Статья для родителей на тему: "Фитнес-аэробика, матур да,кунелле дэ".
статья

Фитнес-аэробика – матур да, күңелле дә.

Хәзерге вакыттагы хәбәрләр буенча мәктәпкәчә яшьтәге һәм мәктәп яшьтәге балаларның сәламәтлеге, физик үсеш дәрәҗәсе соңгы елларда шактый кимеде, бу исә тотрыклы тискәре характерны булдыра. Йөрәк-кан тамырлары авыруларыннан, симерүдән, күз авыруларыннан, сөйләмнән, хәрәкәтләрне координацияләүдән, сулыш органнары эшчәнлегеннән интеккән балалар саны елдан-ел арта бара. Организмның төрле авыруларга каршы торучанлыгы кими. Шуның белән бәйле рәвештә баланың сәламәтлеген ныгытуның нәтиҗәле юлларын эзләү, физик үсештәге җитешсезлекләрне төзәтү, авыруларны профилактикалау һәм мәктәпкәчә яшьтәге балаларның һәм үсеп килүче буынның интеллектуаль һәм эмоциональ үсеше факторы буларак хәрәкәт активлыгын арттыру проблемасы актуальләшә бара.

Минем фикеремчә, бу балаларның сәламәтлеген ныгытуның бер юлы ул фитнес-аэробика.

         Фитнес-аэробика – ике аерым төр активлыкны берләштерү нәтиҗәсе. Фитнес – организмның гомуми тонусын саклап калуга юнәлдерелгән Фитнес-сәламәтләндерү процедуралары. Аэробика – ритмик музыка астында комплекслы күнегүләр. Шулай итеп аларның кушылышларыннан килеп чыккан нәрсәләр аэробиканы да, спорт биюләрен дә, гимнастиканы да хәтерләтә.

Хәзерге вакытта Урмай һәм Тукай авылларында аэробика белән шөгыльләнү яшьләр һәм балалар арасында популяр күренеш. Мин эмоциональ һәм заманча биюләргә җәлеп итәм, аэробика хәрәкәтләрнең монотонлыгын булдырмаска, физик, эстетик сыйфатларны үстерергә, сәламәтлекне ныгытырга бар көчемне бирәм. Аның ярдәмендә балалар вирусларга бирешмәскә һәм чирләмәскә өйрәнәлэр, сәламәтлеген ныгыталар, артык оялчанлыктан арыналар, осанканы төзәтәләр, мускулларын ныгыталар, физик күнегүләрнең башка төрләрен уңышлы үзләштерәләр. Тукай авылы балаларының инде беренче чыгышлары булды, бәлки кайсыбер бала өчен бу беренче чыгыш булгандор, аларны алда мондый чыгышлары бик куп булсын иде. Районда утәчәк конкурсларга әдерлегебез бара, балалар бик торышып әдерләнәләр бетен көчләрен аэробикага бирәләр, мондый күренеш мине бик шатландыра.

Кыскасы әти-әниләргә әйтергә теләгән сузләрем шул: физкультура һәм спорт белән даими шөгыльләнү, балаларыбызның сәламәтлегенә уңай тәэсир итә. Һәм без моны беркайчанда истән чыгармаска, кулыбыздан килгәнне барсында эшләргә торышырга.

Фитнес-аэробика тренеры һәм 1 квалификация категорияле «Ләйсән» балалар бакчасы тәрбиячесе Садыкова Резиля Решитовна.