буйлап куеп чыгалар.  “Банкага” кыяр һәм помидорлар тутыралар.  (Кызыл шар формасындагы пластилиннан – “помидорлар”, яшел төстәге овал формадан – “кыярлар”  ясыйлар).

  2).Җырлы уен: ”Көз, көз, әйт әле...”

III.Йомгаклау.

• Без бүген нәрсәләр эшләдек?
• Сезгә нәрсәләр охшады?
• Бүген нинди яңалык белдегез? Һ.б.