Юлда да акыл кирәк
материал (подготовительная группа) на тему

Юлда да акыл кирәк

Тәрбияче:

Хисмәтуллина Ф.

Алабуга шәһәре

Максат: кече яшьтәге балаларга юл йөрү кагыйдәләрен төшендерү, аларны төгәл үтәргә күнектерү; балалар бакчасы белән гаилә арасындагы бәйләнешне ныгыту.

Шөгыль барышы:

Алып баручы: Игътибар, игътибар! КВН кичәбезне башлыйбыз. Ике команда ярыша. “Яшел ут” һәм “Кызыл ут”. Әйдәгез, аларны каршы алыйк.

Музыка астында ике команда керә.

Алып баручы:

Без яшәгән шәһәрне

Китапка тиңләп була.

Урман, юл әлифбасын

Шәһәр безгә әйтеп тора.

Әнә ул –баш өстендә,

Хәсрәт булмасын дисәң –

Юл әлифбасын онытма!

“Яшел ут” командасы капитаны.

Кызыл ут командасына

Кайнар сәлам юллыйбыз.

Чын күңелдән дөрес җавап

Бирүләрен телибез.

“Кызыл ут” командасы капитаны.

Без бүген бү кичәгә

Көч сынашырга килдек.

Биербез, күңел ачарбыз,

Без дә артка калмабыз.

Барысы бергә:

Юл кагыйдәсен бозмаска,

Беркайчан да онытмаска

Сүз бирәбез!

Алып баручы. Ә хәзер мин сезнең белемнәрегезне тикшереп карыйм – сораулар бирәм. Ә сез җавап табыгыз, әгәр җавапны дөрес дип санасагыз, бергәләп әйтегез: “Бу бит мин, бу бит мин. Минем якын дусларым”. Әгәр ялгыш булса, дәшмәгез.

1. Кем шулай алга чаба,

Светофорны күрмичә.

2. Кем белә яшел төснең

- Юл ачык! – дип әйткәнен.

Ә сарының һәрвакытта

- Тукта, сабыр! – дигәнен.

3. Кем белә кызыл төснең

- Кузгалма, тор!  - дигәнен.

4. Кайсыгыз трамвайда

Өлкәннәргә урын бирә?

Өч бала  - светофорның 3 төсе керәләр.

Алып баручы. Светофор булса

Урам чатында,

Игътибар белән

Син аңа кара.

Сары төс. Игътибарлы бул –

Урамда әле

Ачык түгел юл!

Кызыл төс. Янса кызыл ут –

Тукта шунда ук.

Алга барырга

Димәк, һич юл юк.

Алып баручы. Бергә булса да,

Ялгыз булса да,

Урамда дөрес

Йөрсен һәр бала!

Алып баручы. Болар нәрсә, балалар?

Балалар: Светофорның өч төсе.

Алып баручы. Әйе, алар сезне биергә чакыралар.

Әгәр яшел ут янса, күңелле итеп биегез,

Сары янса – чүгәләгез, кызыл янса – туктагыз, бер-берегезгә бармак янагыз: “Алга барырга ярамый!”.

Алып баручы.Урамнарны күзәтеп,

Ваемсызны кисәтеп,

Чатта тора светофор

Сакта тора светофор.

Кызыл төс алга чыга.

Балалар: Тукта!

Алып баручы. Сары.

Балалар: Көтеп тор!

Алып баручы. Яшел.

Балалар: Бар!

Светофорның төсләре урыннарына утыралар.

Музыка астында Белмәмеш керә, бер кулы бәйләнгән, исәнләшә.

Алып баручы. Белмәмеш, сиңа ни булды?

Белмәмеш:  Балалар, урамнарга, юлларга ниндидер билгеләр куелган. Алар нәрсә өчен икән?

Балалар:  Урамда авария булмасын, кешеләр бәхетсезлеккә юлыкмасын өчен!

Алып баручы. Алайса без, балалар, Белмәмешкә бу билгеләрнең мәгънәләрен аңлатыйк инде. Яшел утлылар, урам аша чыкканда куела торган билгеләрне күрсәтегез әле. “Кызыл ут” командасына тимер юл аша чыкканда куела торган билгеләрне алып килергә куша. Жюри йомгак ясый.

Алып баручы. Хәзер ике команда арасында эстафета. “Кем машинаны тизрәк китереп җиткерә?..”

ЯРЫШ. Нокталарны тоташтырып рәсемне ясап бетерергә.

Алып баручы.  Уенда катнашучылар өчен “Нәрсә, кайда, кайчан?” викторинасы.

Сораулар:

• Светофорның ничә төсе бар?
• Алар нинди төсләр?
• Светофор кемгә команда бирә?
• - Һәр урамның уртасына җиткәч:
• Сары ут янса нишләргә?
• Кызыл утка нишлиләр?
• Ә яшелгә?

Алып баручы. Безнең ике командадан да берәр бала шигырь сөйләп күрсәтсеннәр әле (“Бүләк”, “Кызыл ут”  Г.Бәшир).

Белмәмеш. Балалар, сез бигрәк күп беләсез икән, минем сезне тапкырлыкка да сынап карыйсым килә. Минем табышмакларга җавап табыгыз әле.

1. Барам, барам – очы юк (юл).

2. “На!” – дисәң, йөрми

“Тор!”  - диәң, туктамый

Печән салсаң ашамый,

Койрыгын борсаң,

Кычкыра-кычкыра чаба (автомобиль).

3. Тәрәзәле һәр ягы

Җиргә тими аягы

Сыртында бар дугасы (трамвай).

4. Кыяга асылына,

Тимергә таяна,

Утырып чаба

Теләсә кая (трамвай).

5. Уф-пуф сулар,

Уфтанса да алып китәр,

Барыр җиреңә илтер (поезд).

6. Аяклары түгәрәк,

Куышалар тәгәрәп.

Үзем утырам, үзем чабам

Теләсә кая табан (велосипед).

Белмәмеш: Сез тапкыр балалар икәнсез. Миңа юлларга куела торган  билгеләрне күрсәтеп аңлатсагыз, мин аларны бик шатланып өйрәнер иде.

Алып баручы.  Әйдәгез әле, сез нинди билгеләрне беләсез, күрсәтегез әле.

Ике командадан да берәр бала билгеләрне берәмләп ала, аңлата.

Белмәмеш. Инде миңа китәргә кирәк. Сездән мин күп нәрсәләрне белдем, рәхмәт сезгә, мине дусларым көтәдер, аларга да өйрәтим әле. Моннан соң беркайчан да юлда хәрәкәтне бозмам. Юлда  йөрер өчен дә акыл кирәк икән.  Сау булыгыз. (Китә. Җюри йомгак ясый.)

Алып баручы.  Ә безнең әти-әниләребез көн дә урам аша йөриләр.Алар нинди билгеләр белән таныш соң?

Алып баручы.  Безнең команда капитаннарының да көч сынашыр вакыты җитте. (Ике рәсем эленә, бәхетсезлек очрагы килеп чыкмасын өчен ничек итеп юлны дөрес чыгарга икәнлеген аңлата.)

Алып баручы.  Күрдегезме, балалар. Безнең халык дөрес әйтә: “Юлда йөрер өчен дә акыл кирәк”. Чыннан да шулай икән.

Җюри йомгак ясый.

Алып баручы.  Безнең ике команда да (җиңде) тырышты, дуслык җиңде. Булдырдыгыз, балалар.

Дуслык турында җыр башкарыла. Парлашып залдан чыгалар.